رواية عقلي يبي محمد و قلبي يبي فيصل

**إلميآسـه** · 13-Dec-2012,11:36 PM

مقفلة الباب ومطلعة جوال نانسي تشوف الرسايل اللي فيه والمكالمات ووقفت عند شي لفت انتباهها.
مرت عليها مسجات استحالة انها تكون من بنت مثل ما نانسي مخزنتها ومليون في المية انه شاب وكقطع الشك باليقين اخذت نوف الرقم ودقت من جوالها وصدق احساسها يوم انه طلع مو بنت!!!بس مو هذا الشي اللي لفت انتباهها لانها عارفة ان نانسي تلعب بذيلها مثل مانص الجامعة عارف؟بس اللي شافته ووقفت تتامل فيه صورة طلال!!!!!!!!!!!!!اي هاذي صورة طلال وهم قاعدين بالمطعم اللي في قطر!!!!!!ومخزنة رقمه بعد!!!!!!!!قاعدة ترسمين على طلال يانانسيتبين تبوقين مني ولد عمي!!!!!!!!!!مو كافي انك عامية اخوي؟مستحيل!!!! حريمتها الا طلال عدوانها اقرب لها من انها تلمس منه شعرة وحدة!!!انا لطلال وهو لي وماراح تاخذينه مني يانانسي لوتموتين !!بس قبل لاتلعبين بذيلك عدل انا اللي بوريك منهي نوف وش راح تسوي فيك يللي فرحانة انك طايحة على كنز يصرف عليك وهو مفكر انك تبينه لنفسه!!!!!!!!!!!!!!!!!
//////////////////
////////////////////////////////////
ليالي/يبى ابي فلوس!!!!!
ابو وحيد/وانا اقولك قاصرك شي تقولين لي لا؟
ليالي/استحيت اقول لك قدام اخواني انت قبل يومين عاطيني بعد اقولك ابي اليوم؟
ابو وحيد/وان شاءالله تبين كل ساعة انا حاضر بس ماتخلينها في بالك
ليالي/تسلم يالغالي.بصراحة انا ودي اخذ هدية حق العنود وفيصل وشايفة طقم ساعات يهبل بس ماعندي ميزانيته فقلت اطلب منك
ابو وحيد/حاضرين مدام انه لفيصل والعنود بس عاد اكتبي اسمي على الكرت يابنيتي معك؟
ليالي اكتفت بانها تبتسم/ان شاءالله ولايهمك.بس انت لاتنسى الفلوس.
ابو وحيد/خلاص انا بكرة من الصبح ان شاءالله احط لك في حسابك.يالله يبى تصبحين على خير
ليالي/وانت من اهله.
وراحت غرفتها بسرعة وقفلت الباب وقعدت على فراشها
كان الكيس تحت الفراش ماتجراْت تفتحهمسكت الجوال.وشافت اتصالات تركي ومسجاته
المسج الاول(ليالي حبيبتي انا اسف اذ كانت المفاجاْة ماعجبتك بس وربي اني احبك)
المسج الثاني(حبيبي سامحني بس لاتظل زعلان كذا انا مقدر على زعلك وانت عارف)
المسج الثالث(الله يخليك طمني عليك مو قادر اصبر ولا اهدا ولاحتى قادر ارجع البيتاذا كان لي خاطر عندك طمني عليك ياعمري)
يكون تركي وليش مايكونفارق السن اللي بينا بالطقاق!!!!!ياما رجال في الخمسين تزوجوا بنات في العشرين وعاشوا معهم احلى عيشةوبعدين فيصل والعنود نفس الحكاية ونفس العمر هي صحيح ان العنود اكبر مني بسنة بس السنة هاذي ماهي فارقة ولاهي ماْثرة اصلا!!!!!!!!
انا حبيتك ياتركي .الله يشهد علي اني حبيتك بدون لااعرف انت منو ولاياربيشسوي لااقدر على فراقك وافارقك ولا انا قادرة اكلمك وانا حاسة فيصل عارف كل شي بينابس انا لازم اكلمه واعرف منه عن علاقتنا هو يبي شي.ولا صدق يحبني مثل ماحبيته.؟ودق عليها تركي بس ماردت عليه
يابعد عمري خايف علي.كان قلبها حايس يبي يعرف شنو في الكيس بس معيززة نفسها ومسوية ثقل على الفاضي.دفعة وحدة مدت يدها تحت السرير وطلعت الكيس وحطته بحضنها
افتحه ولاماافتحهلابفتحه
فتحته.كان جايب لها ثوب احمر قصير حييل للفوق الركبة بدون اكمام ومخصر عند الصدر ويوسع من عند الخصر.ومعطره بعطره
وداخل الثوب كانت علبة مخمل انيقة.فتحتها ولقت فيها سلسال ذهب بتعليقة عيون داخلها خرز ازرق كانت رهيبة مووت خصوصا ان العيون كبيرة وصايرة واضحة.
////////////////////////////////////////////////
فيصل/نوف نمتي؟
نوف في نفسها (لامانمت بس اخاف على نفسي منك في ها الليل بعد المقلب اللي سويته فيك!!!)
نوف/قربت انام تبي شي؟
فيصل/فتحي بس فتحي.
نوف فتحت الباب
نوف/خير اخوي بغيت شي؟
فيصل/أي
نوف/شنو؟
فيصل/اجل العنود تبي ذولاك يزينوها ليلة الملكة؟
نوف بضحكة/منهم !!مااعرفهم بصراحة!!!
فيصل/ماعلينا.رقدي بكرة ورانا مشوار
نوف/مشوار؟وين؟
فيصل/بنروح الشرقية
نوف/الشرقية؟ليش؟
فيصل قرب منها/لاتخافين مو علشان نشوف طلال!!!!!!!
لفت بوجها عنه/انا ماقلت شي؟
فيصل/لا بس اذكرك لاتفكرين ان احنا بنروح علشانه؟
نوف/وليش بنروح بالله
فيصل/العنود تبي تروح هناك تغير جو وقالت بتاخذ لها ثوب الملكة من هناك مرة وحدة.
نوف/طيب هي بتروح احنا شكو؟
فيصل/شنو شكواانتي مصدقة اني بخليها مع اخوها البزر هذا!!!!!!!
نوف/لاتقول كذا الوليد ماهو بزر؟
فيصل/بزر ونص!!!!وانا مااخلي مرتي معه
نوف/طيب.وشنو يعني؟
فيصل/باخذك انتي وامي ولطيفة ونروح معهم ناخذ الثوب وناخذ الشبكة ونخلص
نوف/هي عارفة انك بتروح؟
فيصل/لا
نوف/احد بيروح معها؟
فيصل/أي بتروح مع خواتها واكيد هند معها.
نوف/ها .نغار من علاقتهم ببعض يافصيل!!!
فيصل مسك يدها بقوة ولواها/اولا انا اسمي الدكتور فيصل!!!ثانيا مو انا اللي اغار من وحدة مثل هاذي!!!بكرة بنسيها امها وابوها مو بس هند؟
نوف/اترك يدي زين!!!!!!!حشى
فيصل/علشان تكلميني عدل مرة ثانية؟
نوف/اذا مو عاجبك كلامي لاتجي تكلمني
دق جوال فيصل/فيصل/هلا تركي.ها ماكلمت!!!!!اي.وشبتسوي.مدريتب ي اكلم,,,,,,,بكيفك.انا هذا اللي بقدر اسويهطيب لو صار معك شي خبرنييالله
نوف/اوه ه ه شكله تركي غرقان والحبيبة زعلانة منه
فيصل/
نوف/منهي هاذي سعيدة الحظ اللي ابو الترك حاط عيونه عليها؟
فيصل/مو من خصوصاياتك
نوف/اقول فيصل شرايك تطلع بره غرفتي!!!!!!!!
فيصل قام وتمدد على سريرها وتغطى بعد
فيصل/طفي النور معك اذا قمتي مااحب استقبل مكالماتي اخر الليل الا في الظلام!!!!!
///////////////////////////////////////////////
العنود مسكت جوالها ودقت على فيصل.
العنود/هلا.
فيصل/اهلين
العنود/شبغيت؟
فيصل/شها الاسلوب!!!!
العنود/شنو؟
فيصل/شنو شبغيت؟
العنود/انت قلت اذا جيتي تنامين دقي علي!!!فجيت اسالك شتبي شفيها هذي بالله؟
فيصل/مافيها شي بس افرضي ماكنت ابغي شي بس كنت ابي اسمع صوتك؟
العنود سكتت(فيصل لمتى بتظل محيرني معك كذا!!!!اثبت على شي وخليني اعرف قدري عندك شنو؟)
فيصل/ليش سكتي؟
العنود/معك حق انا غلطانة.
فيصل/اكيد غلطانة!!!!!
العنود/شلونك.
فيصل/بخيرليش توك بتنامين؟
العنود/كنت اسولف مع امي واقنعها تجي معنا بكرة بس موراضية تقول تبي تروح لاامها وابوها تشوفهم من زمان عنهم؟
فيصل/ماعليه لاتشيلين هم,,,,,,
العنود/فيصلانا فرحانة لان.وصال رجعت لسعود؟
فيصل/مشكلتك للحين مو واثقة في فيصل وفي تاثيره!!!!
العنود/لا بالعكس انت كبرت في عيني حيييل بعد موقفك هذا.
فيصل/.
العنود/.
فيصل/متى بتمشون؟
العنود/والله الوليد يقول خمس ان شاءالله مايطولها اكثر.
فيصل/قبل لاتمشين تدقين علي
العنود/طيب
فيصل/ومايحتاج كل ليلة اقولك قبل لاتنامين تدقين تطمنين علي؟
العنود/ليش شبيكون فيني علشان تتطمن علي؟
فيصل/لامو كذا بس.////ارتبك ماعرف يصرفها هههههههه//////
العنود/طيب ماشي.تصبح على خير
فيصل/انتي بتنامين خلاص؟(ماشبع من صوتها ÷÷÷)
العنود/أي.بكرة وراي قومة من الفجر علشان المشوار؟
فيصل/قلت لك روحي طيران بس انتي ماطعتي!!!
العنود/فيصل انا ماابي اتقيد ابي اخذ راحتي واروح كل مكان بكيفي .
فيصل/كيفكمو تنسين قبل لاتمشين تدقين علي؟
العنود/ان شاءالله.
فيصل/قبل لاتطلعين من البيت؟
العنود بنفاذ صبر/طيب.في شي ثاني بعد!!
فيصل/لا خلاص.تصبحين على خير(مابغينا هههه)
///////////////////////////////////////////
سكرت من فيصل وتقلبت في فراشها ماجاها نوم شوي الا وجايها مسج فتحته كان من وصال(نايمة ولاقاعدة اذا قاعدة اعطيني رنة وبردق عليك؟)
العنود دقت عليها.
العنود/هلا والله.
وصال/اهلين فيك.مانمتي؟
العنود/لاوالله لسهكيفك
وصال/بخيرانتي شلونك؟
العنود/الحمد لله.
وصال/عنود انا بسافر بعد شوي.
العنود/يارب تبسطي وتغيري جو و
وصال/انا اسفة اني مااحضر ملكتك؟
العنود/وصال.
وصال/عارفة ان اخوي يبيك بس الله يوفقك مع فيصل تستاهلينه
العنود/تسلمين,,,,خلاص اللحين بتمشون؟
وصال/أي والله بس بروح اودي باسل عند خالتي علشان انها اصرت انه يقعد عندها وبسلم عليها وبنمشي.
العنود/تروحون وتجون بالسلامة.
وصال/تسلمين حبيبتي.وسامحيني
العنود/لا عمري انا مقدرة موقفك .وسلمي على سعود
وصال/يوصل ان شاءالله
/////////////////////////////////////
بعد تردد كبير وبكي ولوعة وتفكير وحسرة واهاااات قررت انها تكلمه
مسكت جوالها بااصبع مرتجفة ودقت عليه وهو كانه مو مصدق خبر ماكملت الرنة حتى النص شاله علطول!!!!!!!!!
تركي بصوت ملهوف/ليالي!!!
ليالي تحاول تكون هادية/هلا.
تركي/حبيبي شلونك طمني عليك؟
ليالي/انا بخير
تركي/اهانا اسف بس انت لازم تفهم شي واحد
ليالي/.
تركي/ليالي انا احبكوحبيتك من شفتك .دخلتي بالي ومو قادر اشيلك منه .
ليالي/تركي.
تركي/ياوجود تركي انتي
ليالي/فيصل عارف بعلاقتنا
تركي/انتي ليش شايلة هم فيصل؟
ليالي/لان خالي وابوي متهاوشين؟
تركي/وفيصل شكو اذا خالك وابوك متهاوشين؟
ليالي/.
تركي/انتي شاكة في حبي لك؟
ليالي/لا.
تركي/انتي تحبيني؟
ليالي/امووت فيك
تركي/معناته تنسين الدنيا كلها وترمينها ورى ضهرك علشان نعيش حبنا بروقان
ليالي/وفيصل؟
تركي/ياعمري شفيه فيصل عاد!!!!!!!
ليالي/مدري.
تركي/فيصل ماهو بزر علشان تفكيرك ياخذك لبعيد ياعمري
ليالي/.
تركي/خلاص روقترى والله انك مقطع قلبي.
ليالي/.انا تفاجات ماتوقعتك بتكون انت ياتركي.
تركي/ليش تكون في لذة في الحب ياليالي!!!لان الانسان مايدري متى يحب ولا منو يحبالحب مصيري مو اختياري ياليال
ليالي/بتظل تحبني علطول ياتركي؟
تركي/طول ماحسي في ها الدنيا تاكدي اني اتنفس هواك
ليالي/لاتعذبني بكلامك ياروحي.ترى انا مقدر على ها الكلام.
تركي/انتي سالتيني اذا كنت احبك ولا لاوانا جاوبتك؟

ليالي/حبيبياوعدني مانفترق انا تعلقت فيك.
تركي/مابيفرقنا شي يالياليطالما انتي تحبيني وتبيني وانا هايم فيك وعايش على حسك ماراح يفرقنا شي صدقيني
ليالي/اكيد.
تركي/اكيد
ليالي/احبك
تركي/تعرفين اني ظليت طول الوقت حايس ومو عارف شسوي ولا وين اروح.مدري شلي صار فيك ماكان يهون علي اخليك تمشين بدموعك بس .
ليالي/تركي.
تركي/شفيه.
ليالي/.الثوب
تركي/شفتيه.ابيك تلبسينه ليلة الخميس ابي اشوفه عليك؟
ليالي/جنيت ياعمري كيف البسه وتشوفه مايصير؟
تركي/انا مو حبيبك؟
ليالي/أي حبيبي
تركي/وشفيها اذا لبستي الثوب وقلتيلي تعال شوف ابي رايك فيني؟
ليالي/ياسالالالالالالالالالام.
تركي/توك تقولين تحبيني!!!!وين راح الحب؟
ليالي/احبك أي بس مو معناته اني البس لك اللي تبيه
تركي/بتكونين زوجتي.
ليالي/بنتزوج ياتركي؟
تركي/ليش شنو نهاية الحب برايك اذا ماكان الزواج!!!!
ليالي/
تركي/كاهو فيصل بينهي حب حياته اخيرا وبيتزوج حبيبته !!
ليالي/فيصل يحب العنود!!!!!هاذي كيف تجي؟
تركي/ليش مايناسب انه يحبها
ليالي/ابدا!!!!!!!!!
تركي/ههه صحيح.
ليالي/انت تمزح معي ياتركي؟
تركي/لاوالله اتكلم جداصلا فيصل من زمان وهو يفكر فيها من كانوا بزارين وهو حاط في باله انها تكون زوجته !!
ليالي/فيصل!!!
تركي/أي فيصل ليش مستغربة ماهو بشر ولامو من حقه انه يحب مثل العالم
ليالي/علشان كذا قوم الدنيا وقعدها وسوى لنا وجع راس وتهاوشوا ؟
تركي/يحبها ياليالي يحبها!!!!شنو يموت حبها في نفسه ويتركها تكون لغيره وهو واقف يناظر بدن مايسوي شي
ليالي/بس يا تركي ليش ماقال لها انه يحبها!!!
تركي/انا ليش قلت لك ان ماحد راح يسعد العنود غير فيصللاني عارف قدر العنود عند فيصل شنووعارف شقد هو يغليها من زمان ويبيها.والله راح تكون في عيونه ياليالي.
ليالي/بس مااحس انه يبين عليه هالشي؟
تركي/يمكن هو مايعرف يعبر عن حبه واهتمامه بس هو غارق فيها ياليالي؟
ليالي/يمكن.
تركي/ولاتنسين الظروف اللي هم فيها.يعني اذا اخذها بكرة اكيد بتعرف هو شقد يموت فيها
ليالي/تركيابيك تحبني مثل مافيصل يحب العنود؟
تركي/ومن قال ان فيصل يحب العنود اكثر من حبي لك؟
ليالي/يابعد طوايفي انت.
تركي/تدرين وش اللي ودي اسويه ياعمري
ليالي/شنو؟
تركي/ودي اخذك بحضني واحضنك بقوة.
ليالي/حبيبي
تركي/ابي تجي ليلة الخميس بسرعة علشان اشوفك ياحياتي
ليالي/توك شايفني قبل شوي لحقت تشتاق!!!!
تركي/ليش انتي خليتيني اشوفك ياعمري!!!!
ليالي/مايحتاج تشوفني انت شبعت مني اربعة ايام في قطر؟
تركي/اه على قطر وعلى رحلة قطر وعلى الناس اللي تزلجت وطاحت لانها ماتعرف!!!!!
ليالي/هههههههههههههههههه انت للحين ذاكرها؟
تركي/كيف تبيني انساها ياقلبي وهاذي اول شي جذبني لعيونك؟
ليالي/ياذي الفشلة يومها ماعرفت وين اودي وجهي منكبس بعدين عادي ماشلت هم
تركي/اهبس اشوفك ياليال بسرقك من اهلك وبخليك تعيشيني بحضني شرايك؟
ليالي/تبيني اكون بحضنك ياعمري .
تركي/ابيك بحضني وابيك بفكري وابيك تكونين بكل ذرة فيني وبكل قطرة تمشين بدمييكفيك؟
ليالي/لا.ابي اكون كل شي.ابي اكون نظر عينك اللي بيها تشوف.,,,.ابي اكون سمعك بين الناس,,ابي اكون نبضك اللي بين ضلوعك,,ابي اكون انت ياتركي,,
تركي/والله انك اكثر من كذا والله
ليالي/حبيبي.تعطيني شمابغيت؟
تركي/عيوني لك انتي بس تامرين على قلبي.
ليالي/معناته انا ابيك تسهر معي لبكرة على التلفون وماتروح المستشفى بكرة!!
تركي/هاليال بدينا بالاستغلالشكلك ماتنعطين وجه؟
ليالي/هههههه مو حبيبي,,مو ملكي,,خلاص كيفي,,ماابيك تروح ابيك تسهر معي,,,,
/////////////////////////////////////////////
يوم ثاني من الفجر الساعة خمس كانت الاستعدادات في بيت ال معمر(حشى ماصارت روحة شرقية هههه)
البندري/يالله يالعنود تجهزنا تحت ننطرك على مانمر على هند
العنود/يالله انا نازلة.
البندري/ترى الوليد يقول اذا مانزلتي بيمشي؟
العنود/مااصدقه!!بسيالله انزلي وانا وراك اللحين
ونزلت بعد شوي ولقتهم يستنونها.والجازي والبندري يناظرون في بعضوعليهم علامات تعجب
العنود/يالله
البندري/يالله
العنود/شفيكم
الجازي/ولاشي.
العنود/يالله وليد قوم
الوليد/انا انتظركم.يالله
البندري همست للعنود/لفي وراك شوفي
لفت العنود ولقت امها لابسة ومتجهزة
العنود/من اقنعها تجي؟انتي
البندري/طبعا لافيصل دق عليها البارحة وقال لها تجي؟
العنود/فيصل!!!ذكرتيني مادقيت عليه
وطلعت جوالها ودقت عليه وهم طالعين من البيت
فيصل/هلا.
العنود/هلا فيك.قاعد؟
فيصل/أي قاعد.
العنود/كنت بقولك ان احنا طالعين اللحين من البيت.
فيصل/طيب.
العنود/تبي شي؟
فيصل/سلامتك
العنود/الله يسلمك.باي
سكرت واركبت السيارة بدون ماتلف وتشوف سيارة فيصل اللي كانت واقفة قريبة من سيارة الوليد!!!!!
اما في سيارة فيصل
نوف من السيت اللي ورى وهي منسدحة
نوف/اخص.بس اخصيافصيل سيارتك ورى سيارتها وتسوي روحها تتطمن عليك ولاتعطيك خبر انها بتمشي ولا شسالفة
لطيفة/وانتي وشعليك من اخوي خله في حالههو ومرته وانتي شكوابالله؟
فيصل برواقة/لقافة بعد شنو؟
نوف/زين.انا اعرف وين دواك؟
ام فيصل/يالله خلي ولدي في حاله واللي يسلمك.
نوف/انتي بعد علي؟مشكلة ولدك مو عارف اني بقلب عليه خلاص وماابيه يجي غرفتي ويسوي روحه بيسولف ومدري شنو!!!لا خلاص انتهى اللعب يابابا فيصل ترى انت الجميل ضايع معك!!!
ام فيصل/اقول نوف عفية لاتصارخين لايقعدون العيال من اللحين!!!
فيصل/سمعتي سكتي يالله

**إلميآسـه** · 13-Dec-2012,11:37 PM

في سيارة الوليد
كانت ام الوليد جنبه.
والجازي وراه وجنبها هند و العنود وبعدين البندري.
البندري بهمس/عنودوا؟
العنود/نعم.
البندري/ليش ماقلتيلي انه بيجي؟
العنود/منو؟
البندري/فيصل
العنود/وين بيجي؟
البندري/تسوي روحك ماتدرين يعني؟
العنود/والله مدري شعليه تتكلمين؟
هند/شفيكم؟
العنود/انا ادري عن هبالها.
البندري اشرت بااصبعها لورى/فيصل رايح معنا الشرقية مع خالتي ولطيفة ونوف.
////////////////////////////////////////////////////
بعد مشوار استمر اكثر من اربع ساعات وصلوا الشرقية وطبعا البنات طول الوقت نوم استعدادا للتسوق.
دق جوال العنود
العنود بصوت كله نوم/ها
فيصل/صح النوم.
العنود وبعدها النوم في راسها/هلا
فيصل/وين بتفطرين؟
العنود/فيصل؟
فيصل/ليش منو كنتي مفكرتني؟
العنود/لا بس كنت مو مصحصحة عدل.
فصيل/وصحصحتي اللحين؟
العنود/أي.
فيصل/وين تبين تفطرين؟
العنود/انا مو جوعانة ابي اروح السوق علطول؟
فيصل/بالله مطيورة انتي على السوق؟
نوف وبصوت عالي وهي شبه نايمة/وانت شعليك من البنت خلها تسوي اللي يريحها.
جتها دزة كتف من لطيفة علشان تعقل عن فيصل
العنود/مو مطيورة بس مو جوعانة ليش اكل؟
فيصل/كيف تبدين نومك وانتي مابعد تريقتي ها!!!
العنود وفي بالها (الله يفكني من امي علشان يطلع لي فيصل بها الموال!!!)
العنود/خلاص ننزل الراشد ونتريق هناك؟
فيصل/ماتبين تروحين مطعم تتريقين وبعدين تروحين؟
العنود/لا.
فيصل/طيب يالله
نوف/الله يعينك على دلعها؟
فيصل/وانتي شيخصك بالله؟
نوف/انت اللي قلت ابيها يالله تحمل مايجيك منها ترى عنيدة وراسها يابس وماتطيع احد وتسوي اللي في راسها وكل شي مو زين فيها!!!
ام فيصل/اذا في خاطرك على العنود شي بعد قوليه ليش سكتي؟
نوف/انتوا ماتحبون اللي يتكلم بصراحة معكم ابدا!!
فيصل/اقول يابنت ابوك ممكن تزينينا وتسكتين؟
نوف/بسكت بس هاذي امك اللي ماتقدر عليك تشهد عليك سمعتاذا بعدين تبي شي من العنود لو روحي ساليها لو شي والله بطنشك وماني رادة عليك؟
فيصل/وانا بتقطع عليكانا اللي ابيه اقوله مو محتاج لك؟
نوف/أي صح صدقتك.اقولهم عن سالفة الرقم وعن سالفة البنانيين وسالفة ال
ولقت فيصل منزل راسه وامه تناظره وهي تضحك.
ام فيصل/فيصل انت شعندك مع العنود؟
فيصل ولا همه اصلا/ولاشي.هاذي بنتك خرفت وقعدت
نوف/أي صح خرفتشوف فيصل لاتحط نقرك من نقري ترى حدي تعبانة
فيصل/هذا كله وتعبانة لو كنتي بخير شسويتي؟
نوف/تدري شلون.مسكت جوالها ودقت على العنود
العنود صحصحت خلاص/هلا والله بالناس اللي تسوي مفاجات!!!
نوف كانت حاطته سبيكر وفيصل من سمع صوتها خفف السرعة علشان يسمع على رواق.
نوف/ترى حالي من حالك مدري شسالفة جابوني على وجهي بعد ماتعرفين فيصلوا وسوالفه.
جاها صوت ام الوليد/خلك عن ولد اخوي يانوفوا احسن لك
وضحكوا عليها البنات
نوف/يعني مسوية فيني حركة نذالة وحاطته سبيكر!!!(على اساس هي مو مسويتها هههه)
العنود/علشان تروقين لنا الجو خبرك الوليد شوي ويرمينا عند اول حفرية تصادفه.
نوف/ههه زين يسوي فيكم.المهم بغيت منك خدمة.
ها المرة هند اللي ردت/عاد مالقيتي الا العنود تخدمك لاوالله مااظن!!!
البندري/هههه وانا اشهد معها.
نوف/ياسلام شكلنا بنستمتع عدل اليوم.كيفكم صبايا.
البندري/مانسلم عليك.
نوف/مايحتاج تسلمين علي شوي وبشوفك ياحلوة.
العنود/قولي شبغيتي؟
نوف/لاماينفع كذا خبرك فيصلوه قاعد ويسمع؟
العنود/وانتي طايحة لي فيه فيصلوه فيصلوه اللي يسمعك يقول اصغر عيالك ماكانه اخوك الكبير !!!
نوف/وانتي ليش معصبة حالك؟
العنود/ياسلام انتي ناسية انه ولد خالي وبعدين بيكون زوجي وبعدين انا ابي افهم هو معقولة مايسمعك؟
لطيفة/يسمعها بس مطنشها!!
العنود/ههه اهلينيعني انتي يانويف بعد مسوية فيني نفس حركة النذالة!!!
لطيفة/طنشيها طنشيها هاذي وحدة انتهت صلاحيتها خلاص.
العنود/حرام عليك والله انها تجنن وتهبل ومامنها بس انتوا مو عارفين قيمتها
لطيفة/والله انتي اللي تشوفين كل الناس طيوبين وحلوين مثلك؟
العنود/لاتخجلين من على الصباح يالطيفة ترى مقدر بعدين ماافطر.
نوف/المهم قلبوبدز لك مسج زين.
العنود/يالله ناطرتك

نوف/ها روقت فيصل ولابعد؟
فيصل اكتفى بانه يبتسم
نوف/انا اعلمها قالت شنو قالت زوجي!!
ام فيصل/وكذبت هي يوم قالت زوجي؟
نوف قامت وصارت ورى فيصل علطول وهمست له/شوي وتقول حبيبي!!!!
فيصل بنفس الهميس/عطيني جوالك؟
نوف/مسحت المسج ياقلبي انا مااترك مسجاتي ابدا بمجرد ارسلهم امسحهم.ياللخسارة!!!!
فيصل/هذا لانك طول عمرك نذلة
نوف/ليش من متى وانت تعرفني بالله!!!
فيصل/
/نوف /روقت على صوتها اشوف!!
فيصل/واحد يسمع صوتها ومايروق؟
نوف/تحبها؟
فيصل انتبه على نفسه/اقول قلبي وجهك بس!!!
نوف قعدت على كرسيها/اقولك يمه ولدك نذل واللي يكسب فيه ثواب غلطان!!!!
فيصل/طالع على اختي نوف شسوي؟
نوف جت بترد عليه الا جوالها دق وكانت العنود
نوف/مرتك
فيصل/حطيه سبيكر
نوف/ماني
فيصل/بلا نذالة وحطيه سبيكر
ام فيصل/انتوا بتتهاوشون مثل العيال يافيصل؟
فيصل/.
نوف/هلا.شلون يعني مافهمتي؟.لاشقولك بعد اذا وصلنا نتفاهم.عنودوا الله يخليك مرة وحدة بس انقذينيلا مو انقاذ يعني عمل خيري لوجه الله تكسبين من وراه الاجر.طيب ماشي هذا احنا وصلناباي
فيصل/شتبين منها؟
نوف/مو قايلة لك مو انا نذلة؟
فيصل/وبعدني على راي انتي نذلة بس لازم تقولين؟
نوف/وشلي يجبرني بالله؟
فيصل/قولي لامابتنزلين من السيارة؟
نوف/خير تسوي اذا خليتني اكمل نومتي (هذا وجهي واقفة عند باب الراشد وماتنزلين)
فيصل/نوفوا
لطيفة/فيصل شفيك!!!انا اول مرة اشوفك كذا!!!!!
فيصل/.
لطيفة/بتتهاوش معها علشان سالفة بينها وبين العنود؟
نوف/انا ادري عنه قوليله اسرار بنات!!
ام فيصل/انتي سكتي ياام لسانين.
نوف/تكلمت اوبرا وينفري!!!!حاضر بسكت على امرك يام فصيل.
////////////////////ونزلوا الراشد.
طبعا كانوا عند السيارة والبنات راحوا يسلمون على بعض وام الوليد وام فيصل راحوا لبعض وباسل ونور طبعا قعدوا من نومهم.
والعنود كانت تناظر بفيصل اللي كان واقف قدام سيارة ابوه اللي كانوا جايين فيها وهو وهو حاط يدينه ورى راسه وتمغطات اشكال والوان.لين لف يشوفها بين البنات وماشافها لف عند سيارة الوليد لاقاها واقفة تناظرهتقرب منها
فيصل/ليش واقفة؟
العنود/
فيصل/يالله
العنود/فيصلانت ليش ماقلت لي انك جاي؟
فيصل/وتبيني اخليك بروحك بالله؟
العنود/انت تخاف علي؟
فيصل/ليش انتي عندك شك انه في رجال مايخاف على زوجته!!!
العنود/انا اتكلم عنك انت مو عن أي رجال يافيصل!
فيصل يبي يغير الموضوع/بعدين ليش متلثمة ها؟
العنود/وشفيها؟
فيصل/كان لبستي نقاب مو لثام!!!!
العنود/اثنينهم نتيجتهم وحدة؟
فيصل/أي بس انا ماابيك تتلثمين مرة ثانية اللحين على وجهك اول محل يصادفنا حق عبي تشترين لك نقاب!!
العنود تاففت وتذكرت كلام نوف انه مثل العيال الصغار تحايلي عليه وبتاخذين اللي تبيه!!
العنود/اول محل
فيصل/أي ومافيها نقاش!!!!
العنود/حتى قبل الفطور!!!انا عطشانة.
فيصل/عطشانة!!!يالله تعالي تريقي لاتتعبين من الوقفة في الشمس(سبحان مغير الاحوال)
دخلو كلهم علشان يتريقين قبل لايبدون مشوارهم.
وقعدوا كلهم جنب بعض.
وابتدى مشوار الوليد اللي مسكه باسل ومارضى يتركه (ههههههههه)
فيصل/شتبون.
الجازي/احنا بنروح ناخذ لناوبنمشي.
ام فيصل/ارتاحوا شوي لاحقين على السوق
هند/جويزي جيبي لي لاتيه وذاوت شقر من ستار بكس.
الجازي/نوبروبلم
فيصل يكلم العنود/شتبين
العنود/عصير.
راح يشتري لها ونوف طيران لعند العنود تتفاهم معها.
نوف/الله يخليك
العنود/شسوي يعني؟
نوف/طلعي معه بروحكم قولي له ابي اتكلم معك أي شي صرفي نفسك.؟
العنود/اووف توه مسوي لي محاضرة على اللثام ماابي اوقف معه اكثر علشان لايقول لي روحي شيليه ولبسي نقاب.
نوف/علشاني عنود.
العنود/وكم بتاخذين انتي؟
نوف/مدري.
العنود/حاولي ماتتاخرين علشان لااتورط؟
نوف/معليش بس انتي بعد حاولي تماطلين وتدلعين يعني بالمعنى العربي الصحيح اعميه عن كل شي لاتخلينه يسال عن شي!!!!!
العنود/قومي انقلعي بس!!
نوف/يالله باي
والبنات قاموا يتسوقون والامهات قعدوا والوليد استلم نور وباسل للالعاب وهند قامت مع لطيفة يدورون على محلات الاطفال.
العنود كانت تبي تقوم لفيصل لانه كان قاعد قبالها مو معها في نفس الطاولة وظلت بروحها من قاموا البنات.
دزت له مسج(ممكن نتكلم)
رفع راسه لها لقاها تناظره.
قام من كرسيه وتقرب منها
فيصل/ها(مسوي كانه مو مهتم)
العنود/فيصل ممكن نتكلم؟
فيصل/أي تكلمي.
العنود/لا مو هنا.
فيصل/فيك شي,,تبين شي؟
العنود/أي ابي.بس ممكن نبعد يعني نركب فوق نقعد لونتمشى بكيفك.
فيصل/قومي يالله.
قامت معه.
العنود/يمه انا بركب مع فيصل
ام الوليد/أي يمه اخوا راحتكم
مشت جنبه وهي تتامله.فيصل.عذاب يجنن فيه كل شي.معقوله هو يبيني مثل ماقالت نوف ذاك اليوم ولاانها تبي توقف معه بس!!!!
فيصل/عنود.عنود اكلمك وين سرحانة!!!
العنود بعدها تناظره وهي سرحانة فيه انتبهت اول مامسك كفها وصار في كفه
لعنود صارت تناظ في يدها اللي ضايعة في راحة يده.
العنود/
فيصل بصوت هامس/وين سرحانة؟
العنود/ها.ولاشي
فيصل/اقول ندخل المطعم الصيني؟
العنود/مطعم واحنا تونا فاطرين؟
فيصل/علشان تاخذين راحتك في الكلام(هو طبعا يقصد انه هو ياخذ راحته)
العنود/اللي تشوفه
ودخلوا المطعم
***نورح لعند نوف.طبعا نصكم متحمس يبي يعرف شتبي نوف من العنود ؟
اذا كنت من المتحمسين انك تعرف انزل تحت واقرا الاحداث وبتعرف(ظريفة حضرتك هههه)
***نوف بعد ماقامت من البنات اتفقت معهم ان كل وحدة تتسوق بروحها ومايلتقون الا بعد الصلاة,,,وهي حضرتها طلعت من المجمع ووقفت لها تاكسي وراحت الضهران لمجمع عيادات الطب المتخصص للاسنان.(طبعا عرفتوا ليش)
دخلت وسالت عن الدكتور طلال من ممرضة فلبينيةودلتها وين وكيف وشلون !!!
اللحين كيف تكون معه بروحها!!!!فكري يانويف.
نوف/طيب ستتر هذا ممرضة مع دكتور طلال فلبيني وسعودي!
الفلبينية/لا ماما لبناني
نوف/هذاي البلشة ماخذ لي لبنانية حضرته!!انا اوريك؟
الفلبينية/شنو يقول ماما
نوف/كيف هاذي يطلع من غرفة الدكتور طلال شوي؟
الفلبينية/شوي يعني كم ماما؟
نوف/يعني نص ساعة؟
الفلبينية/يعني مو سوي ماما نص ساعة
نوف/طيب شلون
الفلبينية/انتي يهب دكتور طلال!!
نوف/عليك نور انا يهب دكتور طلال ويبي يشوف بس لازم يشوف ومافي احد
الفلبينية ضحكت/أي علسان يسوي يبوس ماما صح
نوف/صحين بس روحي طلعيها بسرعة الوقت يمشي وانا ماشفته للحين؟
الفلبينية/انتي تعالي ماما يمشي نروح سوى سوى عند باب غرفة دكتور طلال اذا مافي مريض انا في يقول لها يطلع علسان انت يدخل
نوف/يالله
ومشت معها وبانت الخيبة على وجها يوم كان الباب مسكر معناته انه في مريض داخل وماتدري متى يطلع!!!
الفلبينية/خلاص انت اقعد اللحين هنا علسان مافي احد يسوي قرقر حق انت واذا طلع مريض انا بيسوي لك حل
نوف فتحت شنطتها ومدت لها كم مية
الفلبينية اخذتها بدون اعتراض طبعا!!!!
وقعدوا يستنون على نار ونوف اعصابها محروقة لانها قعدت فوق النص ساعة ولاانفتح الباب!!!
نوف/لمتى ياربي الوقت يمشي.
الفلبينية/سنو يبي انت اللحيناستنى شوي مافي مشكلة؟
نوف/يتاخر واااجد بعد!!
الفلبينية/يمكن هذا تنظيف اسنان يمكن باقي بعد ربع ساعة
نوف/ربع ساعة!!!ياويل حالي لكن انا استاهل.
ومضت عشر دقايق بطيئة على نوف بس انفتح الباب واخيرا,,,,
وحمدت ربها انه طلع رجال يعني مو بنت زين احسن بعد!!!!
طلعت الممرضة بعده علشان تشوف اذا في ملفات بس ماكان في شي وقامت لها اللفلبينية تسولف معها ومشتها شوي بعيد عن الغرفة وغمزت لنوف تدخل بسرعة
نوف دخلت وتوهقت كيف تسكر الباب ماعرفت لباب المستشفى مو مثل باب غرفتها!!!(هههههه)
كان طلال يغسل يدينه في المغسل اللي يكون على نفس الجدار اللي فيه الباب دخلت مشت بشويش علشان لايحس لها لانه اصلا ماكان يطالع بجهة الباب
وقعدت على مكتبه,,,
سكر الماي واخذ له كلينكس ينشف يده وجا عند كرسيه بيقعد ولفت انتباهه الورد اللي على المكتب واستغرب متى دخل الورد هنالف كرسيه اللي كان داير وصارت عيونه بعيونها
طبعا طلال اول ماشاف بنت وعليها عباية ماركز فيها وابتعد عن المكتب وعطاها ضهره
طلال/لو سمحتي طلعي بره.
نوف/متاكد منها ياطلال!!!!!!!
لف عليها علشان يتاكد من ان الصوت اللي سمعه صوت نوف!!
وطلعت صدق نوف ماكذبت عينه هاذي هي بعبايتها بلثمتها بحالتها(بشياكتها ولاتزعل نوف)
نوف/نور مكتبك بوجودي.
طلال ابتسم لها/أي والله تو مانور بوجودك.انا مو مصدق على فكرة
نوف/سكر الباب علشان تصدق عدل!!!
انتبه طلال للباب اللي مفتوح.وراح سكره.ورجع عندها.
طلال/تعرفين انها احلى مفاجاة صارت لي بحياتي؟
نوف/ادري
طلال تقرب منها /نوف.طلبتك؟
نوف/شتبي؟
طلال/فكي لثامك
نوف قامت من الكرسي ووقف اول ماقامت وصاروا جنب بعض
نوف/انتهت الزيارة باي.
طلال/تمزحين انتي؟
نوف/لاماامزح.انا اصلا مدري كيف غامرت وجيتك.
طلال/انتي مع منو جاية الشرقية؟
نوف/مع امي ولطيفة وفيصل
طلال/قعدي واللي يسلمك؟
نوف/ليش؟
طلال/ماشبعت منك
نوف/كلها ليلتين وبتشوفني.
طلال/طيب لمتى بتكونون هنا؟
نوف/الى اخر الليل.يمكن على وحدة نمشي.
طلال/حلويعني بتاخذين ثوبك الليلة؟
نوف/من صدقك انت؟
طلال/أي من صدقي.نوف نقدر نتغذى مع بعض اليوم.؟
نوف/طبعا لا.اقولك جاية مع امي واختي واخوي؟
طلال/وين بتكونين؟
نوف/انا في الراشد بس بعد مانخلص بنروح السويكت
طلال/حلو يعني الليل بشوفك في السويكت
نوف/بتروح؟
طلال/تصدقيني اذا قلت لك اني بطلع اللحين من المستشفى علشان احرسك وين ماتكونين؟
نوف مشت وتقربت منه وقالت بكل ثقة/عارفة ومتاكدة.
طلال/في ها اللحظة جت في باله صورتها اللي كانت بالتنورة القصيرة وتغير حاله مرة وحدة.
مسكها مم يدها وقربها عنده
نوف/تخبلت.!!
طلال تقرب منها وفتح لثامها
نوف/طلال
طلال/.انتي حلوة
نوف/لاتصير بايخ.خليني امشي.
طلال/امشي بس اول اعطيني حلاوتي ياقمر.
نوف/انت شقاعد تقول
طلال/انا عارف انك تحبيني وان ماجابك هنا عندي غير شوقك وحبك.فلا تكابرين وتعذبيني وتعذبي نفسك
نوف/.؟
تقرب منها وباسها على شفايفها وهي واقفة مكانها ماتحركت.
ابتعد عنها شوي.وصارت تتنفس بقوة.لفت لثامها من جديد وطلعت من الغرفة!!
//////////////////////////////////////

**إلميآسـه** · 13-Dec-2012,11:47 PM

//////////////////////////////////////
نروح اللحين للعشاق اللي قاعدين بالمطعم الصيني.
العنود/فيصل انا كنت ابي اتكلم معك من قبل في هالموضوع بس قلت بخليه لين نملك بس مدام ان الفرصة جت عندنا خلينا نتكلم فيه من اللحين
فيصل/خير
العنود/فيصل انا عارفة ان الموضوع اللي بكلمك فيه حساس بس انا احس انه مضايقني وابي اكلمك فيه
فيصل/وانا اسمعك
العنود/فيصل انت ليش خطبتني؟
فيصل/عنود خلصنا من ها السالفة
العنود/لا انا قصدي يعنيانت بينك وبين محمد شي؟
فيصل/محمد ولد عمي لا شبيكون بينا يعني وانا مو شايفه من عشر سنين.قالها بصدق
العنود/يعني انت ماخطبتني علشان شي بينك وبينه وكنت تبي
فيصل قاطعها/لا طبعاانا خطبتك لاني اخترتك .
العنود/زفيصل انت عارف ان محمد كان المفروض يكون خطيبي وكل العيلة كانت عارفة هالشي.
فيصل/
العنود/انا كنت اكلمه وهو كان يكلمني في التلفون.
فيصل/
العنود/.
فيصل/ان شاء الله كانت مكالمات بريئة؟
العنود/ساعات كان يصير فيها كلام ثاني.انت عارف,,,
فيصل/انتي كنتي تقولينه؟
العنود باندفاع وكانها تدافع عن نفسها عند فيصل/لا طبعا محمد كان يقوله مو انا!!!!
فيصل/
العنود ناظرت فيه وهو يناظر بالسقف.
العنود/انا ادري اني ضايقتك بس كنت ابيك تعرف هاالشي
فيصل/طلعتوا مع بعض؟
العنود/أي طلعنا.عزمني مرة على إذا ومرة على عشى
فيصل/
العنود/
فيصل/انا مو عتبان عليك يالعنود.لو كنت مكان محمد كنت بدور الفرصة علشان اسمع صوتك واشوفك.؟
العنود/يعني انت موزعلان!!!!!!!
فيصل/لا
العنود/.
فيصل/.
العنود/صارت تتامل في فيصل والاضاءة منعكسة بوجها ومبينة حلاوة تقاسيم وجههكان قمر لالالاكان احلى من القمرماتدري شلي صاير يجذبها لفيصل ويبعدها عن ذكرى محمد؟
فيصل/كان مستغرب من نظرات العنود اليوم له؟
العنود/فيصل شكرا.
فيصل/لاعادي.
العنود/شكرا لانك عطيتني فرصة اتكلم وتسمعني وتفهمني
فيصل/لازم يالعنود لازم.
ومسك يدها وصارت هي تناظر في يده اللي ماسكة يدها
فيصل كان يناظرها وهو ساكت
العنود/
فيصل/ليش ماتشيلين لثامك؟
العنود/خليه لليلة الملكة احسن.
فيصل/دلع بنات ولاتغلي؟
العنود عجبها الوضع وقعدتها مع فيصل وصارت تحس باحاسيس غريبة وقامت تتدلع عليه/الا ثنين لو مايحق لي!!!
فيصل ذكر كلام نوف اللي في السيارة وابتسم(عنيدة وراسها يابس وتسوي اللي براسها وماتطبع احد)
العنود/شفيك؟
فيصل/لا بس واصلتني خبرية عنك اليوم الصبح
العنود/اليوم الصبح!!!معناته انها من نوف يعني موصحيحة
فيصل ضحك من قلبه/ههههههه
العنود بهمس/فديت ضحكتك انا
ومادرت انها وقفت قلب فيصل بها الكلمة لانها ماراحت عليه!!!!!
/////////////////////////////////////////////////
طبعا احداث اليوم كلها بتكون في الناس اللي جاية الشرقية.
نوف بعد ماطلعت من المستشفى رجعت الراشد علطول وكان الضهر ياْذن وحمدت ربها انها قدرت ترجع في ها الوقت لاتتورط مع البنات!!!!
العنود وفيصل طلعوا من المطعم وقاموا يمشون على هونهم ويدخلون بعض المحلات اللي تلفت انتباههم.
هند ولطيفة
هذولا الثنتين بس اللي تسوقوا عدل.
لطيفة وكما هو المعروف عند معظم اللي عندهم بنات خمت نص السوق لبنتها وماذكرت نفسها الا في اشياء بسيطة!!!
هند اخذت لها ثوب من بيوتي سكارف كان بيج وبني وفيه قصة عند الخصر وصاير نعوم حييل
وطقم شنطةو جزمة من ناين ويست.
البندري والجازي ماكان هدفهم ثياب بالمرة صاروا يتشرون اكسسوارات وخرابيط.
اجتمعواوقت الصلاة تحت عند الالعاب.
ومااوصف لكم حال الوليد وهو مشغول بتلعيب نور وباسل مثلكم عارف ها الظروف كيف يصير الواحد !!!!!!
وفوق كانت العنود تمشي ويد فيصل مافارقتها من المطعم!!!
العنود دق جوالها.
العنود/هلا نوف
نوف/هلا انا رجعت خلاص
العنود/طيب باي.
فيصل/شتبي؟
العنود/تقول احنا كلنا تحت.
فيصل/طيب وين تبين اللحين نظل في المجمع ولا شلون؟
العنود/خلينا نروح البحر.ونقعد في الكورنيش شوي؟
فيصل/في ها الجو عاد؟
العنود/شبنستفيد من قعدتنا هنا وكل المحلات مسكرة!!
فيصل/على الاقل المكان مكيف
العنود/لا ماابي.بخلي الوليد يوديني؟
فيصل/ماكذبوا يوم قالوا عنيدة وراسك يابس!!!
العنود وقفت وسط الممر.مثل البزارين الزعلانين
العنود بتاثر/انا عنيدة وراسي يابس.!!!
فيصل/أي عنيدة وام العناد بعد مو اسمك العنود!!!
العنود/ماراح امشي
فيصل تقرب منها/مو مشكلة اذا مامشيتي بحملك على كتفي!!!!
العنود خافت لايسويها صدق صارت تركض مو بس تمشي وهو يطالعها ويضحك(البارت هذا فيصل ضحك واجد يبلي اخفف عليه شوي)
نزلوا تحت وتجمعوا كلهم.
فيصل/يالله مشينا
البندري/وين بنروح؟
فيصل/الكورنيش
الجازي/نوف/في ها الحر.
العنود/أي في ها الحر
نوف اللي توها جاية من مشوار حار قلبها!!!ماتبي تقعد بالشمس بعد تبي تبرد على قلبها
نوف/لالالا انا ماباروح
الجازي وكحركة تايدية/ولاانا بعد.
الوليد اللي انهلك من العيال/وانا مافيني حيل امشي اصلا.
ام فيصل/انا عندي باسل يافيصل كيف اطلع فيه في ها الشمس
بانت الخيبة على وجه العنود من اعتراض الكل وفي وسط خيبتها مسك فيصل يدها ومشاهال
فيصل/معناته انا والعنود بنروح ونلتقي هنا الساعة اربع
وطلعها معه وهي ماتكلمت ولاكلمة لين صاروا في السيارة.
العنود/شكرا فيصل
فيصل/على شنو؟
العنود/على.على انك لبيت طلبي.
فيصل/مو بتكونين زوجتي.لازم البي طلباتك علشان تلبين طلباتي!!!!!
العنود/.
فيصل/
العنود/فيصل.ساعات احتار فيك؟
فيصل/كيف يعني تحتارين؟
العنود/مدري بس ساعات تكون حنون وكل شي اطلبه تسويه وساعات تكون قاسي وغيرتبي تعاندني لو تبي مدري كيف اشرح لك بس تكون عصبي وقاسي وماتشوف ولاتسمع احد تبي تسوي اللي تبيه!!!
فيصل/وانتي شتبين؟
العنود/طبعا ابي فيصل الطيب والحنون.
فيصل/ابشري ماطلبتي شي من نملك ماراح تشوفين غير فيصل القاسي !!!!!!!
لفت عليه تناظره بغرابةتوه ماكان في شي وطيب ويبي يسوي لها كل شي واللحين يبي يعاندها ويكون بالجزء اللي تكرهه من شخصيته!!!!
سكتت وماتكلمت لين وصلوا الكورنيش وقعدوا عند البحر
كان البحر فاضي لان الوقت ظهر والجو مو ذاك الزود علشان الواحد يروح الكورنيش ها الوقتقعدت وقعد بعيد شوي عنها .
كان كل واحد مشغول بتفكيره في الثاني
فيصل///////كان يفكر في حبيبته اللي جنبه وفي الكلام اللي قالته عن محمد وعن طلعتها معه وتلفوناتهم مع بعض معقول محمد مالمسها ولامرة!!!!!!ولو لمسها كانت بتقول لي!!!!!هي متعلقة بمحمد وماراح تنساه.وتبي حضرتها بعد اكون مثل محمد طيب وحنون وينفذ كل طلباتها!!!!لايالعنود لا.احبك واتقطع من حبك بس اني اكون نسخة مطابقة لمحمد انسي!!!!ماراح تشوفين فيصل بوجه محمد في طيبه وحنانه ماراح تشوفين فيصل الا وهو معصب وقاسي وشياطين الدنيا كلها قباله وبتحبينه كذا بعد!!!!!!!!!!
العنود////////اه يافيصل اهلمتى وانا في حيرتي معك بس!!!!انت مو بس ساعات تتقلب انت في نفس الوقت تنقلب مايبيلك شي ابدا !!!!توك طيب وحنين وفجاْة تنقلب لشخص ثانيفيصل انا شسويت لك علشان تعاملني كذاكلمته عن محمد وكان شخص متفهم وعاقل وبمجرد ماقلت له ابيك تكون كذا علطول انقلب!!!!!!ياربي وينك يامحمد بس.ليش مااصريت انك تبيني وتنازلت عني لفيصل بسهولة!لو كان محمد ماكنت في ها الضيقة والحيرةالفرق بينك وبينه مشاعركم يافيصل!!!!محمد واضح وصادق ومايبلي وقت علشان افهمه بس انت يافيصل انت غير!!!!!!ساعات تخلي البنت اللي جنبك طايرة فوق السحب من فرحتها بوجودك جمبها وساعات تتقطع وماحد يحس فيها من معاملتك ياولد خالي.ابي افهم انت بس ليش تتعامل معي كذا!!!!!
ياربي ساعدني مو قادرة احس نفسي بتخبل من فيصليارب اذا كان لي معه خير وصلاح كمل دربنا على وفاق وخير واذا كنت بتعذب معه ياربي لاتمم علينا ها العرس
////////////////////////////////////////////////
في المجمع كانوا البنات يتغذونيتغذون في كوبر شدندي والامهات ولطيفة وهند في مطعم الف ليلة وليلة
نوف كانت قاعدة وماهي قادرة تحط لقمة في فمها وحاسة بالوقت بطي يمشي من حواليها خاصة ان طلال كان كل شوي يرسل لها مسج حب ويوصف مشاعره لها!!!!
ومضى الوقت سريع على ماجت الساعة اربع وكانوا فيصل والعنود وصلوا بدون مايتكلمون مع بعض من السيارة حتى يوم جاها يسالها اذا كانت تبي تتغذى رسل لها مسج على الجوال وهو يبعد عنها بس بشويات!!!وهي قالت له انها مو جوعانة وتركها لين قامت هي بنفسها الساعة اربع الاربع وركب معها ووصلوا والعنود متقطعة من حقرانه.
وصلوا وبدت المحلات تفتح.
وابتدت مسيرتهم من جديددخلوا الامهات اليشمك واخذوا لهم جلابيات للملكة.وبدوا بعدين يتفرجون على محلات الذهب علشان يختارون الشبكةوهي عجبتها وحدة في غسان بس ماعجبتهم هم بحجة انها موثقيلة وماتملي العين وسفطوها على جنب واختاروا لها وحدة من معوض كانت الماسوالعنود اصلا مالها خلق تناقشهم وتفكيرها في فيصل وقالت انها عجبتها وهي ماتدري عن هوى دارها وماخفي عن فيصل طبعا!!!!!!
بعدها طلعوا على الكوهجي واختاروا لهم دبل.وطبعا العنود واقفة باخر الصف ماكانها هي العروس!!!وهذا اللي كان مضايق فيصل
ام فيصل/افتكينا من الشبكة هذا الاهم الاكبر؟
ام الوليد/أي وانتي الصادقة.
هند/وين اللحين
لطيفة/اللحين يشوفون لهم ساعات
العنود بملل/مو لازم,,
فيصل/هنا محلات الساعات!!!!(المهم يكسر كلامها)
مشت وراه وهي متضايقة وشوي تبكي.
راحت معهم هند ولطيفة والباقي تفرقوا في محلات الجزم والاكسسوارات
اختارات لهم لطيفة طقم ساعات من قصر الفضة.
وعنود طبعا ماعجبوها.
يادوب اشتروها وسكروا المحلات لصلاة المغرب.
تجمعوا من جديد.
الجازي/وين اللحين؟
فيصل/خلاص بتروحون السويكت؟
ام الوليد/ليش بعد نروح السويكت ماخلصنا؟
فيصل/باقي الثوب ياعمتي
ام الوليد/اشتروا من هنا المحلات شحليلها هنا
فيصل/لا لازم من عند احمد البدوي عنود تبيه من هناك
ناظرته مستغربة منه هذا من قال له اني ابي من عند احمد البدوي اصلا!!!وليش مسوي روحه يبي يرضيني ويشتري اللي ابيه!!!!
الوليد بملل/خلاص نمشي
هند/اذا رحنا اللحين بتكون صلاة خلونا نطلع مع صلاة العشاء احسن .
العنود قعدت/يكون احسن بعد!!
كان فيصل بيعترض بس امه والبنات قعدوا كانهم مايدين كلامها.
تركهم ومشى بين المحلاتلين فتحوابعد الصلاة
خلص شغلة وراح لهم بعدين
فيصل/يالله.
طلعوا من الراشد قريب صلاة العشاء وراحوا السويكت وعلى ماوصلوا وعلى مالقولا لهم موقف وعلى ماوقفوا مداها تسكر صلاة العشاء وماباقي لهم شي ويفتحون.
نزلوا كلهم
نوف/انا اقول نفترق ونخلص شغلنا على راحتنا.
هند/افضل علشان لااحد يستنى الثاني ونخلص بدري.
البندري/عين العقل والله.
هند راحت جنب العنود وصاروا يمشون وفيصل وراهم وعيونه على اللوحات يدور احمد البدوي
العنود بهمس/ماابيه ياهند
هند بنفس الهمس/راحت عليك ياعمري السالفة جد ماهي لعبة؟
العنود/أي بس انا اليوم حسيت اني ماابيه!!!
هند/شصار بينكم ترى حسيتك متضايقة.من رجعتوا من البحرقال لك شي ضايقك!!!!
العنود/بعدين اقولك مااقدر اتكلم اللحين
دخلوا وتنفس فيصل الصعداء من زمان وهو في باله يجي وياخذ لها الثوب من هنا من ايام قطر واللحين بيحقق لها اولى امنياتها
/////////////////////////////////////////////////////////
نوف/هلا
طلال/وينك فيه؟
نوف/عند امبراطور المانجو
طلال/طيب ظلي هناك انا قريب من هنا
نوف/طلال اخاف احد منهم يشوفك
طلال/لاتخافين بس بتركللك الكيس وبمشي
شوفي انا واقف قبالك اللحين عند احذية سارة اللي قبالك.شفتيني؟
نوف/أي .
طلال/يالله تعالي اخذيه انا ماشي
//////////////////////////////////////////////
على الساعة احد عشر في الليل كانوا انتهوا من كل شيوراحوا مطعم دارين يتعشو في الدمام
وعلى الساعة وحدة مشو الرياض

**إلميآسـه** · 13-Dec-2012,11:47 PM

////////////////////////////////////////
يوم ثاني العصر.
دق جوال العنود.وتفاجات من المتصل!!!!!!
العنود ردت بخوف/محمد؟
محمد/ليش ماتوقعتيني اتصل ابارك لك؟
العنود/.
محمد/ابي اعطيك شي؟
العنود/محمد مااقدر اشوفك.
محمد/انا عارف ان عمتي في بيتنا علشان كذا جيت اعطيك الشي اللي .
العنود/محمد انا مقدر اخذ منك شي افهمني عاد؟
محمد/صرتي تكرهين حتى تسمعين صوتي؟
العنود/انا مااكرهك يامحمد ولاتقول ها الحكي.
محمد/انا احبك يالعنود احبك ومااقدر انساك.
العنود/محمد ارجوك لاتجبرني اسكر السماعة في وجهك!!!مايصير تقول لي ها الكلام انا بكرة بكون على ذمة رجال ثاني.
محمد/كان المفروض تكونين لي ولا انا غلطان!!!
العنود/انت قلتها يامحمدكان وكان فعل ماضي؟
محمد/تغريتي يالعنود
محمد/لايامحمد انا ماتغيرت بس انت مافكرت تدافع عن حبك لي؟
محمد/انا يالعنود انا جاية تلوميني انا
العنود/وانت تبي تحطها فوق راسي يامحمد!!!ماتقول لي انت شسويت علشان تقول انك تبيني!!!ولا شي.قالوا لك هي لغيرك ورضخت للواقع بدون ماتفكر كيف تسترجعني وانا حقك مو حق غيرك!!!!تبيني انا يامحمد البنت الضعيفة اللي مالي لاحول ولاقوة اعترض وانا لاابو وام ماتقدر ترفض لااخوها اللي كفلها كلمة وحدةوعم طماع يهمه اللي يدفع اكثر وخال مايهمه غير عياله وبس!!!!تبيني انا اوقف في وجه هذولا كلهم واعترض واحتج وانت واقف بس تتحسر وتقول العنود لي انتوا وعدتوني
محمد/
العنود/محمد انا اسفة اني قلت لك ها الحكي بس لازم تفهم شي واحد انت اللي تخليت عني مو انا اللي تخليت وبتظل مشاعري ناحيتك طيبة دايما وماراح اذكرك الا بكل خير
محمد/.على العموم انا واقف عند بيتكم اللحين وبعطي الشغالة هديتك توصلها ومبروك مقدما
توت توتو توتو توتو توت.
البندري كانت واقفة وتصفق/ممتاز
رفعت العنود راسها وشافت البندري قبالها.
العنود/
البندري/كيف قدرتي تقولي له ها الكلام.!!
العنود/انتي من متى هنا.؟
البندري/من دق جوالك.
العنود/
البندري/متى فكرتي تقولين لمحمد هالكلام يالعنود؟
العنود/مدري يوم سمعت صوته لقيت نفسي اتكلم بدون ماادري شقوله
البنردي/معناته انتي تبين فيصل
العنود/فيصل.
البندري/يوم قلتي ها الكلام لمحمد بدون ماتحسبين حساب انك تقولين له هذا يعني انك مقتنعة في فيصل وماتبين تفرطين فيه
العنود/.
البندري/قعدتي امس على البحر وفكرتي واخترتي؟
العنود/فكرت بس مااخترت يالبندريلقيت ان فيصل رجل مواقف فعلاوشخصيته غير عن محمد
البندري/يعني شنو؟
العنود/يعني انا محتارة بين عقلي وقلبي ياالبندري؟
البندري/.
العنود/عقلي يبي محمد يالعنود محمد الطيب الحنون اللي خلاني اميرة وانا على التلفون كيف لوعشت معه!!!!بس قلبي ميال لفيصل فيصل بقسوته وجبروته وهيبته.صحيح اكره غروره وجبروته بس قلبي يميل له يالبندري,,طول ماهو جنبي وعيوني ماتنشال من عنهاحس اني اذا كنت معه في امان وانه بيحميني من الكل حتى من نفسي.فيصل على حركاته اللي يعاندني فيها بس احس ان قلبي بدا يميل ناحيته يالبندري.
قطعتهم الشغالة
الشغالة/ماما عنود هذا الى انتي؟
العنود/طيب اتركيه واطلعي.
تركت الثوب على الفراش.
البندري/ثوب
العنود/كان شاريه من جدة لملكتنا.
البندري/بتلبسينه؟
العنود/تبين فيصل يذبحتي لوماالبس الثوب اللي هو شراه
البندري/هههه سوي فيه حركة نذالة شرايك؟’
العنود/ضحكتيني.
البندري/عادي افتحه.
العنود/افتحيه بره.واذا عجبك اخذيه واذا ماعجبك ارسلي للجمعية الخيرية.
البندري/من صدقك انتي؟
العنود/أي من صدقيانا ماافكر اخون فيصل حتى لو كان بثوب جاني هدية ياالبندري!!!!!!!!

**إلميآسـه** · 13-Dec-2012,11:48 PM

البندري/من صدقك انتي؟
العنود/أي من صدقيانا ماافكر اخون فيصل حتى لو كان بثوب جاني هدية ياالبندري!!!!!!!!
/////////////////////////////////////////////
لؤلؤة/وضحى.بتروحين معنا استراحة خالي؟
وضحى/ليش
لؤلؤة/بنروح نشرف على المكان علشان ليلة بكرة
وضحى/لامااقدر
لؤلؤة/وضحى.هذا نصيب وانتي عارفة هالشي؟
وضحى/عارفة بس امي ماراح ترضى ولاحتى ابوي
لؤلؤة/وانتي مقتنعة
وضحى/يظل محمد اخوي يالؤلؤة.
لؤلؤة/بس ياوضحى
وضحى/اصلا.
لؤلؤة/شنو؟
وضحى/ولا شيروححي وتعالي قولي لي شصار
لؤلؤة/براحتك.
//////////////////////////////////////////////
في الاستراحة كانوا البنات رايحين جايين ومسوين زحمة وعلى قولة مشعل اللي يقول هم اللي يشتغلون على ها الزحمة!!!!
رتبوا الكوشة والطاولات
وعند البركة حطوا كرسيين ملكيين وعلى جنب طاولة فيها شموع وحركات.وحول البركة كانت الاضاءة مثبتةوالورد.
//////////////////////////////////////////////
يوم الملكة.كان طلال توه راد من الشرقية المغرب.
وسلطان جاي ياخذ جدته يوديها الاستراحة.
وكان سلطان طالع ولؤلؤة بتطلع بعد وصاروا في وجه بعض وطلال جاي بس ماانتبهوا له
لؤلؤة/سلطان
سلطان/ها
لؤلؤة/شلونك
سلطان/بخير
لؤلؤة/مبروك
سلطان/الله يبارك في عمرك.
لؤلؤة/سلطانممكن اقولك شي
سلطان/.
لؤلة/انت ليش دايما مطنشني ماتعطيني وجه.
سلطان/لا عادي انتي
لؤلؤة/بلى.انت ماتعرف شيحمل لك قلبي
سلطان/حبيبي انت وراس مالي وكل شي بها الدنيا بس ياليتك تحس فيني
مو بس عيون سلطان اللي توسعت من الدهشة حتى عيون طلال!!
لؤلؤة/سلطان انا احبك.
سلطان/لؤلؤة.
لؤلؤة/ادري انه عيب وما المفروض اقولك بس مااقدر اخبيها اكثر ياولد عمي!!!
سلطان بثقل يشبه ثقل فيصل/انا احب بنت خالتي وبتزوجها!!!!!!!!!! ومشى عنها
/////////////////////////////////////////////////////
الليل في الاستراحة.كان كل شي فوق الوصف
ترتيب ودوق نوف هو اللي طاغي على المكان رغم ان مافي معازيم غير الاهل والجيران المقربين جدا.
في غرفة العنود واللي كانت ضامة البنات كلهم لان مافي غير ها الغرفة.
هند بهمس لليالي/مو كان الثوب قصر حييل!!!
ليالي ارتبكت/عادي كل البنات لابسين قصير؟
هند/قصير بس مو لهدرجة!!!!!
ليالي/انتي يتراوللك.
هند/ليش ماوريتيني اياه قبل لاتلبسينه!!
ليالي/ماحسيت انك بتتضايقين منه؟
هند/انا مو متضايقة بس احس انه قصير بزيادة؟
نوف دخلت .
نوف/هااااي بنات
البنات/ههههااااااااااي يااخت المعرس ياقمر
نوف كانت لابسة الثوب اللي جابه طلال واللي مومقتنعة فيه مية بالمية بس علشان لاتكسر بخاطره لبسته
كان وردي فوشيقصير بسيور ضعيفة وفي وسطه حزام ذهبيلفوق الركبة
يوم شافتها ليالي حست بالامان ان في واحدة لابسة نفس طول فستانها لايجيها اللوم بروحها!!!!
العنود/لا كذا انتوا مغطين علي بصراحة!!!
نوف وهي تناظر العنود بنبهار/اوه ماي قود!!!الله يعينك يافيصل
استحت البنات وضحكوا البنات عليها
نوف/بس والله ماني تاركتها تمر.بنات اسكتوا خل نشوف فيصل شبيقول.
ودقت على فيصل وسط اعتراض العنود اللي ماتبي تسمع كلام فيصل الجارح قدام البنات!!!!
بعد شويات رد.ويوم رد دق قلب ليالي لان اللي رد كان تركي
تركي/هلا نوف
نوف/تركي.هلا والله شلونك.
تركي/بخير.انتي شلونك؟
نوف/بخير يالله عقبالك
تركي/يالله عليك دوريلي وحدة من ها البنات الحلوين اللي عندك؟
نوف/أي بس انا حواليني بنات وااجد حلوين.
تركي/وش لابسين؟
ليالي في بالها(زين لكن بتشوف)
نوف/لالالالا مااقدر
تركي/ولو اني كتاكد ان ماهم حلوين بس ماعلي بنجاريك
نوف/شتقصد بالله
تركي/طيب بسالك نوف في وحدة لابسة احمر مثلا؟
نوف/وش معنى احمر يعني
تركي/معناته ان البنات رومنسية
ليالي احمدت ربها ان البندري ولؤلؤة بعد لابسين احمر
نوف/عندنا ثلاث تبيهم ثلاثهم مرة وحدة؟
تركي كان يكلم رجال في ذيك اللحظة فماسمعها
تركي/نوف انتي تبين شي.
نوف/ابي فيصل؟
تركي/ليش؟
نوف/ابي اقول له شي.
تركي/قولي وانا اوصلها له
نوف/مايصير
تركي/ليش.
نوف/خاصة عن مرته
تركي/عادي انا حتى الخاصة اعرفها!!!
نوف/اقول بلاقلة حيا وعطني اياه دقيقة بس
فيصل/هلا.شفيك؟
نوف/بقولك مبروك
فيصل/صدق فاضية وماعندك سالفة!!!
نوف/افاوهذا انا جاية اقولك ان العنود.
وسكتت نذالة فيها طبعا!!!!
فيصل بنفاذ صبر/شفيها العنود.
نوف/ماراح اقولك انا مو مو فاضية وماعندي سالفة
فيصل/بلا نذالة ولاتخليني اصارخ عند الرجاجيل قولي شفيها العنود؟
نوف/لو تشوفها يافيصل تقط الطير من السماءعذاااااب ياخوي عذاب مو طبيعية اول مرة في تاريخي اشوفها كذا وبها الجمال.
فيصل بهدوء علشان لايسمعونه الرجاجيل (حاط دوبه ودوب نوف)/اولا تاريخك معفن مثلك يوم انه ماشافها بجمالها الا هاالمرة!!!!!وثانيا طول عمرها العنود شيخة البنات وكايد تهم وثالثا .روحي عطيها ملح علشان لايحسدونها ورابعا انا مافيني صبر ابي اشوفها يانوف.
نوف/نعم نعم نعم.وماتبي ابخرها بعد!!!!انت ماحد يمزح معك ويجاملك ويقولك ان مرتك حلوة؟يااخي بغيت اجبر بخاطرك قبل لاتشوفها وتنصدم بس انت ماتنعطى وجه ابدا يافيصل.
فيصل بتشفق/نوف الصد الصدق متى بشوفها؟
نوف/ليش انت ماعندك خبر
فيصل/عن شنو
نوف/انك ماراح تشوفها الليلة؟
فيصل/نعمومن ان شاءالله اللي قال ها الحكي
نوف/بجد ماا قالوا لك
فيصل/نوف انا انتظر ها الليلة من زمان تعرفين يعني من زمان!!!جاية تقولين لي مابتشوفها الليلة تبيني اذبحك؟
نوف/هم اتفقوا على كذا.
فيصل/وبعدين كيف بلبسها الشبكة
نوف/مو الله يسلمك امك ناذرة في عرسك هي تلبس مرتك شبكتها مثل ايام جدتها وقالت مايشوف فيصل مرته الا ليلة الدخلة عاد روح تفاهم مع امك
فيصل/.توتتوتتوت
هند/انتي مصدقة انه بعده معك على الخط؟
نوف/ياويل حالي خل اروح اقلب وجهي لايروح يقول لاامي هذا يسويها.
الجازي/بنات يالله فرقة شاطى الخليج بقيادة سارة والعنود وصلت هيا بنا لنرقص.
ليالي/جايين جايين.
وحدها كانت سرحانة في كلامه(طول عمرها العنود شيخة البنات وكايدتهم,,,,,عطيها ملح لايحسدونها,,,,مافيني صبر ابي اشوفها,,انا من زمان ابي اشوفها تعرفين شنو يعني من زمان)
بظل محتارة معك يافيصل طول عمري صدقنيوالله اني مو عارفة ليش تسوي فيني كذا!!!!!!
البنات كانوا فالينه فل مع الرقص والشيلة.والشباب برة مو مقصرين بعد.الا طلال كان يناظر في سلطان بحقد.ماهانت عليه اخته اللي كسر سلطان بخاطرهاماكان يبي يلوم لؤلؤة انها حبت سلطان لانه كان غرقان في نوف ويدري ان الحب اعمى.وفي ظل سرحانه لفت انتباهه الطقاقة وهي تقول عليهم ياوردي عليهمتذكر انها رسلت له مسج انها بتلبس الثوب.يعني هاذي نوف اللي ترقصكان يناظر في سلطان وباله في نوف.
طلال/زين ياسلطان مثل ماكسرت بخاطر اختي انا بعد بكسر بخاطر اختك وبتشوف
/////////////////////////////////////////////
جا وقت دخلة فيصل.
والبنات لبسوا عبيهم وقطوا اللثمة
دخل وماكان يشوف شي قباله ولاحواليه كل اللي عارفه ان امه وخواته جنبه وخالته ام تركي وخالته ام فهد يزفونه لين وصل لعندها.وقف مكانه ماقدر حتى يرفع راسه.
نوف/فيصل شفيك قرب
تقرب بهدوء وهو حاس انه عايش في حلم عجيب
ام فيصل/تعال يمه سلم على مرتك وبوس راسها.
صار مثل العيال الصغار تعال وقربوهو مسير وراهم مايدري كيف انربك فجاْة وماعرف شيسوي.
تقرب منها وصار شوي شوي يرفع راسه لها لين شافها قمر رب السما حافظها
كانت ملاك في الثوب البرونزي.اللي كان بدون اكمام ومنفوخ عند الصدر ويبدايضيق شوي شوي عند الخصروفيه من وراه ذيل شيفون بدرجة افتح.وعلى الظهر كانت علامة اكس بالتطريز,,,
كان الفستان مفصلها تفصيل ومبز نعومتة جسمها بس اللي خلا جمالها الحقيقي يبان.انها كانت تاركة شعرها بنعومته يطيح على كتوفها بدون ماترفعه في تسريحة غير انها نافخته نفخة بسيطة من فوق وقتها اللي مخليتها بريئة مثل براءة الاطفال والمكياج النعوم اللي ماكان بارز منه غير الكحل اللي راسم حلاوة عيونها.
تقرب منها فيصل وباسها بس مو على راسها مثل ماكانت تبي امهلا على خدودها اللي حمروا من الفشيلة والبنات يعلقون من هنا وهنا
قعد شوي والمصورة داقة تصوير لهم على مايجهزون الشبكةوسمعوا الطقاقة تقول هذا اهذاء من المعرس فيصل الى خطيبته الحلوة عنود. والتفتوا لقوا ام المقالب نوف هناك وهي تغمز لهم,,,,لو يقولا انتي حلوةجاوبيهم ذي قديمة
لو يقولا انتي روعة.قولي ادري بس قديمة.
انتي قولي مافي زيياهوى العمر ونسيمه.
يللي صحرا العمر دونك.فدواك يااحلى عنودة)
طبعا البنات اشروا لنوف انها تخلي فيصل يرقص العنود علشان تكمل فشلة العنودوبما ان نوف الوحيدة اللي ماخذة راحتها راكبة ونازلة بدون عباية
راحت لهم وفيصل اللي اعترض
فيصل/جنيتي؟
نوف/يالله عاد بلاثقل.
فيصل/أي بس انا مااعرف ارقص؟
نوف/مو لازم,,,,اوقف بس جنبها وهي بترقص.
العنود اللي كانت طول مافيصل جنبها منزلة راسها/لا.ماابي ارقص نوفوا لاتفشليني
طبعا فيصل ياحبه للعناد
فيصل/مسك يد العنود ووقفها وهي نوت تبكي رسمي لان ها الرجال في انفصام في الشخصية رسمي!!!!!
وقف ووقفتوصارت تتمايل له شوي وهو ماسك يدها الثانية كان رقصها مثلها ناعم,,,,والبنات والطقاقة انواع التشجيع
//////////////////////////////////////////////
ام وحيد.
وين بتروحون؟
ابو محمد/انا شريت بيت ثانيوبنطلع
ام وحيد/انت من صدقك ياخوي؟
ابو محمد/أي يااختي.
ام وحيد/ليش
ابو محمد/هم كسروا بخاطر ولدي.
ام وحيد/.
ابو محمد/بعدين محمد نقل شغله لجدة وبننتقل هناك على الشهر الجاي.
ام وحيد/تبينا نفترق ياخوي؟
ابو محمد/وليش نفترق يااختي.التلفونات موجودة وجدة ماهي ببعيدة عن الرياض؟
ام وحيد/علشان شنو .خطوبة وماتمت ياخوي
ابو محمد/هذا قرار محمد وامه مارضت يروح بروحه كلنا بننتقل معه

ام وحيد/
ابو محمد/انا جاي اسلم عليك.وبلغيهم
ام وحيد/لاحول ولاقوة الا باللهياخوي السالفة ماتسوىبنفترق علشان عيالنا
ابو محمد/هم اللي بغوها ياام وحيد مو احنا
ام وحيد/انت كيف تطيع ولدك في سالفة مثل كذا.
ابو محمد/انا ماحبيت اقول لهم انتي قولي لهم
///////////////////////////////////////////////////
بعد مالبسها شبكتها وخلص طلعوا للمكان اللي جهزوا البنات عند البركة وطلعت معهم المصورة علشان ياخذون راحتهم في التصوير
دق جوال نوف اللي كانت معهم
نوف ابتعدت شوي
نوف/هلا والله.
طلال/وينك فيه
نوف/موجودة
طلال/لبسي عبايتك وطلعي ابيك.
نوف/وين؟
طلال/انا بسيارتي
نوف/شتبي؟
طلال/قلت لك طلعي
نوف/أي بس انا مشغولة اللحين

طلال/بتطلعين ولاشلون؟
/نوف/شفيك.

**إلميآسـه** · 13-Dec-2012,11:48 PM

**********************
نوف/شتبي؟
طلال/قلت لك طلعي
نوف/أي بس انا مشغولة اللحين

طلال/بتطلعين ولاشلون؟
/نوف/شفيك.
طلال/مافيني شي بتطلعين ولاكيف!!!
نوف/طيب شوي بس على ماالبس عبايتي وبجيك
طلال/انتظرك لاتبطين.
////////////////////////////////////////////////
راحت تلبس عبايتها وصادفت لؤلؤة قاعدة بروحها في طاولة بعيدة عن البنات ورقصهم
نوف/هاااي
لؤلؤة رفعت راسها/هلا
نوف/ليه مو قاعدة مع البنات؟
لؤلؤة اكتفت بانها تناظر نوف وفهمت نوف ان في شي صاير للؤلؤة.
نوف/مو بس عندك السوالف حتى انا شكلها بتصير عندي يعني الليلة بتكون صباحي سهرتنا.
لؤلؤة/اه.
نوف/قومي انبسطي وارقصي وبنتكلم بعدين طيب
لؤلؤة/على قولتك اقوم انبسط وانسى همي اللي مايخلص.
اخذت نوف عبايتها ولبستها بره وطلعت لطلال اللي كان في سيارته قاعد ينتظرها
طلال دق عليها
طلال/اركبي ليش واقفة عند السيارة؟
نوف/اركب!!!ليش انت مو تبي تسولف؟
طلال/بذمتك في احد يسولف هنا
نوف ركبت وماهي متطمنة للهجة طلال اللي صايرة شبه جافة
وبمجرد قعدت صارخ عليها
طلال/وليش قاعدة ورى حضرتك شايفتني سايق؟
نوف استغربت منه ها الاسلوب/انت شفيك معصب؟
طلال/ومن قال اني معصب انا في قمة الروقان!!!
نوف/بالله!!!!!
طلال مشى
نوف/وين على الله؟
طلال زاد السرعة بدون مايرد عليها وهي بدت تخاف
نوف/طلال؟
طلال/
نوف/جنيت انت وين مفكر نفسك بتاخذني بالله؟
طلال/لجهنم الحمرة زين!!!!!!!!!!!
نوف/
طلال/وياليت تكرميني بسكوتك
نوف/انت شتبي؟
طلال/
نوف/طلال شفيك ليش تتصرف معي كذا!!!!
طلال/كيفي اتصرف بالاسلوب اللي يعجبني يابنت عمي؟
نوف/وليش تكلمني كذا
طلال/قلت لك كيفي وياليت تسكتين وماتتكلمين؟
///////////////////////////////////////////////////////
بعد ماتركتهم نوف مع المصورةاللي اخذت راحتها بالتصوير والحركاتلين مشت راق الجو شوي وساده الهدوؤ.
كان فيصل قاعد وهو حاط رجل على رجل ومشمغ وصاير خياااال.
العنود كانت تتامله وهي بتموت من كثر التفكيرفيصل تصرفاته مو طبيعية ومحيرتها مووت ياترى هو صدق عنده انفصام في الشخصية!!!وكيف بتقدر تتعامل معههذا كل اللي كان شاغل بالها وماانتبهت لفيصل اللي كان ماد لها يده بالكاس الكرستال علشان تشرب العصير وهي سرحانة
فيصل رفع صوته علشان تنتبه من سرحانها وفعلا انتبهت
العنود/ها
فيصل/بدري على السرحان ولا!!!!
العنود ارتبكت وسكتت
فيصل/تبين عصير؟
العنود/لا
فيصل/ليه ماانتي عطشانة؟
العنود/لا
فيصل/ليش سكتة تكلمي
العنود/اتكلم شقول؟
فيصل/كل شي
العنود/كل شي
فيصل/أي كل شي في حياتك قوليه
العنود/ليه
فيصل/علشان اعرفك زين
العنود بصوت مبحوح/وتعرف الاشياء اللي تضايقني وتسويها!!!!!!
جت عيونه في عينها قوية ها المرة ونزلت راسها لانها ماكانت تحتمل نظرات فيصل ابدا!!!!عيونه عذاااااب واذا ناظرها تحس انها تضيع حتى اذا كانت نظرات قاسية بس شتسوي هذا النصيب ولازم تتحمل.
اما هو كان يناظر وهو مبهور صحيح هو شافها يوم عيد ميلاد نوف بس كان على السريع وشافها في بيتهم بس كانت تبكي وزعلانة.
اليوم غير اليوم هي عروسته وحلاله وقاعدة جنبه حاس انها تدور رضاها وانه زودها معها شوي والمفروض انه يرخي لان الليلة ملكتهم,,,,,,,
فيصل برقة/تبين نمشي لو نقعد؟
العنود/ نمشي
فيصل وقف ومد يده لها/يالله.
ارتبكت العنود.
فيصل/شفيك ماتبين تمشين؟
العنود هزت راسها بلا
فيصل/انا سالتك وانتي قلتي بتمشين !!!ورجع قعد
العنود/لاني ماابي امشي قلت لك كذا
فيصل/نعم.
العنود/لانك تسالني وتقوم تسوي الشي اللي ماابيه فقلت مالي الا اقولك ابي امشي علشان انت تقعد وماتقوم؟
رفع راسه لها وحست ان في اعصار بيجيها هذا بايعها بايعها!!!
وفعلا جاها اعصار من فيصل بس اعصار ماتوقعته ولاتحملته بعد!!!!
كان يبتسم لها بحب وها الابتسامة من فيصل خطيرة مووت لانها تضيع اللي قدامه!!!!!!
فيصل برقة ماتناسب شخصيته/مفكرتني اعاندك يابنت؟
العنود/بذمتك انت ماتسوي كذا معي ولا ناسي يوم الشرقية
فيصل/انسي كل شي راح من الليلة بنبدا علاقة جديدة.
العنود/كيف يعني جديدة؟
فيصل/يعني جديدة.علاقتنا مع بعض لازم تتغير.ولا انتي عندك راي ثاني؟
العنود/انا مااخالفك يافيصل كل شي بتقوله بكون موافقة عليه بدون أي اعتراض!!!!
فيصل/معناته نقوم نرقص؟
العنود/ها
قبل لاتستوعب كان فيصل مشغل موسيقى كلاسك كان متفق مع نوف عليها ومسك يد العنود وحوط خصرها بيدينه .وهي واقفة مو قادرة تتحرك
فيصل همس لها/حطي يدينك علىرقبتي وبس!!!
سوت مثل ماقال لها وحست انها بتذوب اذا ظلت قريبة اكثر من فيصل لهدرجة!!!وصارت تتمنى تجي نوف في أي لحظة علشان تتخلص من ها المصيبة!!وينك بس يانوف وينك؟
///////////////////////////////////////////نوف هنا يالعنود
كان طلال يمشي بسيارته بجنون ونوف قلبها واقف هي اصلا من الخوف نست ان موبايلها معها لين وصلوا لمنطقة صحراوية فاضية وخالية من كل شي!!!!
وقف السيارة ونزل وفتح الباب اللي جنبها
طلال/انزلي؟
نوف/.
طلال/تسمعين انزلي؟
نوف/ماني نازلة؟
طلال/ماهو بكيفكبتنزلين وغصب عنك؟
نوف/جنيت انت جايبني هنا؟طلال انا بنت عمك!!!
طلال/عارف انك بنت عمي ماهو جديد علي؟وازيدك من الشعر بيت عمي انا مااحبه ولا اواطنه بعيشة الله بعد ومايهمني!!!!
نوف في بالها ان هذا مقدمة لمصيبة اللي جايتها وحاسة ان كبرياءها بدا يتلاشى مع خوفها اللي يزيد ثانية بعد الثانية!!!!!
طلال/قومي نزلي؟
نوف/شتبي مني؟
طلال/اقولك انزلي.
نوف/
مسكها بقوة ونزلها
نوف تصارخ/انت جنيت ياطلال.!!
طلال/شيلي عبايتك؟
نوف هنا انصدمت حقيقي.
طلال/تسمعين شيلي عبايتك؟
نوف بدت تبكي/مو شايلتها واذا انت رجال بصدق شيلها انت
طلال/مو المشكلة ماابي اوصخ يدي والمسك
نوف/توصخ يدك اذا لمستني!!!!!!!!!!!!ليش بالله شايفني نجسة ياطلال
لحظتها حست انها بتنفجر منصدمة منه ومن تصرفاتها ومو لاقية لها أي تفسير قبل يومين بس كانت معه في الشرقية وعطاها الثوب ولبسته علشان خاطره وهي مو عاجبها وتوه راد من الشرقية شفيه!!!وليش يتصرف معها بها الطريقة.
نوف/طيبوافتحت عبايتها.وشالتها.
نوف/أي اوامر ثانية.!!!
كان ياكلها بعيونه وهو يحس انه بيشب من النار اللي فيه وهو يناظرها كذا وبها الفستان.
تقدم قدام وشغل المسجل.
طلال/ارقصي.
نوف بتعجب/نعم ماسمعت!!
طلال/اقولك ارقصي!!!
نوف/ليش شايفني رقاصة
طلال/انا مالي خلق زينوجايبك هنا تروقيني وتسوين اللي اقولك عليه.
نوف/ماني راقصة؟
طلال/مو بكيفك.
نوف/لا على كيفك انت يعني؟
طلال/طيب.ورجع قدام مرة ثانية.وفتح الدرج ورمى صورها على حضنها فتحت الظرف واستغربت من وجودهم عنده
نوف/طلال.مستحيل هذولا عند لؤلؤة صدقني عند لؤلءؤة
كانت مفكرة ان طلال شاك ان صورها عند احد ثاني وهذا اللي جا في بالها!!!
طلال رجع اخذ الصور منها/عارف انهم عند لؤلؤة بس هم كانوا عند لؤلؤة اللحين صاروا عندي واذا تبينهم ارقصي يالله؟
نوف/تهددني؟
طلال/تبينهم ولا ترى الرجاجيل بعدها قاعدة بالاستراحة اذا جابة اوصلهم لعمي الغالي!!!!
نوف بنبرة ترجي/طلال انا بنت عمك محسوبة عليك ولاانت ناسي اني بكون زوجتك ليش تسوي معي كذا!!!
طلال وهو في قمة العصبية/ومن قال اني ابي اتزوجك عاد؟
نوف راح الكبرياء مرة وحدة وحست بالاهانة.بس من منو من طلال.اللي طول عمره والى يومين بس وهو يتشوفق على كلمة منها!!!طيب ليش هو يحبها شلي خلاه يقول كذا ويسوي كذا!!!!
بدت تحرك جسمها يمين وشمال بدون أي تفاعل او أي احساس
طلال/لا يابابا ماتلعبين علي انا ابي رقص مثل العالم والناس مو كذا؟
بدت ترقص ونيران العالم كلها شابة فيها وهي تفكر وش بعد ها الرقص يانوف!!!!!!!!!!
ماتدري كم من الوقت مر عليها وهي ترقص ماكانت حاسة لشي ابدا لين رمى عليها عبايتها وقال لها البسي بنمشي خلاص مليت منك!!!
////////////////////////////////////////////////////
***اما في جهة ثانية كانت ليالي واقفة بعيد وتكلم تركي.
تركي/يالله طلعي ابي اشوفك.
ليالي/كيف تجي هذي بالله؟
تركي/شوفي انا بوقف عند باب الاستراحة وانتي طلعي على انك تكلمين في جوالك واشوفك
ليالي/وربي خايفة.
تركي/حبيبي
ليالي/تركي مايصير.
ليالي/تعالي وفوق هذا تجين بدون عبايتك!!!
ليالي/لالالالا مستحيل!!!
تركي/خلاص انا زعلان لاتكلميني!!!
ليالي/
تركي/يالله باي.
ليالي/بخليها مفتوحة بس ماراح اشيلها زين كذا!!!
تركي/وش بتفرق اذا شلتيها انا ابي افهم؟
ليالي/تركي انا اخاف!!!
تركي/اقولك مافي احد هنا واقف طلعي بسرعة علشان اشوفك يمكن ماتصير فرصة ثانية
ليالي/يالله بس ماتكلمني ولا اكلمك
وطلعت على اساس انها بتكلم في جوالها وهو كان واقف ومتلثم عند باب الاستراحة ودق لها انها تقرب شوي لانه مايشوفها عدلوتقربت منه وهو صار واقف بين الباب الخارجي وراسه على داخل.
ليالي بخوف/خلاص امشي؟
تركي/خليني اقرا عليك المعوذات اول!!!
ليالي/حبيبي بمشي
تركي/مابتعطيني بوسة؟
ليالي/روح يالله لايجي احد ترى انا خايفة موووت.
تركي/عذاااب ياليال عذاب اموت فيك
مشت شوي وهو بعده واقف ولفت عليه واخذت له صورة وهو واقف ومتلثم عند الباب وعطته بوسة في الهواء ودخلت بسرعة!!!!
////////////////////////////////////////////////////////////

**إلميآسـه** · 13-Dec-2012,11:49 PM

////////////////////////////////////////////////////////////
رجعت العيلة كلها على الساعة ثنتين ولؤلؤة قررت انها تدخل تبدل وتروح لوضحى علشان تسولف لها عن اللي صار لان المسكينة اللحين اكيد دمها محروق هاذي اول مناسبة وماتكون معهم
وقفت عند باب غرفتها ولقت فيه ورقة على الباب كانت بخط وضحى.
قرتها مرة ومرتين وثلاث وهي مو مستوعبة اللي فيها كانت وضحى كاتبة لها اعتذار عن طلعتهم من البيت وانها مالها يد وامها وابوها مارضوا انها تتكلم وتقول بنطلع من البيت علشان يطلعون بسكات بدون مايشوفهم احد
اخذتها وهي تبكي وراحت لقسم بيت عمها وفتحت الباب وشغلت الانوار كان البيت ميت بدون حياة لفت على الغرف كلها ومالقت احد راحت قسمهم وصارت تبكي في الصالة وبصوت عالي
وطلعوا لها كلهم
خالد/لؤلؤة شفيك؟
ام خالد/يمه لؤلؤة اسم الله عليك.
لؤلؤة/يمه بيت عمي طلعوا من البيت؟
ابو خالد/طلعوا وين راحوا؟
لؤلؤة/انتقلوا بيت ثاني.وضحى كاتبة كذا.
خالد/انتقلوا بيت ثاني.!!!!!
لؤلؤة/يبى خلهم يردون انا ماعندي احد غير وضحى تقعد معي تكفى خلها ترد الله يخليك. وفي بالها تقول مو كافي سلطان وصده عني مااقدر اتحمل مصيبتين في وقت واحد!!!!!
فيصل رجعها البيت بسارته
فيصل/يظهر عنك زوار؟
العنود/منو؟
فيصل/هاذي سيارة زوج عمتي ابو وحيد.
العنود/يابعد عمري ياخالتي اكيد تنتظرني هنا.فيصل قوم سلم عليها.
فيصل/لا خليها لوقت ثاني
العنود/لا مايصير بتزعل اذا عرفت انك وصلتني ومادخلت
فيصل/هي جاية تبي تشوفك انتي مو انا؟
العنود/تبي تشوفنا اثنينا وانت عارف انها ماتقدر تروح بيتكم؟
فيصل/
العنود حطت يدها على يده وسرت فيه رعشة مثل اللي جته وهي بحضنه يوم كانوا يرقصون
العنود بدلع/تكفى فيصل قوم انزل سلم على خالتي الليلة ليلتي لاتزعلني!!!
فيصل/طيب يالله
ودخلوا وكان الاستقبال هناك حار من ام وحيد وابو حيداللي سلموا على فيصل بعد بحرارة وكملوا سهر لين الصبح
///////////////////////////////////////////
اول مارجعها البيت راحت علطول لغرفتها وعيونها جامدة ماهي قادرة تبكي ماتدري شلي صار لها
مستحيل ياربي الا طلال الاطلال!!!!مقدر انصدم في ها الانسان ابدااذا طلال قلب علي مالوم زماني ابدا لو تغير.طلال.ليه!!وعلشان شنو ابي افهم؟
ياترى شلي صار يعني علشان كذا لؤلؤة كانت زعلانةلانه اخذ الصور منها وهي ماقدرت تمنعه!!!بس هو قال لي انها ماتدري انهم عنده!!!!ياربي ليش ليش سوى فيني كذا الحقير النذل ماراح اسامحه ابدا!!!!!!!
//////////////////////////////////////////////////////
في اليوم الثاني
كانت ليالي طول الليل سهرانة مع الحبيب على التلفون ومانمت الا الصبح
مرح/منتي قايمة انتي؟
ليالي بتاْفف/يااخي ابي انام شفيك انتي؟
مرح/طول الوقت نايمة قومي عاد؟
ليالي/والله مانمت غير الصبح!!
مرح/شسويتي!!!موقلتيلي ببدل وبنام !!ليش مانمتي؟
ليالي/والله تقلبت يمين ويسار وماجاني نوم غير الصبح
مرح/البارح اقولك خلنا نسهر نسولف تقولين لي لالالالا انا ابي احط راسي وانام وبعدين ماتنامين حضرتك الا الصبح!!!
ليالي/مرحوا ووجعتين قومي طلعي ترى والله النوم فيني ومالي خلق اتكلم!!!!
مرح/ماني قايمة الا اذا قمتي وبعدين حتى اذا مانمتي الا الصبح اللحين قريب تغرب الشمس ياحظي يعني الدنيا مغرب!!!!
ليالي/ان شاءالله ليل قومي بس!!!
مرح/اوووووف ياربيوين اروح؟
ليالي/دبري حالك روحي لوحيد؟
مرح/ضحكتيني والله!!!هند وراحت مع امي بيت خالتي من الضهر ووحيد طالع مع ربعه وابوي راح لعمي ومافي في البيت غيرك خامدة
ليالي/ليش مارحتي معهم؟
مرح/
ليالي/قومي انقلعي برة؟
مرح/زين لاتطردين
وطلعت وهي متاففة.وشوي الا يدق جوال ليالي.وابتسمت(توها فيها النوم بس سبحانك يارب!!!)
ليالي بصوت نايم/هلا قلبي.
تركي/هلا بملاكي والله
ليالي/هلا.
تركي/بعدك نايم ياكسلان!!
ليالي/ليش انت متى قمت اليوم ماعندك دوام؟
تركي/قمت قبلك بنص ساعة.
ليالي/هههه والله.
تركي/كيفك.
ليالي/بخير
تركي/شنو برنامجك اليوم؟
ليالي/حرام عليك نص اليوم طار بعد أي برنامج؟
تركي/نصه طار بس باقي نصه؟
ليالي/بقوم بصلي وبتروش وباكل لي شي لاني بموت من الجوع وبرجع اكلمك لين انام مرة ثانية؟
تركي/ليش مانشوف بعض الليلة؟
ليالي/ماهي حلاوة كل شوي قلت لي نشوف بعض؟
تركي/تعرفين اني متحسف اني تركتك تروحين البارحة
ليالي/ليش بالله كانت عندك نية سيئة فيني!!
تركي/بصراحة كل مااتخيلك في ها الثوب اقول كيف قدرت امسك نفسي وما اسرقك!!!!!
ليالي/اهيعني كنت ناوي تسرقني!!!طيب وين بتوديني بعد ماتسرقني!!!!
تركي/بسكنك في قلبي ياقلبي.
ليالي/لا انا في قلبك من زمان ابي مكان جديد؟
تركي/طيب بحطك في عيني.
ليالي/حتى عينك عشت فيها؟
تركي/وين تبيني احطك وانا بحطك؟
ليالي/ابي اكون نفسك مثل ماانت نفسي بها الدنيا
تركي/قديمة!!!انتي عارفة اني اتنفسك من عرفتكدوري غيرها يالله!!!
ليالي/ههههههههه
تركي/حبيبي والله ابي اشوفك؟
ليالي/عمري خلني بقوم اصلي وبعدين احاكيك طيب.
تركي/طيب عطيني شي قبل لاتسكرين؟
ليالي/اقولك بصلي تقول لي عطيني شي؟باي بس باي.
//////////////////////////////////////////////
كان ليلها مثل نهارها مافي تغير من رجعت وهي قاعدة في نفس مكانها وبعبايتها وبعيونها اللي ماهي قادرة تدمع وبصدمتها وبتفكيرها اللي انشل
حاسة انها مخنوقة ومو قادرة تتحرك ولاتتكلم هي مو قادرة تعبر باي شي.
الله لايسامحك ياطلال ياحبيبي ياولد عمي.هنت عليك وانا بنت عمك ومحسوبة لك!!!!!!
جوالها دق ولاعشرين مرة ماتدري منو اللي كان متصل ولا شيبي لانها ماطلعته من شنطتها اصلا هي ماتحركت من مكانها من قعدت فيه البارح ولاتدري شصار ولا شي
اندق الباب وجاها صوت امها الحنون
ام فيصل/يمه نوف بسك رقاد عاد قومي يالله
ماتدري ليش من سمعت صوت امها نزلت دموعها نوف ماقدرت تتكلم وهي تتخيل شكل امها تشوفها مع طلال البارحة!!!!(يمه انا احبك بس والله طلال جبرني والله انه حقير انا ماسويت له شي!!!)
ام فيصل/يمه نوف.
ماتدري شلون طلع صوتها ها المرة صحيح انه كان بارد مثل الثلج بس انه طلع/يمه قعدت خلاص
ام فيصل/يمه شفيه صوتك؟
نوف/بردانة شوي
ام فيصل/منك يمه لابسة لي البارح ثوب شقصره والمكان بارد وانتي طالعة داخلة لين تغير عليك الجو؟فتحي يمه
نوف/خلاص يمه انا بغسل وبنزل لك
ام فيصل/يالله حبيبتي لاتطولين انتظرك حتى ابوك واخوانك يسالون عنك
نوف/نازلة يمه نازلة,,,,
ورجعت لسرحانها وتفكيرها من جديد هي محتاجة احد تشكي له اللي صار محتاجة احد تبكي على صدره لوكانت وصال هنا كانت سمعتني صحيح اني ماراح اقولها عن ها الشي بس اقلها انسانة تواسيني دايما الله يذكرك بالخير ويرجعك لنا سالمة انتي وسعودمنو اكلم لمنو اشتكي للؤلؤة!!!!
لؤلة الوحيدة اللي بتفهمني بس ياترى هي بتصدقني!!!هي كانت متضايقة البارحة واتفقنا ان احنا نتكلم وراحت بسرعة لجوالها ولقت فيه مكالمات الدنيا من كل الناس وفيه عشر مكالمات من لؤلؤة من البارح وفتحت المسجات اللي من عند لؤلؤة بس!!!
(نوف وينك انتي ابي اسولف لك ماني شايفتك وين رحتي؟)
(نوفوا انا تعبانة مصيبة صايرة في البيت ماتخيلتها؟)
(وينك انتي انا محتاجة لك بيت عمي طلعوا من البيت فاهمة شنو يعني طلعوا يعني مافي وضحىمافي احد يسولف معي؟)
(نوف وينك ليش ماترديني علي؟)
نوف في بالها بيت عمي طلعوا من البيت ليش!!!!وهل لهاالشي علاقة بللي سواه طلال!!!طيب وانا مالي لوطلعوا من البيت مو انا اللي طلعتهمطيب هي ليش متضايقة درت عن سالفتي انا وطلال
خلني اقوم اتروش وانزل لااخواني وابوي وبعدين اتفاهم معها على رواقة
///////////////////////////////////
البندري/وش ذا بالله!!!!
لفت عليها العنود اللي كانت واقفة قدام المرايه تتكحل
العنود /شنو
البندري/انتي شنولابسة
العنود ناظرت نفسها وكانت لابسة بنطلون ابيض وقميص احمر
العنود/شنو؟
البندري/تمزحين انتي؟
العنود/شنو؟
البندري/اللحين خطيبك مكلمك بيجي يقعد معك تقومين تلبسين له بنطلون وقميص!!!!!!يال العجب!!!
العنود/والله انك فاضية وانا اقول شفيها هاذي شتبي؟وخير ياطير بالله ؟
البندري/اللحين الرجال راز روحه عشر سنين في امريكا وشايف العجب العجاب !!!تجين يالمتخلفة تلبسين له بنطلون من اول ليلة؟
العنود/اول ليلة ولا اخر ليلة انا مو مغيرة لبسي علشانه حضرته؟
البندري/دولاب شطوله شعرضه اقول لبسي لك شي ثاني واللي يرحم والديك؟
العنود/ماني مبدلة انا مقتنعة بلبسي؟
البندري/مو بكيفك والله!!!!
العنود/ليش ان شاءالله بكيفف منو؟
البندري راحت عند الدولا بوفتحتهوصارت تتفرج على اللي فيه
العنود/بندورة حبيبتي خلي راي يمشي لو مرة وحدة بليز
البندري/الليلة مو وقته يمشي رايك
العنود/ليش
البندري طلعت ثوب احمر قصير/لبسي هذا
العنود/ماني لابسته
البندري/طيبشوفي هذا الثوب الاخضر حلو
العنود/ولا ابي هذا.
البندري/معناته انا عندي تنورة جديدة من اكسسواريز مالبستها بجيبها لك
العنود/اذا قصيرة لاتجيبنها؟
البندري/ليش تطوعتي ماتلبسين قصير؟
العنود/ماابي البس قدامه قصير
البندري/اقول لايفكرك متخلفة بس!!!!!!!هذا مارين عليه اشكال والوان وبعدهم يمرون ليش تصيرين انتي في نظره المتخلفة اللي ماتعرف تلبس ولا الجادة بلبسها وبحشمتها!!!انتي مرته ومافيها شي.
العنود/لاتحاولين تقنعيني وانتي عارفتني اتاْثر بكلامك بسرعة!!!!
البندري/هههه معناته بجيبها وبجي نطريني؟
/////////////////////////////////////////////
بعد ماتروشت وبدلت ثيابها نزلت تحت وهي حالفة انها تنسى طوايف طلال واللي خلفوه واذا وصلت السالفة انها تحكي مع فيصل بتحكي واللي فيها فيها!!!هو باعها ومافكر فيها ليش هي تحسب له حساب!!!!
نزلت ولقتهم متجمعين
نوف/مرحبا
ابو فيصل/هلا بزينة البنات والله
ام فيصل/بعدك تعبانة يمه؟
ابو فيصل بخوف/ليش شفيها نوافتي
نوف/لا يبى بس شوية برد
ابو فيصل/اخاف بس عاطينك عين البارحة!!!كان بخرتيها يام فيصل؟
فيصل بشماتة/منو اللي بيعطي نوف عين عاد
انتبهت نوف لفيصل اللي كان قاعد بعيد وراحت له تبارك له واول ماجت عنده حضنها وهي حست انها بتبكي بس مسكت نفسها وقالت مو هنا مو قدامهم
فيصل/تسلمين يالغالية
نوف/طبعا ماتنعد جمايلي عليك البارح
فيصل/ابدا والله وخصوصا سالفة مابتشوفها لان امك ماهي راضية!!!
قعدت جنبه وبدون تعليق
فيصل/نوف فيك شي؟
نوف/لا.
ابو فيصل/اخذك المستشفى يبى
نوف/يبى مافيني شي بس انا صار لي ثلاثة ايام ماانام عدل على حساب ملكة ولدك وبس
فيصل/هاذي ملكة ومانمتي لو في العرس شبتسوين؟
نوف/شلون العنود؟
فيصل/بخير
ام فيصل/متى بتجيبها يافيصل علشان يشوفونها خالاتك وجدتك؟
فيصل/بعدين اشوف يمه مو ها اليومين؟
ابو فيصل/مو المفروض هي تجي الليلة عندها
فيصل/لاانا قايل لها بمرها
ابو فيصل/أي
سلطان/اقول يمه.مدام خطبتي لفيصل وخلصتي ليش ماتخطبيلي انا بعد؟
ام فيصل/وي هاذي الساعة المباركة.
سلطان/انا ابي نانسي بنت خالتي.
ام فيصل/والنعم فيها بنت اختي
ابو فيصل/هاذي اللي كنت مطيح عندها في قطر؟
سلطان/
فيصل لف على نوف يبي يشوف ردة فعلها بس لقاها اصلا سرحانة وقال في نفسه البنت فيها شي ماهي طبيعية؟اختفت البارح مرة وحدة واليوم ماهي طبيعية شسالفتها بالله!!!!اذا رديت من عنودي اتفاهم معك يانويف؟
////////////////////////////////////////////////////////////

**إلميآسـه** · 13-Dec-2012,11:49 PM

////////////////////////////////////////////////////////////
لؤلؤة كانت قاعدة بالصالة وهي زعلانة ومالها خلق يمكن غياب بيت عمها عطى فراغ في البيت بس مو مثل الفراغ اللي خلفته لها وضحى هي بالذات!!!!!!!!
هي ماعندها خوات بس كانت وضحى اخت وبنت عم في نفس الوقت من صبحون لين يمسون وهم مع بعض في كل مكان تلاقاهم مع بعض في كل مناسبة يروحون مع بعض وفحاْة وبدون مقدمات تركتها وطلعت من حياتها ومن البيت بكبرهلا وبعد كم يوم من الرياض بكبرها!!!!!!!!وسلطان وهمي الاكبر معه واعترافي له بحبيليش تسرعت وقلت له ليش؟ماكنت اقدر اصبر اكثر من كذا.والله ياسلطان ماقدرت اصبر.
طلال كان قاعد قبالها ويفكر بغلطته مع نوف هو صحيح مالمسها بس حركته بايخة ومالها أي اساس من البداية!!!!!!!كيف طاوعه قلبه ان يهين حبيبته كيف؟ياترى شتسوين يانوف اللحين؟وشنو اللي صار لك.
طلال بسرحان يكلم لؤلؤة/كلمتي نوف؟
لؤلؤة/هاذي المرة المية اللي تسالني عنها ياطلال
طلال/يعني ماردت عليك؟
لؤلؤة/لا
طلال رجع لسكوته من جديد وكان الجوبينهم موووت لاابعد درجة!!!!!!!!!هو هدوء وهو بكي لؤلؤة وهو احساس طلال بالذنبكان شي يقتل فيهم ببطء بس
/////////////////////////////////////////////
وقع اختيارها اخيرا على ثوب اخضر شيفون يوصل لتحت الركبة بشوي ومن فوق سيور وفتحة الصدر على شكلv ولبست صندل ذهبي وربطت خيوطه على ساقها ورفعت شعرها كله من فوق وتركت الباقي يطيح على ورى.
البندري/ممتاز كذا شكلك برافو
العنود/.
البندري/يالله لاتتاخرين عليه ترى وصل قبل دقايق.
العنود/اخذت عطرها ورشت لها بختين تحت اذنها ومشت.

كان قاعد بهيبته في المجلس وحاط رجل على رجل وقفت تتامله وهي عند البا لانه وقت اللي دخلت ماحس لها يظهر انه سرحان في شي!!!!
ياحليله يجنن بالثوب والشماغ صحيح يصير شكله جدي بزيادة بس انه يذوب اموووت عليه
رفع نظره وكانه حاس ان في احد يناظره!!!
اول ماشافها وقف وقربت منه
العنود/هلا
فيصل/كذا الناس تسلم!!!!!!
العنود وقفت مكانها
تقرب منها وباس خدودها وهمس لها/كذا السلام يكون فهمتي؟
العنود ماتت من قربه ومن عطره ومن انفاسه ومن صوته وحتى من اسلوبه اللي ينرفز بس قالت ماراح اسكت لك ابدا يافيصل؟
العنود ببراْة تخبل فيصل/يعني اسلم على الكل كذا يافيصل؟
ناظرها وعيونه شوي وتشب وقال لها بعصبية بس بصوت نازل شوي/علشان ادفنك لو تسوينها!!!!
العنود مصرة على براْتها/بس توك تقول السلام كذا يكون
فيصل بنفاذ صبر/سلامي انا وبس!!!!!
العنود تقربت منه وحضنته وحست ان فيصل بيذوب مكانه بدليل انه حط يدينه ورى ضهرها وقالت له بهمس ودلع/وانا اللي كنت ناوية اسلم عليك كذا كل مرة اشوفك فيها بس زين انك قلت لي انك تبي كذاّّّّّّّّّّّ!!
وبعدت عنه وقعدت على الكنبة لاهي قريبة ولاهي ببعيدة وعرفت ان حركتها اثرت في فيصل اللي ظل واقف لحظات وماعلق وبعدها قعد بدون مايقول شي!!!
هي اصلا توها تسال نفسها ليش سوت كذا!!!!!!مالقت أي اجابة غير انها حست نفسها مشتاقة لحضنه من امس؟
مرت بينهم دقايق هادية.
قطعتها العنود/شلونك اليوم؟
فيصل/بخيرانتي كيف كان يومك؟
العنود/تمام,لو اني احس نفسي مخربطة شوي من الجو
فيصل/تغذيتي اليوم
العنود/يعني على الماشي
فيصل/قربي هنا ليش قاعدة بعيد
العنود/مو بعيد اشوفك؟
فيصل/بس انا مااشوفك؟
العنود/معناته نظرك ضعيف؟
فيصل/خلاص مدام انه ضعيف قربي هنا
قربت منه وهي تبي اصلا تتقرب وكانت تنتظر الفرصة.فيصل قاعد يخربط مشاعرها وحاسة نفسها بتضيع منه.
اول ماقعدت جنبها حط يده حواليها ويده الثانية صارت في شعرها تشيل المشابك اللي في شعرها
العنود/خليهم!!!
فيصل/لا مو حلوين
العنود/صار لي ساعة اسوي فيه!!!!
فيصل بعد ماشالهم كلهم صار يلعب في شعرها بيده يمين وشمال لين خلاه كله يطيح على وجهها
فيصل/انا مااحبه الا كذا ولاتلعبين فيه مرة ثانية لااضربك!!!
حطت راسه على صدره وهي حاسة ان فيصل امان.قرب فيصل وحده يعطي الامانحست وهي قريبة منه كانها بنته بس تبي منه شوية حنان علشان تقدر تقوله بابا
صار يلعب بشعرها بهدوء والجو بينهم هادي ورومنسي
العنود كانت بتبعد شوي بس يد فيصل قربتها اكثر.
دفنت راسها بحضنه.وقالت له بهمس/فيصل خليك علطول بالثوب والشماغ لانك تصير عذاااب فيهم.
مارد عليها بس قرب راسه من راسها وصار يبوس شعرها!!!!!!!!!!
///////////////////////////////////////////////
نوف بعد ماركبت غرفتها قررت انها تعتزل العالم وماتفكر في شي ابدا .بتنام!!!!اي هذا الحل تنام علشان تنسى طلال وحقارته وذله لها بها الطريقة وهي ماتدري لشنو؟حتى سلطان يوم قال انه يبي نانسي ماقدرت تعترض من صدمتها في طلال؟
حطت راسها على المخدة بس من وين يجي النوم يانوف وانتي انذليتي ومن حبيب الروح!!!!!!!!نزلت منها دمعة ودمعتين وثلاث لين صار شلال دموع مايوقف!!!!!!
ماتدري ليش وفجاءة حست بالفراغ والوحدة والغربة وكل المشاعر الحزينة هاجت عندها مرة وحدةياليت طلال لمسني ولاسوى فيني شي كنت بفهم منه انه .بفهم انه أي شي بس حركته مو داخلة مخي ابدا!!!معقولة مفكر ان الصور كانوا عند احد مثلا وهو علشان كذا معصب!!!!!!اذا مو عشان كذا علشان شنو ياربي؟راح اجن والله ماني قادرة افكر.
لؤلؤةمافي غير لؤلؤة اكلمها.بس لازم ماالمح لها عن سي واعرف اول اذا كانت عارفة بالموضوع ولالا علشان لااظلمها لاني ماابي اخسرها!!!
رفعت جوالها ودقت على لؤلؤة
طلال رفع راسه من دق الجوال قبل لؤلؤة ووقف قلبه وهو يناظر في لؤلؤة.
لؤلؤة لفت عليه وفهم هو انها نوف وصار في خبر كان!!!!!!!!!!!!!
لؤلؤة بحزن/هلا.
نوف محاولة انها تصير طبيعية قد ماتقدر/هلا فيك.
لؤلؤة/تو الناس.
نوف/اسفة بس امس صار لي ظرف طارى واكيد بتعذريني لو عرفتي
لؤلؤة/ظرف طارى!!!!خير ان شاءالله
هني طلال رفع راسه وحست لؤلؤة ان طلال مو طبيعي مو معقولة انه كان يحاتي معها نوف من البارحة لانها ماردت عليها اكيد فيه شي!!!!
نوف/اذا صرنا مع بعض قلت لك مو وقته اللحين ومو حلو اقوله على التلفون!!!!!
لؤلؤة/.
نوف/ماقلتيلي شفيك امس ليش كنتي زعلانة
لؤلؤة قامت غرفتها وقفلت الباب وبدت تبكي ونوف خافت انها تكون عرفت اللي صار بينها وبين طلال
لؤلؤة/سلطان يانوف سلطان!!!!!!
نوف/شفيه؟
لؤلؤة/امس كان جاي بيتنا
نوف/أيوبعدين.
لؤلؤة/
نوف/لاتوقفين قلبي قولي شسوى!!!!سلطان تعرض لك بشي يالؤلؤة!!!!
لؤلؤة/تعرض لي بشي شتقصدين يانوف؟
نوف حاولت تداري الموضوع/مدري .شفيه يعني.
لؤلؤة/ماقدرت اصبر يانوف وصارحته.
نوف باسى/صارحتي بانك تحبينه!!!!!!
لؤلؤة/أي.وهو صد عني وقال انه يبيها؟
نوف غمضت عينها ودمعت اكثر.الله ياخذ كل رجال العالم ويفكنا منهم!!!!هذولا ماعندهم ضمير ابدا!!!!!اللحين وحدة تقولك تبيك وتحبك تروح يوم ثاني بقواة عين تخطب بنت خالتك!!!ولا ذاك اللي طول عمره يتمنى بس كلمة صدق نفسه من رحت له المستشفى وسى لي حركة نذلة ماراح انساه له طول عمري!!!!ولا ابوي مع بيت عمتي ومع عمتي!!!!ولا فيصل اللي ماهمه ان العيلة تتفرق واهم شي ياخذ حب حياته!!!!اه يانوف .
لؤلؤة/نوف ليش سكتي ماقلتي شي؟
نوف/انتي عارفة راي من اول.
لؤلؤة/انتي كنتي تبيني اقوله من زمان اني احبه
نوف/وخير ماسويتي؟
لؤلؤة/بس هو صد عني وقال ابيها يانوف؟
سلطان/بيجي يوم بيعرف انها ماتسوى مداس رجلك وبيتركها وبيجيك عاض اصابعه ندم ولحظتها انتي بس بتقررين.
لؤلؤة/نوف انتي شقاعدة تقولين
نوف/صدقيني يالؤلؤة وحياة اغلى شي عندي بالدنيا.سلطان بيتركها بيتركها ومافي أي شك في ها الشيهي ماتحبه وهو مفكر انها تحبه واذا عرف انها ماتحبه ماتقولين لي ليش بيكمل معها وفي اللي تسواها وتسوى طوايفها!!!
لؤلؤة/
نوف/لؤلؤة.اذا سلطان جاك وقالك انا ابيك يالؤلة شبتقولين؟
لؤلؤة/بقوله اني لك نذرت عمري ياولد عمي وماراح اكون لغيرك حتى لو ماتبيني ياانت ياقبري!!!!
نوف/لهدرجة تحبينه؟
لؤلؤة/واكثر مما انتي تحبين طلال!!!
نوف كانت مستعدة تسمع مصايب العالم كلها ولا تسمع اسم طلال بها الوقت!!!!
نوف /طلال!!!!!!!!!
لؤلؤة/أي في غيره حبيب القلب
نوف/
لؤلؤة/على فكرة ترى كان قاعد يحاتيك معي من البارح يوم ادق عليك وماتردين وكل شوي ردي اتصلي فيها شوفي شفيها!!!
نوف باندفاع/كذاااااب هو مايبي يتطمن علي؟
لؤلؤة بااستغراب/ليه عاد؟
نوف بحيرة/مدري
لؤلؤة/نوف انتي وطلال تخانقتوا ولا صار بينكم شي
نوف/ليش تقولين ها الحكي هو قال لك كذا!!!!
لؤلؤة/لا.بس انا حاسة ان في شي.يعني يوم كان يحاتيك ماحطيت بالي بس يوم كلمتيني حسيت ملامحه تغيرت نهائيا!!!!في شي يانوف؟
نوف/لا ابدا.
لؤلؤة/اكيد!!!
نوف/أي
لؤلؤة/طيب ماقلتيلي شنو الظرف اللي صار لك انا قلت لك اللي عندي؟
نوف/الظرف!!!!لؤلؤة ابي اشوفك بكرة علشان اقولك.على التلفون ماراح ينفع.
لؤلؤة/طيب مو مشكلة بكرة نتفق.
نوف/معليش بس صدقيني مو قادرة اقوله في التلفون؟
لؤلؤة/لاحبيبتي عادي انا مقدرة بس لاتفكرين فيه يانوف وتذكري ان كل مشكلة لها حل في الدنيا
نوف/يمكن,,,,
لؤلؤة/ليش تقولينها باسى؟
نوف/بكرة اذا شفتك بتعرفينخلاص لؤلؤة انا بقوم اريح لاني من امس مو نايمة سلمي على عمي وخالتي
لؤلؤة/يوصل سلامك.بس لهم مافي ناس نوصل لهم بعد اخاف يغارون
نوف/بس.اه
لؤلؤة/لا انتي فيك شي عموما بكرة نتفاهم,,,تصبحين على خير واحلمي في طلال زين,,
نوف/طلال.اكيد ومن قال لك انه بيغيب عن احلامي من ها اليوم!!!!
قالتها ودمعت عيونها وسكرت التلفون وهي حاسة نفسها حشرة صغيرة ماتسوى شي.طلال مايبيها
//////////////////////////////////////////////////////
نرجع لعاشقنا المتيم فيصل.
كانوا عايشين جو رايق وهم في حضن بعض بدون مايتكلمون كانت انفاسهم تحكي عنهم,,,
لين دق جوال العنود وبعدت عنه وتضايق فيصل وانقلب مرة وحدة.
العنود/هذا الوليد
فيصل/ليش وينه حضرته؟
العنود/مدري خل ارد عليه
لف وجه عنها وهو متضايق
العنود/هلا فيكاي عمي متى.ليش وينك فيه.طيب وماقال لك شيبي منك.خلاص اذا رجعت بعدين نتفاهم يمكن شي مو محرز,,,,يالله حبيبيانتبه على نفسك.باي
فيصل بقهر/بزر هو تقولين له انتبه لنفسك؟
العنود بانت عليها الخيبة من تغير فيصل/هذا اخوي
فيصل/ويكون اخوك ؟بزر هو تقولين له انتبه لنفسك؟
العنود/طيب انت ليش متضايق؟
فيصل/انا مو متضايق
العنود/الا متضايق شوف كيف تحاكيني!!!
فيصل/يتهيا لك عادي ماعندي مشكلة لاني عارف ان اخوك بزر وبيظل بزر ماراح يكبر ابدا!!!
العنود زعلت منه وهي اللي لفت وجها عنه ها المرة وتوهق هو لانه بالعادة هو اللي يزعل.وعنود اللحين عنده المفروض يعيش ها اللحظات كلها بحضنها ومايفوت دقيقة وحدة!!!!!!تذكر الكيس اللي جابه مسكه وتقرب منه
فيصل وكانه مازعلها اصلا/ماسالتيني شنو جايب لك معي
العنود ماكلفت على نفسها تلتفت عليه ظلت لافة وجها عنه.
فتح فيصل الكيس وحط بحضنها علبة وقال لها افتحيها
العنود صارت تناظر بفيصل بخوف
فيصل بحنان/شفيكاقولك فتحيها؟
العنود/لاماراح افتحها
فيصل/ليه
العنود/ماراح افتحها
فيصل بزعل/ليه عاد
العنود كل شي ولا كسار خاطر فيصل
العنود/اخاف.
فيصل/تخافين من شنو؟
العنود/يمكن تبي تفجرني؟
فيصل ضحك ضحكة خفيفة وابتسمت له العنود يعني في امل يروق من جديد.
فيصل/تتابعين اخبار كثير!!!
العنود/لاتضيع السالفة تبي تفجرني؟
فيصل/انا بفجرك بفجرك بس بشويش عشان انتي ماتتحملين .وفتح لها العلية وصارت تناظره وتناظر اللي داخل العلبة بااستعجاب؟
العنود/فيصل.
فيصل/ها
العنود/هاذي.
فيصل/أي هاذي اللي عجبتك.انا قلت ماراح تلبسها غيرك يوم انها عجبتك ودخلت مزاجك
كانت الشبكة اللي اختارتها اول في غسان ورفضوها ماعجبتهمهو طبعا ماخلاها في نفسه والعنود تبيها يوم فتحوا لصلاة المغرب راح اشتراها لها.
العنود/أي بس يافيصل
فيصل/ممكن البسك اياها
العنود/.
فيصل/عاد الليلة ابي اخذ راحتي بما انه مافيه تصوير ولا معنا احد!!!!!!
العنود/.
مسكها من يدها وقعدها في حضنه وصار يلبس بشويش واللحين يجيب شعرها كله فوق واللحين يخليه على جنب واللحين يلفها لعنده واللحين يقرب اذنها منه!!!!!!!
//////////////////////////////////////
لؤلؤة طلعت الصالة ومالقت طلال راحت له غرفته ودقت الباب
طلال/منو
لؤلؤة/انا لؤلؤة
دق قلبه كان عارف انه سوى شي غلط بس مو قادر يتكلم لانه ماعنده أي مبرر للي سواه!!!
طلال/شتبين؟
لؤلؤة/بسولف معك؟
طلال(ياترى نوف قالت لها شي)
طلال/انا بنام اللحين يالؤلؤة بعدين نسولف
لؤلؤة تاكدت ان في شي صار بين نوف وطلال!!!!اكيد صار بينهم شي معقولة يكون يحاتيها من الليل ليوم ثاني المغرب ويوم كلمت مافكر يعرف شفيها!!!!
لاهذا مو طلال انا اعرف طلال اكيد هو اللي مزعل نوف؟
//////////////////////////////////////////////
بعد نص الليل.
ليالي كانت تكلم في غرفتها تركي وهذا حالها من عرفته طول وقتها تلفون معه وماتقعد مع احد حتى البندري ووضحى صاروا يشتكون منها في الفترة الاخيرة
ليالي/وبعدين شسويتوا؟
تركي/عادي .كملنا الطريق لين وصلناالمهم انتي مالك نية اشوفك؟
ليالي/حبيبي انا اخاف.
تركي/كيف تخاف وانت معي؟
ليالي/تركي مفتقد فيصل اليوم؟
تركي/لاتضيعين السالفة؟
ليالي/لاتخاف انت ماراح تفكني من ها السالفة ولا راح تضيع!!!بس جاوبني انت مفتقد فيصل؟
تركي/اكيد كنا نلتقي كل ليلةبس احنا عارفين ان كل واحد بينشغل بعدين بعائلته
ليالي/والله ماني مصدقةان فيصل يحب العنود
تركي/خلي العنود اول تصدق بعدين انتي صدقي
ليالي/طيب ليه كذا الحب ماهو عيب علشان الواحد يخبيه
فيصل/لاتخافين اذا العنود شاطرة بتغيره وبتخليه يعترف لها بحبه
ليالي/ماظني.العنود طيوبة وعلى نياتها وراح تمشي ورى كلام فيصل بدون أي مناقشة
تركي/ماعلينا من فيصل والعنود وخلينا في تركي وليالي.
ليالي/ماابي ليالي مو حلو
تركي/تبين ليال؟
ليالي/أي هذا احلى.لانك تناديني فيه اكثر.
تركي/يقولون الليلة الجو حلو ياليل؟
ليالي/والله مدري عنه انا قاعدة بغرفتي ومدري عن العالم اللي بره
تركي/طيب انتي فتحي النافذة شوفي الجو صدق حلو لو يكذبون مو بس قاعدة بغرفتك ماتدرين؟
ليالي قامت وفتحت النافذة ووقفت شوي
ليالي/عادي الجو لاهو حلو ولاهم يحزنون وسكتت مرة وحدةسكتت لان عينها جت بعيون تركي اللي كان واقف قبال غرفتها بسيارته وابتسم يوم شاف انها انتبهت له
ليالي طبعا مازالت معه على الخط
ليالي/ياكثر مقالبك ياعمري؟
تركي/شسوي فيك اترجى اني اشوفك ماترضين قلت مالي الا اجي اوقف عند غرفتك كل ليلة لين ترضين اشوفك
ليالي/وش عرفك انها غرفتي.؟
تركي/لانها الوحيدة اللي فيها نور يعني الناس اللي فيها سهرانة وانتي قلتي كل البيت نايم
ليالي/خلاص انا بدخل لايشوفني احد؟
تركي/لا اوقفي مافي احد في الشارع واذا احد مر انا بقولك ادخلي.
ليالي/حبيب هاذي اخر مرة تسوي ها الحرركة زين؟
تركي/افا عليك بس من زمان وانا اسويها
ليالي/بذمتك؟
تركي/واللله.
ليالي/وانا توني مكتشفة.
تركي/هذا لان قلبك مو على قلبي لو كان قلبك على قلبي كان عرفتي اني تحت احتريك.
ليالي/يابعد طوايفي انت
/////////////////////////////////////////////////////////
فيصل /خلاص انا ماشي تبين شي
العنود/سلامتك
فيصل قام وطللعت معه لين الباب الخارجي.
فيصل مسك يدها كحركة وداعيةوابتسمت له
فيصل/شفيك؟
العنود/تبيني كذا اسلم عليك اذا جيت تطلع؟(قالتها وهي عيونها في يدهم اللي ماسكة بعض)فيصل/لا ابيك تودعيني كذاوباس جبينها.
العنود تعلقت فيه قبل لايطلع وهمست في اذنه.(فيصل ابيك كذا علطول ماابيك تتغير.وانتبه على نفسك وانت تسوق طيبوتصبح على الف خير)وابعدت عنه وناظرها قبل لايطلع نهائياوظل يفكر هي معقولة عرفت او حست انه يحبها!!!!لا مو معقول هو مو محسسها باالشي هذا كيف بتعرف اجل!!!!
////////////////////////////////////////////////
في اليوم الثاني
لؤلؤة تكلم نوف/لؤلؤة/كيفك اليوم؟
نوف/مش ولابد.
لؤلؤة/لا ماصرتي افضل.
نوف/ماني طايقة نفسي والمشكلة في ناس من معارف ابوي بيزورونا اليوم يباركون بملكة فيصل ومالي خلق اقابلهم حتى!!
لؤلؤة/يعني مابشوفك؟
نوف/مااتوقع.
لؤلؤة/طيب قولي شلي مزعلك من طلال؟
نوف/
لؤلؤة/نوف لازم تقولين لي احنا ماتعودنا نخش على بعض شي ياعمري.واجب اكون جنبك وصدقيني حتى اذا كان اخوي غلطان بلومه وماراح اوقف معه وانتي تعرفيني؟
نوف بالم /طلالطلال مايبيني يالؤلؤة؟
لؤلؤة/مايبيك؟لا نوف عاد قولي كلام ثاني
نوف بحسرة وحزن/صدقيني يالؤلؤة طلال قال لي انه مايبي يتزوجني؟
لؤلؤة/طلالطلال هو اللي قال ها الشيمستحيل طبعا ماراح اصدق اكيد في سوء فهم في الموضوع؟
نوف/مافي شي يالؤلؤة.
لؤلؤة/طيب هو ليش قال لك كذا
نوف/مدري
لؤلؤة/مايصير يقولها بدون أي اسباب وهو يموت على التراب اللي تمشين عليه؟
نوف/
لؤلؤة/في شي ناقص بالموضوع يانوف انا مااعرفه؟
نوف/لؤلؤة.
لؤلؤة/نعم,,,
نوف/وين صوري اللي عندك؟
لؤلؤة/صورك؟عندي مو جودين في مكتبي
نوف/قومي شوفيهم,,,,
لؤلؤة/اقوم اشوفهمليش عاد انا متاءكدة انهم في درج مكتبي؟
نوف/طيب علشاني
لؤلؤة قامت وراحت لعند الدرج وفتحته/وهذا علشانك فتحنا الدرج و.وفتحت الملزمة مالقت صور نوف ودق قلبها
رفعت راسها لقت طلال متسند على باب غرفتها وعنده الظرف وهو ياشر لها بيده
نوف/ليش سكتي ؟لانك ماشفتي الصور صح؟
لؤلؤة/نوفنوف صدقيني الصور كانوا هنا وانا متاكدة
نوف/الصور عند طلال يالؤلؤةالصور عند طلال
لؤلؤة/.
نوف/انا همي اكبر من اللي انتي فاكرته او متخيلته يالؤلؤة ؟
لؤلؤة من الربكة ماهي عارفة تتكلم حست انها هي وبدون قصد منها تسببت بمصيبة بينهم هم الاثنين !!!
نوف/ادري ماعندك شي تقولينه بس انا متاكدة انك بدون ذنب في السالفة وواثقة انك تحبيني وماتبين مضرتي.بس انا وطلال خسرنا بعض يالؤلؤة خلاص.حلم الطفولة والصبا كله راح بحركة سواها طلال وبكلام قاله وماادري شنو سببه!!!!!
لؤلة/نوف
نوف/بتركك اللحين بنزل اشوف امي وبعدين نتكلم في السالفة.باي.
اول ماسكرت نوف رفعت راسها لطلال اللي كان يناظرها وهو زعلان.
لؤلؤة/كيف وصلوك الصور ياطلال؟
طلال/
لؤلؤة/كيف؟
طلال*/لؤلؤة انا اسف .انا اخذتهم من غرفتك.
لؤلؤة/شسويت في نوف ياطلال؟
طلال/.
لؤلؤة/طلال هي تقول ان انت ماتبيها؟صحيح ها الكلام
طلال باندفاع وبنبرة صدق وحزن/لامو صحيح انا ابيها اكثر من روحي
لؤلة/طلالشسويت فيها
طلال/
لؤلؤة/انت فكرت تاءذي نوف ياطلال؟
طلال/صدقيني لا
لؤلؤة/نوف تقول ان انتوا خسرتوا بعض للابد ياطلال؟شمعناته؟
صار يردد كلمتها وهو مخنوق/خسرنا بعض للابد!!!!!مستحيل انا ابيها يالؤلؤة ابيها.كانت غلطة مني بس ماكنت قاصدها.
لؤلؤة/غلطةانت. طلال انت.
طلال/لؤلؤة انا مالمستها والله مالمستها.
لؤلؤة /مالمستها؟شصار بينكم اجل؟
طلال/لؤلؤة انا احبها؟
لؤلؤة/انا مو فاهمة شيليش زعلتها يوم انك تحبها؟
طلال/زعلتها لاني كنت متضايق علشانك يااختي
لؤلؤة بصدمة/علشاني انا ياطلال؟ليش
طلال/انا سمعت الكلام اللي قلتيه لسلطان وماتحملت انه يهينك بها الشكل فقمت !!!
لؤلؤة/تهين نوف وتذلها علشان انا وسلطان ماصار بينا توافق في مشاعرنا!!!!!!!!!!!!طلال هاذي نوف تعرف منهي نوف ياطلال
طلال/عارف يالؤلؤة عارف!!!!بس انا ماتحملت ذلك بها الطريقة يااختي.
لؤلؤة/انا وسلطان ومااتفقنا انتوا شكوا في الضية ياطلال
طلال/
لؤلؤة/انت ضيعتها بغبائك ياطلال ضيعتها!!!!!والله اني ماهقيتها منك ياخوي؟
طلال بانكسار وندم صادقين/لؤلؤة انا احبها وندماااان لاني صرت سخيف وحقير وتعاملت معها بالطريقة ذي؟مدري شلي خلاني افكر كذا واحسب اني برد اعتبار لك ولكرامتك يالؤلؤة؟
لؤلؤة/انا ماطلبت منك ترد كرامتي من احد ياطلال!!!!!!انا احبه وبظل احبه حتى لو ماالتفت العمر كله!!!!بس انت خسرتها تعرف شنو يعني خسرتها ياطلال
طلال/تكفين لاتقولين ها الحكي يالؤلؤة تكفين؟انا احبها وماابي شي في الدنيا غير سعادتها ورضاهاابيها تسامحني يالؤلؤة قولي لها تسامحني انا عارف اني غلطت وندمان واحلف لها بندمي لكن لاتتركني اعاني وتخلينا نفترق يالؤلؤة!!!!
لؤلؤة/انا مااوعدك ياخويبس انت قولي شصار بينكم؟
طلال/تنهد تنهيدة حزينة من قلبه.
لؤلؤة/انت تقول مالمستها بس انك اذيتها وزعلتها وجرحتها كيف ياطلال؟قولي علشان اقدر اساعدك مع نوف؟
////////////////////////////////////////////////////////
مضى اسبوع على زعل نوف وطلال وطلال كل يوم يحاول يكلمها ويرسل لها رسايل بدون فايدة ونوف كانت نفسيتها زفت على الاخر بس تحاول ماتبين ها الشي قدام احد
وليلة الخميس في بيت ابو فيصل كانوا متجمعين خالته وخواله علشان العنود بتجي تشوفهم وتتعرف عليهم ووصال رجعت من السفر.
كانوا قاعدين بالمجلس والعنود متضايقة حييل من قعدتهم وتبي تروح عند فيصل اللي مطنشها وطالع مع تركي لوين ماتدري؟
العنود/نوف.وين نانسي ماشفتها؟
نوف لفت بعيونها المجلس/غريبة وين بتكون؟
العنود/
نوف/بس عرفت وين القاها؟
وقامت من مكانها وطلعت للحديقة اللي من ورى البيت.ولقت نانسي واقفة مع سلطان وظلت تسمع كلامهم بدون مايحسون بوجودها.
سلطان/وش ها الثقل عليك
نانسي/قسمت لك ان جوالي انسرق وتركي للحين ماطلع لي غيره شتبيني اسوي بالله.ادق لك على البيت؟
سلطان/مو كذا بس من قبل ملكة فيصل وانا متلهف عليك وانتي مافكرتي حتى تطمنيني
نانسي/حبيبي صدقني مو بيدي.
سلطان/ماراح ارضى الا اذا وعدتيني بطلعة بكرة
نانسي/
سلطان/يهون عليك زعل سلطان
نانسي/الا زعل حياتي سلطان قلبي انا مقدر عليه!!!
سلطان بفرح/يعني بكرة بنطلع؟
نانسي/صار بس مانطول خبرك فيني اخاف!!!
سلطان/غلاي انتي واللهاذا كذا بخلي المفاْجاة اللي مسويها لك لبكرة؟
نانسي/الله حبيبي مسوي لي مفاجاة شني؟
سلطان/ماراح اقولها اللحين بكرة اذا صرنا لوحدنا نحتفل فيها ولا شرايك حياتي؟
**********************

**إلميآسـه** · 13-Dec-2012,11:50 PM

وهـــــذااا اخــر باااااارت

//////////////////////////////////////////////////////
سلطان/ماراح اقولها اللحين بكرة اذا صرنا لوحدنا نحتفل فيها ولا شرايك حياتي؟
نانسي/انت رايك كذا؟
سلطان/أي
نانسي/طيب وين نروح؟
سلطان/بكيفك؟
نانسي/خلاص اسمع نلتقي عند
كانت تسمعهم وهي نص شاردة ليش الدنيا كذا تاخذ من ناس علشان تعطي ناساه ياطلالليتك كنت اعقل من اللي سويته كان مافي وحدة بالدنيا بتعيش نص سعادتي!!!!!!!!!!!!!!!!!!!!

في بيت ابو وحيد ليالي كانت بتطلع مع السايق لصديقتها وقبل لاتركب التفت للسيارة الي موجودة عند بيتهم.
ليالي/هاذي سيارة تركي شموقفها عند بيتنا؟هو ماقال لي انه جاي بيتنا!!!!
ليالي تكلم السايق/محي الدين لمنو هاالسيارة؟
محي الدين/هذا بابا فيصل يجي مع صديقه
ليالي/فيصل؟لمنو جايين؟
كانه استغرب سؤالها بس مجبور يرد/لبابا اب وحيد.قاعد معه في المجلس.
ليالي دق قلبها تركي ماعطاها خبر انه ناوي يزور وليش جاي
ليالي/خلاص انا ماراح اروح دخل السيارة.ونزلت ودخلت البيت وراحت عند مجلس الرجال كان تلقط لها كم كلمة
***وداخل مجلس الرجال
فيصل/طبعا انت عارف تركي ولد خالتي ياعمي؟
ابو وحيد/كيف ماعرفه اعرفه واعرف عمامه والنعم فيه.الا ليش ابوك ماجا معك يافيصل؟
فيصل/هو مايدري ان احنا جاينك
ابو وحيد/اممم
تركي/عمي جايك بطلب وحبيت اخذ رايك واسمع شورك بعدين اجيب الاهل؟
ابو وحيد/خير ان شاءالله
تركي/انا طالب القرب منكابي بنتك ليالي على سنة اله ورسوله؟
ابو وحيد/.
فيصل/شفيك عمي؟
ابو وحيد/فيصل انت متاكد ان ابوك مايدري عن الموضوع؟
فيصل/.
ابو وحيد/اذا كان مدبرها ويبي يحرجني قدام الرجاجيل فقوله انه ماعرف يافيصل؟
فيصل/شنو يعني؟
ابو وحيد/والله اني بغيت اخدمك ياتركي بس ماعندنا بنات للزواج يمكن انك مغلط في البيت!!!!!!!!!!!!!!1
حست ان الدنيا تلف حواليها وماهي شايفة شي قدامها حطت يدها على فمها تكتم شهقتها وهي مو مستوعبة رد ابوها.تركي مابيكون زوجيلا يبى تكفى قول غير ها الحكي تكفى.انا مااعيش بدونه واللي يخليك
سمعت صوت تركي يقرب من الباب وكانههم بيطلعون.
ماتدري كيف قدرت تمشي رجلها لين الباب وتدخل داخل البيت

طلعوا كل اللي بالبيت وام فيصل قامت تحط راسها تنام ووصال ركبت لانها تعبانة من القعدة .
نوف/قومي نسهر فوق
العنود/تصدقين اني نعسانة؟
نوف/والمعنى
العنود/تهقين اذا رجعت البيت مع السايق بيتضايق فيصل
نوف/مايبلها كلام
العنود/أي بس هو من جابني المغرب مافكر يدق علي وكانه نسى وجودي مرة وحدة
نوف/قومي انتظريه في داره ترى هو اكيد على وصول لانه مايتاخر اكثر من كذا؟
العنود/اقعد بغرفته
نوف/وشفيها بالله مو زوجك؟
العنود/أي بس انا اخاف من فيصل؟
نوف/للحين تخافين منه؟
العنود/أي
نوف/انا لومنك مايجي الا انا نايمة بفراشه بعد!!!!
العنود/والله هذا اللي قاصر بعد؟
نوف/قومي سوي روحك ترتبيها تحشي باغراضه من هنا وهنا سوي اكشنات
العنود/لا انا اخاف يانوف
نوف/عنود انتي اللي لازم تتغيرين قبل لايتغير فيصل مايصير كل شي تخافين منه وكل شي مدري شلون
العنود/خلاص لاتقعدين تقلبيها مسخرة بقوم غرفته وامري لله بس بقوله نوفوا جابتني وقعدتني وانا ماادري انها دارك
///////////////////////////////////////////
في السيارة كانوا طول الطريق ساكتين ومايتكلمون لين وصلوا لبيت بو فيصلوقف تركي السيارة
فيصل/تركي
تركي ماتكلم بس رفع راسه لفيصل
فيصل/شفيك انت طول الطريق ماتكلمت بشي؟
تركي/تبيني اقولك شي.طيبانا احبها ومااستغني عن وجودها بحياتي وابوها مايبي يعطيني اياهاعجبتك السالفة يافيصل؟
فيصل/انت شفيك هو مورافضك انت بس يمكن مفكر ان ابوي ورى سالفة خطوبتكم ياتركي عشان كذا كبر راسه ورفض؟
تركي/في النهاية رفض!!!
فيصل/انا حبيت العنود وهي انكتبت لولد عمي ياتركي بس اصراري انها تكون لي جابها لعندي وصارت لي.اذا انت تبيها خلي رفضه لك هو منبع اصرارك عليها وتمسكك فيهاتصبح على خير
//////////////////////////////////////////////////
دخلت غرفته ولااول مرة في حياتها تدخل غرفة احد بدون استاءذان حست باحساس غريب وكانها داخلة بيت اشباحرغم فرش الغرفة اللي ينم عن ذوق غربي وكبر المكتبة اللي فيها والكتب اللي مافهمت لااي واحد فيهم بس حست انها مو متطمنة من دخلتها.
لفت انتباهها مكتبه والاب توب اللي عليه الظاهر انه كان يشتغل عليه قبل لايطلع مع تركي!!!
راحت لعند المكتب وقعدت على الكرسي وفتحت الاب توب وكانت الشاشة توقف وظلت تناظرها تبي تستوعب الصور الموجودة فيها؟
هذي صورها يوم كانت صغيرة صورة لها بيوم العيد وصورة لها ببدلة الروضة وصورة بمريول المدرسة وصورة وهي قاعدة من النوم وصورة تضحك وصورة تبكي وصورة لها مع فيصل وهو ياكلها وفي الثانية كان يمرجحها والثالثة كان مقعدها بحضنه وهي تبكي رفعت راسها ونزلته تبي تستوعب الموضوع.مستحيل يكونوا هاالصور عند فيصل من زمان لان كل صورهم القديمة عند خالتها ام وحيد وخالتها ماعمرها ورتهم الصور ذولا يعني ان الصور كانوا عند فيصل من زمان!!!!!!!!كانت تبي تلف بوجها عن الاب توب في أي مكان وماهي عارفة وين لقت مفاتيح فيصل على الطاولة جنب كمبيوتره وجنبه محفظته ماتدري كيف مدت يدها للمحفظة وفتحتهاهي موقصدها تشوف اذا كان فيها فلوس ولا أي شي بس كانت تبي تشيل بالها من الصور الموجودة تفاجات ان حتى محفظته حاط لها صورة اول ماكانت متخرجة من الابتدائي وكاتب عليها (ملاكي اللي قاعد يكبر)
سكرت محفظته ورجعتها مكانها معقول فيصل.يحبنيمن زمان؟
رجعت للاب توب من جديد وانتبهت ان على جنب الصور كان فيصل كاتب قصيدة حب وغزل في العنود تحكي معانته عن حبه لها من الصغر وعن براْتها وانها ماتدري كيف محيرته ومضيعة دربه بضحكتها ودلعها وكيف انه تغرب وماكان غيرها يعيش بفكره وخياله وانه مهما صار بالدنيا ماراح تسكن قلبه غير العنود شيخة البنات
هني تاْكدت انه مااصر عليها من فراغ فيصل يحبها بس مو قادر يصرح بحبه لها!!!!!ليه يافيصل هو الحب من متى كان عيب ولاحرام علشان يدارونه
كانت عيونها تقرا وتطالع باهتمام وماانتبهت على الاب توب وهو يتسكر بقوة لدرجة انها لو مالحقت على ايدها في اخر لحظة كانت بتروح فيها .رفعت راسها ولقت كل الشر بعيون فيصل اللي واقف قبالها!!!!!!!!!!!!!!!!!!!!!!!!!
فيصل بعصبية مالها اول ولاتالي/انتي كيف تسمحين لنفسك انك تفتحين اغراضي ها!!!!!!!!!
العنود بربكة/فيصل انا
فيصل وبنفس العصبية/انتي اصلا من سمح لك تدخلين غرفتي ؟
العنود/فيصل.
فيصل/انطقي ماابي اسمع منك حرف واحد!!!!
العنود/انا موقصدي اني اشوف اغراضك ولا افتح شي مايخصني بس ان.
فيصل/قلت لك ماابي اسمع صوتك طلعي برة؟
تجمعت الدموع بعيونها وقامت وهي متحاملة عليه وطلعت من غرفته وقعد وكل قهر الدنيا فيه ؟
هذي كيف تجراْت وشافته!!!!!!!!!ليش عرفت اني احبها ليش!!!!!!!!!!!!!!!!!شبتسوي اللحين؟صار يمسح على باب الاب توب مكان ماحطت يدها الناعمةويتنهد بحرقة.هو يحبها ويعشق ترابها بس مايبيها تعرف بها الشي ليه مايدري؟يمكن يحس ان اعترافه بالحب بيضعفه او بيقلل من هيبيته وقدره؟ويمكن انها اذا عرفت بحبه لها تصير شي ثاني غير الصورة اللي هو راسمها بخياله.مايدري ليه هو كان يفكر كذا ولا هو عارف ليه عاملها بذي الطريقة.هو كل همه انه يسعدها ويرضيها ويلاقيها مرتاحة وضحكتها عالية.بس في كل مرة يكون سبب تعاستها وزعلها بدون قصد منه
بعد عشر دقايق سمع دق على الباب اللي كان مفتوح اصلا ولقى نوف واقفة
نوف/ممكن ادخل؟
فيصل سكت وماتكلم
نوف دخلت وسكرت الباب وقعدت على الارض قبال فيصل
وسكتوا مدة طويلة وبالموت تجرا فيصل.
فيصل/.نامت؟
نوف/راحت بيتهم.
فيصل بعصبية/ومع منو ان شاءالله
نوف بجدية/السايق وصلها
فيصل غمض عيونه من القهر/كيف تطلع في ها الليل مع السايق !!!!
نوف/فيصل انت مزعل العنود؟
فيصل/هي قالت كذا؟
نوف/لا ماقالت بس انا استنتجت من شكلها اللي كان مبين انها تبكي؟
فيصل وكانه مو هو اللي زعلها صار يسال عنها بحنان/تبكي!!!عنود كانت تبكي
نوف/فيصل انت
فيصل/هي شقالت لك يوم جت لعندك؟
نوف/اه يافيصل.قالت انها تبيني اقعد السايق يوصلها لانك جاي تعبان وتبي ترتاح!!!بس اجابتها مااقنعتني وقلت اسالك لاني حسيت السالفة اكبر من كذا؟
فيصل/طيب كلميها شوفيها اوصلت البيت ولا لسه؟
نوف/فيصل لاتتهرب انت مزعلها؟
فيصل/حياتي ماحد له شغل فيها انا ومرتي واذا كان بينا ماكان ماحد بيدخل بينا؟
نوف/انت مو تحبها ليه تعاملها بذل وعصبية يافيصل؟
فيصل ولعت عيونه/من قال اني احيها ها!!!!
نوف/الحب عيب يافيصل ولا تقليل بكرامة الواحد وبرجولته!!!!!!
فيصل بعصبية/سالتك من قال لك اني احب العنودانا مااحبها
نوف/كذااب يافيصل؟
فيصل/طلعي برة!!!!!!!!!!!!
نوف/انا سمعتك باذني تكلم سعود اول ماكنت تبيها وقلت له انك تحبها وتعشقها وانك مستحيل تكمل حياتك بدونها!!!!انا مستغربة كيف تحبها وكيف جتك معجزة وقدرت تاخذها بعد ماتسمت لغيرك وتعاملها ها المعاملة يافيصل كيف؟
فيصل/وهي تدري اني احبها؟
نوف/انت ليش ماتبي تقول لها؟
فيصل/انتي قلتي لها ها الشي
نوف/وباي صفة اقول لها يافيصل!!!!!المفروض تسمعها منك انت؟
فيصل/نوف انا ماابيها تعرف طيب
نوف/ليه تعاملها كذا ليه
فيصل/انتهى النقاش .ومابي حتى غيرها يعرف.
نوف كانت تطالع فيه وهي راسمة صورة طلال في بالها وقامت تبكي
فيصل/ياحساسيتك يابنتاللحين انا والعنود انتي تبكين ليه بالله؟
نوف صارت تشاهق/انا خايفة عليك ياخوي لايضيع حبك مثل ماضاع حبي!!!!!
فيصل كان يناظرها وهو مستغرب اول مرة يشوف نوف تكسر الخاطر بالعادة دايما لسانها يسبقها وحيويتها ودلعها اليوم قاعدة على الارض وشعرها طايح باهمال وتبكي بحرارة انسان فاقد شي عزيز عليه!!!ياترى شسالفتك يانوف؟
قام من مكتبه وقعد على الارض قبالها ورفع راسها بيدينه
فيصل بحنية تهبل/نوفعلامك يابنت؟
نوف كانت تبكي ودموعها مبهدلة وجهها كله
فيصل/طلال.ضايقك بشيقولي وانا اعلمك فيه
نوف صارت تتكلم من بين شهقاتها/طلال.خلاص مافي طلال يافيصل مافي.
فيصل/كيف يعني مافي طلال.؟
نوف/احنا ماراح ناخذ بعض.حبنا راح يافيصل انتهى قبل لانعيشه وقبل لانقعد مع بعض ونصارح بعض.ياخوي انا ماابيك تخسرها في لحظة من اللحظات وتتحسف عليها بعدينصارحها قول لها انك ماتعيش بدونهاقول لها شقد تكون مخنوق اذا كانت بعيدة عنك قولها انك تحتاج وجوها معك بكل تفاصيل حياتهاقول لها انكانك تنتفس هواها حتى لوغلطتقول لها انها حب حياتك وصباك وعشقك.قول لها انها حتى على غلطها بتظل في عينك الافضل والاجمل والاحب الى قلبك وانك بتنسى وبتسامح اذا قلبك قدر قول لها ان الغلط منها صار يبكي الليل مع النهارقول لها ان دمع العين جف والقلب انطعن وماعدت اقوى على ها الحمل اكثر من كذاكانت تتكلم وتبكي وتقصد طلال بكلامها وفيصل فهم الشي وماغاب عن عينهبس ماحب يسالها شنو صار وهي في ها الحالة.
نوف وهي بعدها تبكي ومايبان صوتها واضح من كثر الشهقات/انا حبيته ياخويوظليت طول عمري رافعة راسي عليه وصادته.شفت من صدمة عمري يوم رخيت معهمدري ليه وعلشان شنو ولا أي شي.كل اللي اعرفه انه للحين يبيني واني مو قادرة اسامحه لانه ذلني وموقادرة اتخيل اني مااخذه وانا اللي كنت احلم تعدي ها السنة من عمري ويجيني ياخذني لبيته واعيش انا معه تحت سقف واحد وفي غرفة وحدة واصير اميرته ويصير يدلعني.فيصل الله يلعن ابو الحب ياخوي
ضمها فيصل لصدره وهو متشوفق عليها.يمكن لان عارف مدى علاقة نوف بطلال وعارف شقد ها البنت عزيزة بس ليش طلال ذلها وتغير عليها.هي تقول كانت صادته طول الوقت ويوم رخت معه ياترى يافيصل بتكون كذا مع العنود اذا جيت تصارحها بتقتلك؟
/////////////////////////////////////////////
ماقدرت تنام ليلتها ابدا كانت تتقلب في فراشها طول الوقت وصورها اللي في جهازه ومحفظته راسخين في مخيلتها والقصيدة واشعار الحب,,,,ونظرات فيصل النارية,,,,كلها ملخبطة لها تفكيرها.وكلام هند يوم دقت عليها وقالت لها (يالعنود هذا شكله ضايع فيك من زمان لاتضيعينهانا صدق اكره بعض المواقف منه بس يوم انك عرفتي بحبه لك حاولي تميلينه لجهتك وتخلينه مايشوف غيرك وتحسسينه انتي بالحب علشان هو يعترف لك فيهلاتنتظرين من فيصل المبادرة انتي بادري فيها بالاول)
كيف ابادر بس,,,فيصل ملخبطني معه طول الوقتساعة حنون وساعة رايق وساعة الله العالم شقد تكون قساوته!!!!!
طيب اذا هو يحبني ليه ماقال لي من اول ماخطبني علشان لاارفضه واقسي عليه؟انا ساعات ماافهم تصرفاتك يافيصل
///////////////////////////////////////////////////

**إلميآسـه** · 13-Dec-2012,11:51 PM

///////////////////////////////////////////////////
في اليوم الثاني
كانت ليالي سهرانة طول الليل وماجاها نوم من سالفة تركي وقفلت جوالها علشان لاتكلمه وتزيد عليها الحالة.
نزلت من الدرج ولقت ابوها قاعد مع هند ووحيد ويتكلم معهم عن سالفة تركي.ووقفت تسمعهم قبل لاتنزل,,
وحيد/أي بس ليه رفضته يبى؟
ابو وحيد/انت كنت تبيني اوافق؟
هند/كان المفروض تسال ليالي عن رايها يمكن هي بتوافق؟
ابو وحيد/انا مو موافق كيف اقول لها تعالي فكري في واحد انا مو موافق عليه ياهند وماابيه!!!!!!!!
ليالي نزلوا دموعها مثل الشلال وحطت يدها على فمها تمنع شهقاتها وتسندت على الدرج وكتمت كلامها في قلبها(انا ابيه يبى ابيه.يبى انت بتاخذ روحي اذا فرقتني عن تركي!!!!)
/////////////////////////////////////////
في بيت ال معمر
البندري/كيف كانت سهرة البارحة.
العنود/مملة نوعا ما؟
البندري بهمس لايسمعهم الوليد اللي كان يلعب بجواله/يعني مافي شي من هنا ولا من هنا؟
العنود/ياسخفك لا طبعا!!!!
البندري/شدعوة اول ليلتين ماقصر باظهار رومنسته وتفننه في انه يحضنك ليه عاد البارح مسوي نفسه ثقيل؟
العنود/اصلا كان طول الوقت مع تركي!!!
البندري/بدينا نغار ياعمري!!!!!كله تبينا قاعد بحضنك ومايقوم؟
العنود استحت/بندورة شها الكلام!!!!!عيب؟
البندري/وشو اللي عيب انتي بعد؟قولي له ها الكلام مو تقولينه لي.نظراته من تمشين لو تقومين حشى مو نظرات تقولين في حياته ماشاف بنت حلوة!!!!!!!!!!!
الوليد/رفعوا صوتكم مااسمع!!!!!!
العنود/سلامتك بس بندورة عندها سوالف بطالية.
الوليد/وين امي وجويزي؟
الوليد/رايحين بيت عمي
البندري/ليه
الوليد/مدري الظاهر ساروا بنت عمكم تعبانة لو متكسرة والله مافهمت السالفة عدل
البندري/وليد عفية قوم ودني لهم.
الوليد/بس تعطيني فلوس البنزين
العنود/ياحسرة انت وين تروح علشان تصرف لك بنزين يتراولي بس على مشاويرنا
البندري/دقايق ونازلة طيب.
الوليد/انا بالسيارة.
العنود/اوووف بظل بروحي.
الوليد/عندك دراكولا بكبره دقي عليه سولفي معه اليوم ماعنده دوام!!!
العنود بلوم/فيصل بزعل منك اذا عدتها!!!
الوليد بزعل/انا الوليد مو فيصل لو من اللحين اخذ التفكير كله بعد!!!!!!وطلع من البيت وهي قامت غرفتها
//////////////////////////////////////////
في بيت ابو فيصل.
كان سلطان بيطلع
نوف/سلطان.ممكن لحظة؟
سلطان/خير؟
نوف/ابي اقولك شي واتمنى ماتقاطعني وتسمعني لانك بتتاكد بنفسك؟
سلطان بضيق/شفيه بعد؟
نوف/نانسي تعرف غيرك يعني مو انت الوحيد بحياتها؟
سلطان/انتي ليه تكرهيتها؟
نوف/انا مااكرها انا ادور سعادتك انت!!!
سلطان/اه عرفت ليه علشان لؤلؤة مو
نوف/لو تبقى اخر رجال بالعالم ماعطيتك لؤلؤة لانك ماتستاهلها!!!!!بس انا بعطيك رقم واتاكد منه اذا تبي واذا ماتبي خله عندك بجهازك يمكن ينفعك في يوم من الايام
//////////////////////////////////////////////
كان فيصل معزم انه يروح ويراضيها بعدها البارحة زعلانةبس ماراح يعترف بحبه بيخلي الامور تمشي عادي.
كان وده ياخذ معه بوكيه ورد بس الساعة ثنتين وكل المحلات مسكرة.يالله ياخذها يغذيها برة ويغيرون جومافكر انه يتصل فيها قال امرها مرة وحدة في البيت.
وقف سيارته وكانت فيه سيارة ماهي غريبة عليه واقفة وكان فيه واحد واقف عند الباب مايدري اذا كان طالع لو داخل لو ينتظر احد؟
نزل من سيارته وتقدم عند الباب ومشى الشخص اللي كان واقف وصاروا قبال بعض
فيصل بدهشة/محمد!!!!!!!!!
محمد/أي محمد.ليه حلال عليك تدخل بيت عمتي وانا حرام علي
فيصل سفه ومارد عليه/
محمد/شلونها؟
فيصل بعصبية/اذا جبت طاريها مرة ثانية تشهد على عمرك اول
محمد/هذي الغالية يافيصلابيك تحطها في عيونك وتسكر عليها.لاتزعلها ولاتعاندها ولاتضيق خلقها بكلمة وحدة!!!!!!
فيصل انفتحت عيونه على الاخر وشال النظارة من على عيونه/انت شقاعد تقول؟تبيني اذبحك؟
محمد/اه يالعنود ياحب مانكتب له يعيشهذي حبيبتي يافيصل فاهم شنو يعني حبيبتي.ياما ضحكنا وسولفنا وضميتها وضمتني وبستها وباستني .اه.انت كيف تاخذ ملك غيرك يافيصل كيف
جاه كف من فيصل فيه كل غضب الدنيا.
فيصل وكل شياطين العالم تتناقز قدامه/امش من هنا لاقسم بالله جنازتك بتنحمل من عند ها العتبة يامحمد!!!!
محمد كان حاط يده على خده من حرارة الكف اللي جاه/بظل احبها وبتظل تحبني انا بروحي وبتكرهك لو شسويت لها؟
ومشى.وفيصل بركان ثاير مابيخمد الا اذا سنعها ذيك الكلبة بعد!!!
دخل البيت بدون لااحم ولادستور
ملقى غير الخدامة واقفة,,,
فيصل/وين
الخدامة/مافي احد في اليت كلو يطلع
فيصل/وطلعت بعد بدون ماتعطيني خبر
الخدامة/لاماما عنود فوق في غرفتها
فيصل سمع ان البيت مافي احد وانها بغرفتها ومحمد كان هنا خلاصدوروه ماتلاقوه!!!!!!!!ركب اعصار لها غرفتها وفتح الباب بدون لااحم ولادستور
وفزت من سريرها.
كانت ماسكة صورة تطالع فيها ويوم شافت فيصل قدامها بشكله اللي يخوف خافت وضمت الصورة لصدرها
فيصل بعصبية وصراخ/لا واللهوضامة لي صورته لصدرك بعد!!!!!انتي ماتستحين على وجهك ابدا؟
العنود/فيصل انا ما دري عن
فيصل/اسكتي.ماابي اسمع حسك.
//////////////////////////////////////////////
في بيت العامري/طلال/كلمتيها؟
لؤلؤة/وليش ماكلمها صداقتي معها ماراح ياثر عليها اللي سويته؟
طلال/هي قالت لك؟
لؤلؤة/طلال تتصور لو ان سلطان كان سوى لي ها الحركة شبتكون ردة فعلك ياخوي؟
طلال/ادري اني غلطان يانوف بس وقسم انا احبها
لؤلؤة/.اهشسوي لك ياطلال.هي تقول ماتبيك ولاتبي غيرك خلاص!!!
طلال/قولي لها طلاليعتذر منك
لؤلؤة/قلت لها
طلال/شقالت
لؤلؤة/تقول الله يسامحه والله اني ماتوقعت انه يصدمني بها الحركة اللي سواها!!!
طلال/ورى ماقلتي لها انه ندمان!!!!
لؤلؤة/قلت لها ياخوي قلت؟
طلال/كلميها ابي اسمع صوتها؟
لؤلؤة/طلال
طلال/الله يخليك.
لؤلؤة حست ان ها الاسبوع اللي مر على طلال كان عذاااااااااب بالنسبة له ووكسر خاطرها صدق اخذت الجوال ودقت على نوف وحطته سبيكر.
نوف بمرح /هلا وغلا
لؤلؤة/اوه ه ه النفسية عسل اليوم؟
نوف/ان شاءاللهقاعدة ارسم لشي يالؤلؤة اذا صار برتاح كثير
لؤلؤة/عسى بس مو تفجير ولاشي؟
نوف/هههه شايفتني ارهابيةوبعدين اول مابفجر بفجر في بيتكم لان اليوم الخميس وحضرة جنابه شرف من الشرقية البارح!!!!
طلال وقف قلبه(تبي تفجر في البيت علشان هو فيه!!!!)
لؤلؤة/نوف.طلال تعبان؟
نوف سوت روحها مو مبالية وماسالت شفيه!!!!
لؤلؤة/اهمن رجع امس وهو في غرفته وماطلع منها حتى مو قادر يوقف على رجله !!!!
نوف بخوف/شفيه!!!!!!
لؤلؤة حست انها بادرة طيبة/اهالمشكلة مافي غيري وغير خالد في البيت وخالد حاول معه يوديه المستشفى وهو معيي يقول مايبي يروح ,,يقول لانه عارف انه مجرد ارهاق من العمل وبس!!!!
نوف/ش ارهاقه؟
لؤلؤة/انتي تعرفين انه كان تعبان طول الاسبوع وماياكل ولاينام .
نوف بدت تبكي/لؤلؤة لاتتركينه قومي لحي عليه خليه يروح المستشفى لايتهور ترى التعب اذا تراكم مايرحم!!!
لؤلؤة/قلت له تدرين شقال لي.تعبي مابيروح الا اذذا رضت عني وسامحتني
نوف/كانت تبكي وطلال صار يبكي معها.
نوف/هو اللي ذلني يالؤلؤة هو اللي بدى بها الشيوفي النهاية علشان يرد كرامتك من سلطان يعني انا مالي شغل بالسالفة نهائيا!!!!على بالك اني ماافكر في السالفة يالؤلؤة انا حبيته لالالاانا احبه وبعدني احبهطلال حلم حياتيبس هو اللي قام وهدم الحلم بيدهشسوي فيه اذا كان بايعني لتهوره!!!!!
لؤلؤة/نوف هدي توك كنتي رايقة لاتقلبينها بكي ونوح
نوف/قومي شوفيهقولي له تقولك نوف بنت ابوها انها بعددها بعزة نفسها وانها طالعة لاابوها اذا دخلت مكان كل الناس يوقفون لها وان حركتك البايخة مااثرت في كرامتها وانها نستها اصلا وعليك الباقي!!!!!!!
////////////////////////////////////////////////
العنود/فيصل خلني اشرح لك
فيصل /ماابيك تشرحين لي شي؟
سحب الصور من حضنها وطالعها وقام يطالع بالعنود الي قامت تبكي بشكل هستيري.
فيصل وقف مكانه وماعرف شيسوي.
كانت العنود حاضنة صورة ابوها الله يرحمه.
العنود بشهقاتها/انت مجنون اذا كنت تفكر في اني بعدني افكر في محمد!!!!!انت مو واثق حتى من نفسك يافيصل!!!انا كنت اقول لاابوي اني مو زعلانةانه مات وتركني لان الله عوضني فيك يافيصل انت اللي بتكون لي ابو من جديد!!!كنت اقول لاابوي ان فيصل بيحبني وبيحميني ومايحتاج تخاف علي!!!!بس طلع فيصلطلع فيصل
انهارت على سريرها وكملت بكيها.
فيصل لهنا وماقدر اخذ بعضه وطلع من البيت بكبره!!!!!
//////////////////////////////////////////////////////
الليل وفي المكان اللي تواعدوا فيه نانسي سلطان
سلطان/هلا وغلا.
نانسي/هلا فيك ياروحي.
سلطان/وحشتيني مووت؟
نانسي/مداك من البارح!!!
سلطان/انتي اصلا كل لحظة توحشيني؟
نانسي/وليه تخلين اوحشك!!!
سلطان/مو هني المفاجاْة
نانسي/شنو
سلطان/خلني اجيبلك اول شي تشربينه.
نانسي/بس مو تتاخر علي
سلطان/برق وانا عندك
مشى سلطان وبعدها نانسي حست بحركة من وراها لفت لقت محمد واقف وراها!!!
نانسي بصدمة/محمد!!!!!!!!!!
محمد بشماتة/هلا وغلامو على اساس اني دقيت عليك اليوم تطلعين معي قلتيلي مشغولة وبيجوني بنات!!!!
نانسي/محمد اله يخليك امشي من هنا انا جاية مع اخوي!!!
محمد/تمام خليني اتعرف على اخوك
نانسي/محمد امشي من هنا الله يخليك بنتفاهم بعدين
محمد/على شنو نتفاهم.
نانسي/امشي وانا بدق عليك بعدين انت بس امشي لايشوفك اخوي ويذبحني
في ها اللحظة دق جوال محمد
نانسي/روحي ولي دق هناك قبل لايجي اخوي!!!
محمد رفع راسه لها
محمد/نانسي هذا جوالك
نانسي انصدمت/شنوبس لاتكون وحدة من البنات كانت ماخذته وواللحين تدق على الارقام اللي فيه؟لاتردامشي يالله
محمد رجع دق له رقم ثاني
نانسي/لاترد,,
محمد/انتي علامك كل اللي بيدقون علي ماخذين لرقم من جوالك!!!ورفعها وهي اعصابها تلفانة خايفة يجي سلطان باي لحظة
محمد/الو.الو.الو.ماترد
سلطان من ورى نانسي/انا بس كنت ابي اتاكد ان الرقم نفسه!!!!!!!!!!
صوته من وراها جمدها وماقدرت تلف عليه من البداية لفت لقته ماسك جوالها بيد وفي اليد الثانية جوله اللي دق منه على محمد.
نانسي/انت فاهم
سلطان مد لها الجوال/تفضلي جوالك
نانسي/سلطان.
جاها كف من سلطان ماتوقعته
سلطان/تف عليك ياحقيرة يانذلة ياسافلة!!!!!
نانسي/سلطان استنى افهم شسالفة اول انا مااعرفه ولالي علاقة؟
سلطان طنشها وكلم محمد/حلال عليك انا مو اخوها ولا خطيبها ولا لي علاقة فيها!!!انا كنت مخدوع من البداية
مشى بكبرياء عيال بو فيصل ولااول مرة في حياته بس بعد شنو بعد ماحس بالاهانة!!!!!!(طبعا نوف كانت متصلة على محمد علشان يقابل نانسي الليلة ويحرجها قدام سلطان يعني الحركة كلها كانت من تد بير نوف!!!)
/////////////////////////////////////////////