الموضوع: رواية هجير قلبي عندك أسير

في بيت امــل
أمل : جلست حزينه وندمت على كلامها لاخوها يارب ليش جرحته بس انا بغيت احطه عند الامر الواقع ابغاه يشوف غلطه يارب احفظه اعرفه ان عصب اسرع بالسياقه ياربي قلبي واكلني حاسه اخوي فيه شي قلبي متعبني مومرتاح ابد عليه جلست ترد مسكر ارسلت له كم رساله
(((تركي ياخوي اسفه طلبتك ان د خلت البيت طمني ولو برساله اسفه حقك علي )))
حطت جوالها بضيق واستغفرت ربها وحطت راسها بين ايدينها وهموم الدنيا فوق راسها اخو زعلان منها وزوج لاهي بسفرياته بس سمعت صوت استغربت عيالها نايمين وشوي تدقق بالصوت الا يقرب ناظرت الساعه قريبه من 12 خافت ومسكت جوالها دقت على اخوها لسه مسكر تأكدت انه حرامي لانها نست الباب مفتوح بعد ماطلع تركي لهت بسالفته ونست تقفل بابهم تبي تقوم ماقدرت جلست تقرا وردها وتناجي ربها وتقرا المعوذات وتدعي ربها باعمالها الصالحة ان يحفظها هي وعيالها حاولت تتماسك بس صوت الخطوات تقرب منها قامت الا تشوف شخص قدامهاشهقت من الخوف وفتحت فمها ماقدرت حتى تتكلم
**************************
في الــمــانـيـا
في مستشفى بالمانيا دقة ساعة الصفر وبدات عملية طلال
الدكتور : جاهز طلال
طلال: بلع ريقه ايوه
الدكتور:تعرف ان نسبة نجاحها خمسين بالمية ووان مانجحت يمكن يجيك موت دماغي
طلال: تردد وخاف وسكت مارد
الدكتور الثاني: ترا ان مابغيت نقدر نلغيها الحين لسه انت بالخيار
طلال: غمض عيونه وتذكر هجير يبغى يشوفها يتمنى من كل قلبها عيونه تتمتع بشوفتها لو كانت اقبح بنت بالعالم بس بعيونه اجمل بنت تخيل ضحكتها همسها قال استعنت بالله راح اسويها
الدكتور: متأكد
طلال: ايوه ايماني بري قوي ومتأكد ماراح يخليني
استشاري البنج: قرب من طلال ووبنجه وانتظرو الاطباء استجابة طلال للبنج
طلال:وهويستجيب للبنج بدا يهذي احبك هجير وكانت اخر كلمة له قبل يغيب عن الوعي
حنين: تروح وتجي عند باب العمليه خايف ومتوتره على اخوها
نوره: جالسه بالفندق مع رنا ومنبهه حنين ان فاق اخوكي ناديني
رنا:خالتي كيف قدرتي تمنعي الزفته من السفر
نوره: وهي تناظر اظافيرها بسيطه عقدت خروج جوازها وبس تعرفي الواسطات ماتقصر
رنا: وبعدين ايش راح يصير
نوره: سكتت شوي والتفت لرنا لازم طلال مايشوف هجير بااي طريقه وانا راسمه خطه ببالي انا ابجلس مع طلال اول مايفوق كلها يومين وراجعه بكل طريقه راح امنعها تكلمه وانتي عليك الباقي
رنا: قالت بحزن بس تعرفي ان طلال مصدوم مني وماتوقع راح يتقبلني بحياته خصوصا ان حنين ماكدة لي انه يحب هجير وكل هالكلام ان فاق من البنج تعرفي عمليته خطيرة ونسبة نجاحها خمسين بالمية
نوره: وانتي مصدقه حبه للصعلوكه طلال مر بمرحلة ضعف ومرض واحساسه بالوهن والنقص وتخليك عنه خلاه يالجا لعقرب استغلت الفرصه وتقربت منه ومسالة قومته ان متأكدة من نجاح عمليته
رنا: الله يقومه بالسلامة بس تتوقعي ياخاله راح يتقبلني بحياته وهو مصدوم مني
نوره:كيدنا يالحريم موبسيط وانتي زي العقربه ماستغلت فرصة بعدك عنه انتي استغلي فرصة تخلي هجير عنه
رنا: ومن قال كان هجير راح تبعد عنه تمسكت فيه وهو عميان ماراح تتخلى عنه بعد مارجع له بصره
نوره: احنا مانسبق الاحداث خلينا ننتظر حتى ياكد لنا الدكتور نجاح العمليه بعدين اطرد العقرب من حياتنا وترجع لزبالاته الي جبتها منه وتحمد ربها انها عاشت ست شهور ببيت عز
*******************
في غرفة هجير
هجير: ماخلت الصلاة وتلح على ربها وتدعي ان ربي يشفيه وتنجح عمليته جلست على الاريكه وتدق بس اتسغربت ان جواله مقفل طبعا حنين ماخذت جوالها مطلعه جوال ثاني لسفرها وهي ماكده على حنين تدق عليها خافت مره ياربي الحين له ست ساعات ولاحس ولاخبر قامت ودارت شوي وهي قلقانه كل شوي تقوم وتجلس وتناظر بالساعة رفعت عيونها للسماءيارب احفظ لي طلال يارب مالي بالدنيا غيره دقت على جوال طلال مسكر دقت ثانيه وثالثه قالت ياربي ايش هالحاله متى راح ارتاح فكرت ايش تسوي ومين تسأل قالت مافيه الا هشام هنا والا الكل مسافر واكيد هشام يعرف ناظرت بالتلفون قالت لازم اتصل على مديرة اليت واخليها تسالي هشام عنهم خلاص قلبي ماعاد يتحمل ترد لانها تعرف غيرة طلال من هشام ونزلت السماعه بس قالت انا ماراح اكلمه هو انا أبسال مديرة البيت جولين وهي تساله عنهم استعانت بربها ودقت الرقم
جولين: هلووو
هجير: بتردد اهلين جولين
جولين: من معاي
هجير: انا هجير
جولين: اهلين مس هجير
هجير: هلافيك
جولين: أي خدمة مس هجير
هجير: قالت بتردد تسلمي بس ممكن تسالين مستر هشام فيه خبر عن مستر طلال وعلمليته اولا
جولين: دقايق احوله المكالمه
هجير: خافت وارتبكت لا جولين انتي اسأليه انتي وردي علي لو سمحتي
جولين: اوك دقايق وارد عليك
هجير: سكرت الخط وانتظرت وكأن الخمس دقايق خمس ساعات خوفها على طلال احرقها شوي الا يدق تلفونهاوهي كانت تروح وتجي بغرفتها ركضت للسماعه وقالت اهلين جولين بشريني بس تفاجات انه موجولين الي تكلمها صوت ثاآآآآآآآآآآني
*
*
*
انتهى الجزا
تركي هل ربي استجاب دعوة راكان وطلال عليه ومات وريح حنين ؟
حنين لو يموت طلال راح تفرح او تحزن ؟
طلال هل راح يفوق من عمليته او آخر كلمة له بالدنيا اح ـــــــــــبــ هجيرــــــــك ؟
هجير لو مات طلال هل راح يحل مكانه بقلبها هشام او بطل ثاني لسه ماعرفناه وهل راح تنسى حب وحنان طلال؟
لو مامات طلال وفاق من عمليته هل راح يظل يحب هجير او يكون طلال جديد؟
كل هالاسالة راح نعرف اجابتها بالجزأ التاسع عشر بعون الله
انتظر توقعاتكم على احر من الجمر نفس حرارة انتظاركم الجزأالجديد او اكثر
لاحرمني الله منكم ومشكور كل من قرا روايتي وشاركني فيها
دمتم لي بود
فائدة :
( للعبد بين يدي ربه موقفان )
للعبد بين يدي الله موقفان : موقفٌ بين يديه في الصلاة ، وموقفٌ بين يديه يوم لقائه . فمن قام بحق الموقف الأول ، هون عليه الموقف الآخر ، ومن استهان بهذا الموقف ولم يوفه حقه ، شُدد عليه ذلك الموقف .
تقبلو خالص تحياتي اختكم همس ((امي روحي ))[

الــــ ج ـــــزا الـــتـــاســـع عـــشـــر ((19))
في مكتب هشام
هشام: كان جالس في مكتبه يكمل اعمال عنده
جولين:مستر هشام مس هجير تسال عن مستر طلال تقول كلموك اولا
هشام: انشرح صدره يوم سمع اسم هجير بس ماحاول يوضح خاف ان جولين تشك فيه وتبلغ نوره قال ببرود مصطنع خلاص انا راح ارد عليها
جولين: اوك وطلعت وسكرت الباب
هشام:تردد يتصل اولا بس شوقه ولفهته اجبروه يتصل خصوصا انه انحرم من شوفتها من يوم ماسكنت هي وطلال بفلة مستقلة
هجير: سكرت الخط وانتظرت وكأن الخمس دقايق خمس ساعات خوفها على طلال احرقها شوي الا يدق تلفونهاوهي كانت تروح وتجي بغرفتها ركضت للسماعه وقالت اهلين جولين بشريني بس تفاجات انه موجولين الا تكلمها صوت ثاآآآآآآآآآآني
هشام: بصوت فخم وحازم السلام عليكم
هجير:دارت الدنيا فيهاوحست برعشه وخوف سكتت ماردت
هشام: متاكد انها معاه لانه يسمع صوت اضطراب انفاسها رد السلام عليكم
هجير: بصوت هاديء مضطرب وعليكم السلام
هشام: زادت دقات قلبه وارتفعت حرارة جسمه مع ان هشام صعب يحرك مشاعره أي شي او أي بنت لو كانت ملكة جمال الا هي فقط هي الي تسطيع ان تحرك جميع مشاعره كم احب هذا الصوت كم عشقه انتبه لنفسه حياك الله هجير
هجير:انقهرت من جراته وتظنه وقاحه ان ينطق اسمها بكل شغف ووله لانها حسته من لهجته ردت ام فهد لو سمحت
هشام: ابتسم ابتسامه جذابه واعجب بادبها واخلاصها ووفائها لزوجها قال حياك الله يا ام فهد
هجير: حبت تختصر مكالمته الي حستها طويله وممله ومالها أي قيمه ولامعنى وسخيفه وحست كانها تخون حبيها وزوجها طلال ردت بكل صرامه فيه خبر عن زوجي طلال لو سمحت وكانها بكلمة زوجي تنبه هشام انها متزوجه وعليه ان يلزم حدوده معها
هشام: رفع حاجب وابتسم ابتسامه اكبر من الاخرى قال بقلبه هذه الصغيره الذكيه تريد ان تختصر مكالمتي ولاتعرف كم تمتعني وانا اسمع صوتها الناعم الي حاولت جاهده ان تخشنه بدون جدوى لانه يظل ناعم وحنون رد عليها الحمد لله بخير دقيت على نورة وطمنتني عنه
هجير: نست نفسها وقالت بقلق ووله على طلال يعني طلال صحى من العمليه وعلمليته نجحت اولا
هشام:فرح انها نست نفسها معاه قال الحمد لله ابشرك انه بخير
هجير: خنقتها العبره ليش مادق عليها هو مواعدها ليه يخلف وعده طيب خالتي اقدر ادق عليها
هشام: الصراحه كانت مسكره جوالها ودقيت على جوال حنين بعد ماخذته وماعرف جوالها الثاني بس الحمدلله تذكرت ان رنا معاهم دقيت عليها وردت علي
هجير: صعقها بخبره اطلق رصاصه بقلبها الصغير المرهف والمتعب من الاوجاع وقساوة الحياة رنا معاهم معقوله ان طلال خلاص نجحت عمليته واستغنى عنها ورجع لرنا انا هنا ورنا تكون حوله
هشام: هجير انتي معاي
هجير: تبلع عبرتها الي وقفت بحلقها ونست ومانتبهت انه يناديها باسمها قالت مشكور ماقصرت مع السلامه
هشام: حس بصوتها تغير حس بحزنها تمنى انها تشتكي له تمنى يجلس ساعات معاها وتفضفض الي في قلبها بس عرف انها راح ترفض قالهاالله يسلمك وانتبهي لنفسك هجير واي خدمة انا موجود دقي على جوال وان بغيتي اعطيك اياه انا حاضر
هجير:ماردت عليه الا بكلمة مشكور وسكرت السماعه
هشام: يناظر السماعه وتنهد الى متى ابظل بعيد عنك متى ربي يحلها واقرب منك متى اكون الحضن الي ترتمين فيه هجير ااااااااااه قدامي وماقدر اقرب منها قريبه ومبعدينها عني مسك شعره الى متى اظل بالعذاب هذا متى القى جراة اصارحهم متى اقولهم كل شي بقلبي الى متى ياهشام تكون خواف وجبان من نورة ووتخليها تتحكم فيك ببمرة الثانية الى متى تسكت وخليها تقودك كانك خروف مالك راي ولامشاعر
هجير: سكرت السماعه ونزلت دموعها بغزارة لعلها تطفي لهيب قلبها ليه طلال ماتصلت فيني كم جلست انتظرك حتى نومي ماتهنيت فيه وانت ماوصيتهم يكلموني حنين مستحيل توصيها وتتركني انت صحيت ليه ماخذت جوالك ودقيت علي مو تقول انا احبك ومامل من صوتك ليه طلال معقولة خلاص رجع لك شوفك وتركتني معقولة نسيت حبي لك وحبك لي معقولة تنسى الايام الي بيننا
*************************
في المانيا
طلال: قام من العمليه وهو فرحان لان الدكتور بشره بنجاحها بس فرحته ناقصه لان حبيته مو جنبه زوجته ما سمع صوتها ماكان ينتبه لكلام حنين وفرحتها فيه ولا سواليف رنا ونورة فوق راسه لف جهة حنين قال دقيتو على هجير تطمنونها
نورة: سمعته اقطعت كلام رنا قالت بكل ثقه دقيت الف مرة على جوالها ماترد قلت لجولين تعلمها بس فاجاتني انها تقولي جولين انها قالت لها وان هجير سكرت منها ودقت تطلب تكلم هشام وهشام كلمها
طلال: عصب وبغى يجلس بكل عصيته بس حنين مسكته
حنين: تناظر بأمها بعتب ليه تألم وتجرح أخوها وهو توه صاحي من العمليه وتعبان حيل ومايصلح له أي عصبية الدكتور محذرهم
طلال: وايش تبغى بالعفن زوجك
نورة: اهي عفنه وماتستحي تكلمه وتخون زوجها مو هو المفروض انها تدق عليك جوالك مافيه ولا مكالمة منها ليه ماهتمت ليه ماسالت وانا قبل ماطلع معطيتها رقمك الثاني
طلال: ورقمي الاول وينه
نورة: بكل ثقه وحبكه لخطتها ماقالت لك حنين اننا انشغلنا يوم عمليتك وانسرق بس جبت لك جوالك الثاني وماقصرت عطيت جولين تعطيه الزفته زوجتك بس الظاهر بنات الفقر ماعندهن شيمه ولا اخلاص لرجالهم اول مايطيح واحد تخيط خيوطها على الثاني زي العنكبوت لان نسبة نجاح عمليتك خمسين بالمية ظنيتك رحت فيها راحت تخطط لهشام
طلال: كأن أمه تطعنه بسكاكين وكان يمسك مفرشه بكل قوته
رنا: بكل نعومه خلونا من هالسيره أهم شي طلولي قام بالسلامه ويومين وهو فاك الشاش ويشوف الي حوله
طلال: بعصبية مابغى أشوف احد اطلعوا وخلوني لحالي مابغى اسمع أي كلام لأحد
حنين: ناظرت بأمها بعتب وطلعت
نورة: تخفي ابتسامة خبث وانتصار الشر على الحق تخاف حنين تلاحظ وتعلم اخوها وطلعت معاها
رنا: حاسه الدنيا مو واسعتها من الفرح
حنين: عجبك ماما كذا نكدتي عليه فرحته
نورة : وهي تمشي مايهم لازم يعرف انه تزوج وحب وحدة حقيره وخاينه
حنين: بس ماتوقع هجير تخونه ابدا
نورة: يعني انا اكذب
حنين: لاحاشاك ماما ماتكذبي بس انا اعرف هجير واعرف أخلاقها ومتأكدة عشقها لطلال ومستحيل تخونه
نورة: لاحبيتي خانته وراح تثبت لكم الأيام إن أمكم فراستها ماتروح كذا وإنكم حطيتو ثقتكم بوحدة ماتستاهل
******************************
في سيارة تركي
تركي: كان يولع نار وكلمات اخته ترن بإذنه واحد يحب حنين تخيل ان حنين تتزوج غيره ترتمي بحضن واحد غيره وكل شوي وهو يزيد بالسرعه ويدوووس اكثرررر بسرعه جنونيه شوية إلا تطلع قدامه سيارة مال عنها تركي وفرت سيارته بس لطف ربي انها وقفت بدون أي اصتدام نزل بسرعه وبكل قوته فتح باب الشاب المتهور ومسكه مع ياقة بدلته وجلس يضرب فيه
احمد صديق تركي: كان طالع يجيب علاج لولده وشاف تجمهر الناس وحس فيه شي نزل من سيارته ومر من بين الناس وشاف تركي معصب ويضرب بالشاب والناس يحاولون يهدون تركي ويفكون الشاب من ايدينه الي يحاول يتخلص من ضربات تركي جر احمد تركي بقوة وصرررخ فيه تركي هدي استهدي بالله
تركي: خلني عليه الحقير الــ ليه يقطع الإشارة ويبلى الناس ربي ستر والا الحين انا في خبر كان
احمد: تركي ماحصل الا كل خير احمد ربك انه نجاك كذا شكرك لربك تعوذ من ابلبس بس
تركي: توه يصحى من غيبوته وهو كان يضرب الشاب لانه يتخيل كأنه هو الشخص الي يحب حنين نفض راسه وبعد ايدين احمد بقوة وراح لسيارته
احمد: ركض وراه وجره مع يده تركي ياخوك ايش فيك ماصدق كل عصبيتك علشانه قطع الاشارة صح انت عصبي بس غالبا تحكم عقلك
تركي: ناظره بحزن وخلاه وركب سيارته ماتعود يبوح لاحد همومه تعود بس إن عصب جلس لحاله وصل للبيت دخل يتحمم حس إن برودة الماء تطفي شوي من النار الي في قلبه طلع وصلى ركعتين وجلس على سريره مسك رأسه وخلل أصابعه بين شعره وجلس يفكر بكل الي صار ناظر جواله وفتحه لقى كم اتصالات كثيره من اخته امل وقرا راسلتها ماهانت عليه يخليها بخوف أرسل لها أنا وصلت للبيت ماكلمها لأنه ماله خلق احد
*************************
في بيت متعب
امل :ناظرت لشخص إلي قرب منها معقولة هو بس ايش جابه الحين ليش رجع بدري
متعب: كان محمل بكل أحزان وهموم الدنيا قرب منها وهو ساكت رمى نفسه على الكرسي بكل تعب وإرهاق وحزن وهم
أمل:مازالت واقفة ومستغربة نظرة الألم الي في عيونه تعودت على متعب يدخل يصارخ ويطلع يصارخ تعودت يرجع من سفره يندب حظه انه تزوجها وانحرم من إلي أجمل منها احترمت سكوته وقربت من راسه وباسته قالت حمد لله على سلامتك يابووو ترددت تقول يابو خالد
متعب: فتح عيونه ورفعها لها قالها لي تسوين فيني كذا ليه تعذبيني اكثر حرام عليك يا أمل يكفيني العذاب الي اقاسيه يكفيني الهم الي أنا فيه خلاص ارحموني حرام عليكم قام لغرفته خاف ينهار قدام امل
أمل: تنهدت بضيق قالت الله يسخرك يارب
متعب :دخل اخذ شاور بس صورة سعد وموتته البشعه ترنسم قدام عيونه سكر عيونه بقوة وجلس تحت الدش تمنى تنزل دموعه تخفف من الي فيه بس مانزلت ولادمعه بس كان ينتفظ تحت الدش زاد حرارة المويه بس الرعشه مازالت فيه سكر الدش واخذ فوطته طلع من الحمام شاف امل جالسه على طرف السرير وأول ماطلع ناظرته ووقفت بس نزلت عيونه ورجعت جلست مكانها بهدوء وخوف منه عارف انه حيرها حزن يوم شاف نظرة الخوف منها ماكأنه زوجها الي المفروض يكون مصدر الأمان لها مو مصدر خوفها ندمان قد شعر راسه بس بغى يتكلم ماقدر كان لسانه انشل عن أي كلام يبغيى يفضفض بالي جواته ماقدر تسكت وانام على طرف السرير وسحب غطاه وحاول ينام
أمل: حست ان متعب فيه شي قربت ومدت يدها لكتفه بس سحبت يدها قبل تلمس جشمه تراجعت للخلف وسحبت مفرشها وحاولت تنام بس للاسف الكل ماقدر ينام متعب بهمه وألمه وأمل بحيرتها وخوفها وقلقلها على زوجها
*********************
في المانيا
حنين: هاه طلولي كيفك اليوم
طلال: بحزن وضيقة وعصبية بغى جوالي وينه
حنين: مع ماما
طلال: دبري لي أي جوال ابكلم هجير
حنين: خافت انه يتهور ويجرح هجير وهي تخاف ان هجير مظلومه قلبها يحس كذا
طلال: قلت لك هاتي أي جوال
حنين: طلولي انت الحين معصب ارجوك لاتتهور
طلال: ماني معصب ولايكثر بسرعه دبري لي جوال تصرفي بسرعة
رنا: دخلت عليهم معاي جوالي تحت الخدمه
حنين: اتقهرت منها ومن لقافتها وتجسسها عليهم قالت لا انا راح ادبر له جوال
طلال: مسكها مع يدها بقوه جيبي جوال رنا
حنين: لفت عليه بعصبيه انت راح تذبح هجير تكلمها من جوال رنا
طلال: وهو يرص على اسنانه الظاهر اتكلم عربي
حنين: جرت الجوال من رنا ودقت رقم جولين وقالت لها خلي هجير تكلمنا حالا لانها ماحفظت رقم جوال هجير ولابيت طلال
جولين:مس هجير مدام حنين تقول دقي على هذا الرقم
هجير/ فرحت وطارت من الفرحه ونست ضيقها بمجرد انها سمعت اسم حبيبها كانت تدق الرقم ويدينها ترجف من زود الفرحه
حنين :كانت ماسكة جوال رنا بخوف وقلق لانها تعرف اخوها اذا عصب نسى نفسه
رنا:بخبث ومكرقالت لحنين يووه خالتي موصيتني ادق عليها
حنين: اخاف هجير تدق الحين
رنا: ايش فيه انا ارد عليها تراني مرة لاتخافي عليها
حنين: بلاعباطه يارنا مابغى هجير تعرف ان هذا جوالك
طلال: عطيها جوالها تتشرطين عليها وهو جوالها يمكن ست الحسن تنشغل وماتدق وتروح تدق على عمك المعفن
حنين: لفت بعصبيه حرام عليك تظلمها وانت لسه ماتأكدت بعدين عيب تقول عن عمي كذا وربي دايم يدق يسال عنك
هجير: كانت تدق الرقم وبين كل دقه تحسها سنه وقلبها يدق طبول الفرح اخيرا راح تسمع صوته كم اشتاقت له اشتاقت لمزحه لغزله لحنانه بس صدمها صوت وحده تكرهها
رنا: بكل دلع اهلين هجورة حمد الله على سلامة طلولي
هجير: بلعت ريقها وعجزت الحروف تطلع من فمها
رنا: هجير ايش فيك لايكون بلعتي لسانك بس وضحكت بدلع
حنين: قامت بعصبيه اخذته منها وعطته طلال
هجير:حاولت تتماسك وظنت انها مازالت تكلم رنا قالت هلافيك رنا طمنيني عن طلال
طلال: كل عصبيته تلاشت وارتخت اعصابه وهو يسمع صوتهاكانها بلسم جراحه يحبها حد الجنون يعشقها ويعشق كل شي فيها رد ببرود مصطنع مادام طلال يهمك ليه ماسالتي عنه
هجير: تجمعت الدموع بعيونها وردت بلهفه بصوت مخنوق هلا طلال اشتقت لك قسم وو
طلال: قطع كلامها بكل حزم من زود شوقك لي ماسالتي عني
هجير: وربي ميته شوق عليك وسالت عنك وماخليت طريقه حتى اوصل لرقمك واتطمن عليك وو
طلال: واحلى طريقه عندك تسالين عني عن طريق حبيبك هشام قالها وهو يتمنى انها تكذبه يتمنى تقوله ماكلمته بدون ماتحلف راح يصدقها لانه يدور أي عذر لقبه لعشقه مايبغى يخسرهازادت دقات قلبه وهو ينتظر تبريرها
هجير: انصدمت من كلامه حطت يدها على فمها تمنع شهقاتها خافت انه مستحيل يصدقها لانها تعرف غيرته من هشام وانه يشك فيها
طلال: قال بعصبيه كلمتيه اولا ردي علي
هجير: ايوه كلمته بس ابعلمك السالفه كلها مو
طلال: ريحي نفسك يامدام مولازم تعلميني عن سالفة غرامك الجديد اتهني فيه خسارة الحب الي عطيتك اياه تخونيني اول ماروح
هجير:طلال اسمعني
طلال: سكر السماعه بوجهها ومد الجوال لحنين يحاول يتماسك مايبغى يضعف قدامهم اانهان من جرح رنا له والحين ينهان ثانيه من جرح هجير له
رنا: تبتسم بخبث
حنين: تناظرها بقهر لسؤ ادبها المفروض تطلع يوم طلال كلم زوجته بس ماعندها ذوق لفت على طلال قالت له ليه ماسمعت منها
طلال: رفع يده ناحيته يعني اسكتي قال خلوني لحالي الحين
رنا: بدلع اجيب لك عصير ليمون تشربه طلولي وتريح اعصابك
طلال: اضن اسمي طلال مو اصغر عيالك تناديني طلولي ومابغى الا تطلعون وتخلوني
هجير: بكت وبكت حبيها الي شك فيها بكت المشكله ا لي دخلت فيها كيف تقنعه انها موهي الي كلمته هو ماخلا لها مجال تفهمه تتصل على هشام تخليه يفمهمه لالامجنونه انا احط البنزين على النار ياربي ايش اسوي مومستعده اخسر طلال ان خسرته خسرت عمري كله هو املي هو دنيتني هو سعادتي وربي احبك طلال ومستحيل اخونك بس ليتك تفهمني بس
*******************************

في بيت متعب
خالد:جالس بالصلاة يبكي
متعب: اصلا ماوصل هنا الا قريب من صلاة الفجر وماجاه النوم بس يتقلب بفراشه قام واغتسل لحضور صلاة الجمعه لاول مره في حياته يصلي بمسجد مع الجماعه والا الصلاة مايخليها ناظر امل كانت مشغوله مع رهف طلع للصلاة لقى خالد يبكي بهدوء قرب منه وجلس على رجوله قبال خالد ساله ايش فيك خالد تبكي
خالد: فز من مكانه وقام يتخبط ويتلمس الجدران بدون مايطلب مساعده من ابوه حتى وصل غرفته وجلس على سريره
متعب: كان يراقبه بعيونه حزن وهو يشوف ولده يبكي ورافض يبوح له وهو ابوه بشي لو كانت أمل كان ارتمى بحضنها وعلمها ايش فيه قام واراح لغرفته وسكر الباب جلس جنبه خالد وانا ابوك ايش فيك
خالد: هزت كلمة وانا ابوك كم تمنى يسمعها من فم متعب كان يسمعه يدلع عمر قدامه بس من طفلوته ماسمع هالكلمه منه هزت مشاعره قال بكل الم عمر سبقني للمسجد ومنو عندي يوديني
متعب: زاد حزنه وخالد ملغي وجوده مايلوم ابنه بل يلوم نفسه الي همش ولده فلذة كبد من حياته لسبب تافه انه معاق ومشوه العينين مد يده ومسك اليد الصغيره قال تعال وانا ابوك نروح انا وياك للمسجد انا بعد تأخرت
خالد: رفع راسه جهة ابوه وقال بعجب راح تروح معاي انت يابابا
متعب: ايه وانا ابوك بسرعه لانتأخر
خالد: ابتسم بابتسامة فرح بريئه
متعب: انشرح صدره يوم شاف ابتسامته طلعو هو وياه للصاله
أمل:رفعت عيونها وشافت متعب ماسك يد خالد وطالعين من البيت استغربت وارتبكت حتى ان رهف كانت تبي تطيح منها نزلت رهف على السرير وسجدت شكر لله
خالد: جلس بالمسجد بعد السنه وكان يفرك بيدينه كأنه يبغى شي ومستحي يطلب
متعب: لاحظ عليه سأله خالد تبغى شي
خالد: بأدب متعود بعد سنة الجمعه امسك مصحف وأقرا سورة الكهف
متعب: سكت ثواني استغربت أدب خالد معاه ماقال جيب لي مصحف قالها بطريقه غير مباشره واشتغرب كيف يطلب مصحف وهو مايشوف
خالد: الله عطاه ذكاء وسرعة بديهه فهم ان ابوه مستغرب كيف يطلب مصحف وهو مايشوف قال عارف اني ماشوف وانا الحمد لله حافظ القران عن ظهر غيب بس احب اني امسكه واحضنه كال ما أقرا منه
متعب:مسح على راس ابنه بكل حنان وقام يجيب له مصحف واخذ هو بعد اأول مافتح المصحف الي مافتحه من أيام دراسته فاضت عيونه دمع شوي الا تنهمر دموعه بالدموع توها تطلع هالدموع الي انحجرت يوم شاف صديقه سعد دمعت عيونه خجلا من ربه دمعت عيونه خوفا من ربه دمعت عيونها شكرا لربه انه امهله وما اخذه مكان صديقه خاف ان ربه مايغفرله وهو عصاه فتره طويله وهو تعب امراه صالحه معاه وهو احتقر طفل بريء جنبه وضاق عليه المكان وسودت الدنيا بعيونه ماحس الا بيد صغيره تمسح على خده تبعد آثار الدموع
خالد: بابا ربي رحيم غفور وهذا دعاء ماما لك كل ليله وأن ادعي لك كل صلاة ان ربي يهديك ويرجعك لنا بابا ا ناحب ربي لانه رجعك لنا لانه استجاب لدعوتنا
متعب: نسى نفسه انه بالمسجد وحضن ولده وكأنه يخاف احد يأخذه منه وانهمرت دموعه
***************************
في مكتب تركي
تركي: قام لعمله واجتمع مع الضباط وكانت حالته النفسيه زفت بس كان يحاول يمسك نفسه ناظر بالاوراق والتعاميم شاف من ضمنها ورقة تقديم طلب بعثة لكندا وافق عليها كان مهملها اول بس الحين يبغى مايجلس بالرياض ولايوم ورفع اوراقه وانتظر ردهم طبعا اخر الدوام جته الموافقه اخذ جواله يبي يرسل لأخته انه راح يسافر مازال زعلان منها مازالت جارحته حط جواله بجيبه مارسل شي طلع من دوامه وراح لأم اريام يودعها لأنه يحبها حاس بحنانها عليه كأنها امه
أم اريام: والله راح نفقدك ياولدي
تركي: ماتفقدينا غالي ياخاله وان احتجتي شي جوالي عندك
أريام/ صعقت بخبر بعثته وحزنت وتقطع قلبها قالت راح نفقدك تركي
تركي: يكره جرأتها معاه تعمد يوصلها معلومه ان قلبه موصوبها قال ارجع وانتي عروس ان شاءالله
اريام/ انصدت من كلمته يعني مايحبها زي ماتحبه
ام اريام: بحكمتها تبي تتاكد هو يحب بنتها اولا لانها ملاحظه تعلق بنتها فيه قالت وأنت متى نفرح فيك ان شاءالله
تركي: ان رضت زوجتي ترجع لي
أريام: صدمات تركي تتوالى عليها بيوم واحد تركي متزوج اخر شي كانت تتوقعه وزوجته تاركته من هي المغفلة الي تفرط فيه
أم اريام: ماشاءالله ياتركي انت متزوج
تركي: تنهد بحزن ايه ياخاله متزوج ادعي لي ان ربي يحنن قلبها علي وترجع لي يالله تأخرت على رحلتي ابمر البيت واخذ اغراضي واطلع ركب سيارته وهو حاس بحزن أريام بس مايبغى تتعلق فيه وهو عارف انها ترفض خطاب كثير خصوصا بعد زيارة ولد عمتها لتركي واشتكى له انه يموت فيها وامها موافقه عليه بس هي رافضته حب يحط النقط على الحروف لانه يعرف نفسه ماراح يحب الا معشوقته حنين قلبه مسكر ابوابها الا لحنينه بس
أريام: بكت بحضن امها واعترفت لها بحبها لتركي
أم أريام: يابنتي خلاص ذبحتني نفسك من البكاء تركي ابن حلال وعارفه انه يوصلك رساله انه يحب غيرك تركي ذكي ولاحظ عليك انك متعلقه فيه لو مورجال غشك ولعب بمشاعرك بس يدل على رجولته وطيب اصله خلاص يابنتي انسيه وعيشي حياتك واقبلي بعادل الي يموت بتراب رجولك
أريام: بس ليه يسافر ويخلينا ليه يحرمني حتى من شوفته
أم أريام :ان كان لي خاطر عندك يابنتي انسيه واقبلي بعادل يكفي انه راضي يسكن معانا ومايفرقني عنك عادل طيب وابن حلال ويحبني وانا احبه
أريام/ تمسح دموعها وتبعد عن حضن أمها خاطرك على عيني وراسي ياماما خلاص قولي لعادل اني موافقه عليه وقامت عن أمها ورقت غرفتها وارتمت على سريرها وكملت بكاها
**********************
في بيت متعب
متعب: رجع هو وعياله من المسجد وتغدو سوا بهدوء تام
أمل / مبسوطه من الجو الاسري بس محيرها هدوء وحزن زوجها بس ماحبت تتعبه بالاساله احتراما له
متعب: قام من غداؤه وراح لغرفته وجلس على سريره وعكف رجوله وحط يدينه عليها وهو سرحان وحزين
أمل: قررت تتجرا وتقرب له وتسأله حاله موعاجبها
متعب: ماحس الا بيد حنونه تمسك كتفه
أمل: ابو خالد حالتك من رجعتك من السفر موعاجبتني حاسه هموم الدنيا فوق راسك
متعب: بدون مايناظرها يناظر بالفراغ الي قدامه قال ايه والله ان هموم الدنيا فوق راسي كيف ماتكون ياأمل وانا عصيت ربي سنين طويله كيف ماكون مهموم وانا رزقني ربي بجوهرة وماعرفت قيمتها كيف ماكون مهموم وانا عذبت بقسوتي فلذة كبدي عشر سنين حرمته من حناني حرمته من ادنى حق له وربي يا أمل ماقدر احط عيوني بعيونك وعيون خالد عمري كله وربي الي امهلني وماخذني مثل ماخذ صديقي مستحي من ربي وخايف من عقابه أمل انا الدنيا ضايقه فيني وجلس يبكى بقوة
أمل: قربت منه وحضنته وجلست تمسح على شعره حتى يهدا قالت بهدوء وهمسة باذنه ربك غفور يامتعب ويفرح بتوبه عبده واحمد ربي انه خلاك تفوق قبل فوات الاوان العمر قدامك وخالد تقدر تعوضه عن الي فات وانا تظل زوجي وحبيب قلبي وصدقني توبتك نستني كل الي فات
متعب: يشدها اكثر لحضنه وهو مازال يبكي والله الي خلقني اني لو الف الدنيا كلها مالقى احسن منك احمد ربي انه رزقني فيك لانك انتي املي بالحياة بعد ربي الله يقدرني اعوضك عن الي فات انتي وخالد
أمل: فرحة بتوبة زوجها ورجوعها لها وقالت ربي كريم مايسكر بابه عن الي يطلبه ويلتجا ء له
*
*
*
*
اتمنى عجبكم الجزأ
ايش راح يصير بين طلال وهجير ومتى راح يقتنع ببرائتها؟
تركي متى رجعته وهل رجوعه تحمل احداث كثيرة لحنين؟
فائدة :
( من لطائف دعاء أيوب عليه السلام )[/coloقوله تعالى : " وأيوب إذ نادى ربه أني مسني الضر وأنت أرحم الراحمين"- الأنبياء83- جمع في هذا الدعاء بين : حقيقة التوحيد ، وإظهار الفقر والفاقة إلى ربه ، ووجود طعم المحبة في التملق له ، والإقرار له بصفة الرحمة ، وأنه أرحم الراحمين ، والتوسل إليه بصفاته سبحانه ، وشدة حاجته هو وفقره. ومتى وجد المبتلى هذا كُشفت بلواه.

وقد جُرب أنه من قالها سبع مرات ولاسيما مع هذه المعرفة كشف الله ضره.
((امي روحي )) هــ،،،مــ،،، ـــس[

الــــ ج ــــزأ الـــ ع ــــشـــرون ((20))
بــــــــــــ ع ـــــــــــد اســـــــبـــوع
طلال: يفك الدكتور عنه الشاش طلب منه يفتح عيونه فتحها بهدوء دخل النوربعيونه وشاف خيال امه وحنين ورنا تمنى من كل قلبه ا نالي واقفه قدامه هجير مع حبه لاخته الا لو ان هجير فقط قدامه كان يكون اسعد انسان في العالم صح زعلان منها بس ماينكرانه مازال يحبها بل مازال يعشقها اسبوع وهو يدور لها الف عذر مايتخيل حياته بدونها فتح عيونه اكثر وناظر وجه اخته البريء وفرحتها فيها ودموع الفرح الي تحجر بعيونها وهي ماسكه اعصابها وخايفه انه يقول ماشوف ابتسم لها مع حزنه وجرح هجير بس ماحب يخرب فرحة اخته فيه
حنين: ارتمت بحضنه ونست الدكتور اللبناني إلي كان واقف
الدكتور: بارك له وطلع
نوه :باركت له ببرود وثقل
رنا: انقهرت انه مهمشها ولاتنازل انه يرفع عيونه لها رد عليها مباركتها وهو عيونه على حنين ومازل حاضنها ويمسح على رأسها
نوره: بعد ماتطمنت عليك أبرجع للرياض أجهز كل شي قبل رجعتك
طلال: أنا بعد أبرجع خلاص ليه اجلس والحمد لله رجع نظري لي
نوره: لا لازم تجلس أسبوع على الأقل يتابع الدكتور علاجك ((لازم تكمل خطتها ))
طلال: كان ميت شوق لشوفة هجير بس يمه أنا
نوره: خلاص بدون نقاش حجزت لك الأسبوع الجاي وأنا أبسافر بكرة إن شاءا لله
*****************
في بيت طلال
هجير: اثقل اسبوع عليها هالاسبوع كانت بقمة حزنها ماقدرت تتواصل مع طلال ليه تسوي فيني كذا طلال تجرحني وانت تكلمني من جوال رنا بعدين تلومني وتسكر الجوال بدون مافهمك معقوله خلاص مليت مني لانه رجع لك نظرك خلاص راح ترجع لرنا او وحدة تناسبك ومن مستواك صرت تدور علي الزله لالا مومعقوله طيب ليه حنين ماتصلت علي افهمها واشرح لها ايه اكيد منعتها خالتي وطلال عاد حنين مغلوب على امرها رمت نفسها على الكنبه ياربي احس راسي يبي ينفجر لي اسبوع مانام الا شوي بس كله قلق وشوق وحيرة طلال طلبتك لاتتخلى عني انت وعدتني صح موقد مقامك بس انت وعدتني وربي احبك واموت بدونك طلال انا محتاجة لك طلال صرت الهواء الي اتنفسه يارب تجمعني فيه وترجعه لي ياااااااارب
***************************
في بيت متعب
أمل: كانت سرحانه بأخوها الي صدمها وخرب فرحتها بتوبة زوجها بسفره وهجرته عن الديره حتى ماكلف نفسه يكلمها ارسل لها رسالة وقفل جواله ليه كل هالقسوة ياخوي دايم تركي مع ان شخصيته قويه الا انه ضعيف بمواجهة المشاكل خصوصا الي تخص حنين معقلوله من حبه لها يضعف عند أي مشكله تواجهه تركي الي مايهزه شي يضعف قدام حنين مافيه غير حنين تهز مشاعره ياخوي مادامك تعشقها كل كذا ليه تجرحها ليه تخسرها وتفرط فيها يوم كانت بايدينك ليه تنتقم من امها فيها ليه تعذبها بدون سبب انت قاسي على الي يحبونك قسيت وتخليت عني يوم احتجتك وقسيت على حنين يوم حبتك وتعلقت فيك وكل مشكلة معاها تهرب للخارج وتتركها
متعب: يهز بيده قدام وجه امل هيه ياحلوين نحن هنا
أمل: لفت وجهها عليه وابتسمت للوجه الي كساه نور طاعة ربه وبدات لحيته تطلع بدون ان يمرر عليها موس الحلاقه اقتداء بسنة النبي صلى الله عليه وسلم ناظرته ودققت بابتسامته الصافيه والاسنان الي مفعول السواك يظهر عليها ويزيدها جمال وبياض
متعب: خلاص حبيتي ذوبتيني بنظراتك وسرحانك انتي اليوم مومعانا ابد
أمل: بحزن وألم قلقانه على تركي
متعب: خليه بروحه ياأمل تعرفي تركي مايحب يشتكي لأحد وخلوته هناك تريحه شوي
أمل: بس اخاف لسه زعلان مني
متعب: مستحيل تركي يحبك موت وانتي اخته الوحيده بس متضايق ومايبغى يجرحك بالكلام انتي جرحتيه بزوجته ياأمل واصعب شي عند الرجال يعرف ان زوجته أحد يحبها
أمل : نزلت راسها لانها مقهوره من نفسها ليه جرحت اخوها بس ماتقدر تشوف الغلط وتسكت
متعب: رفع وجهها بإصبعه وناظر بعيونها إلي غرقت بالدموع قال أنا مواعد نفسي ماتنزل دموعك مادام راسي يشم الهواء ارجوكي لاتخليني اكون موقدر كلمتي وماأوفي بوعدي وابتسم لها بحنان
أمل: رمت نفسها بحضنه الله لايحرمني منك متعب
متعب: وهو ضامها ويمسح على راسها ولامنك ياروح متعب انتي
أمل: رفعت راسها عن حضن متعب وتمسح دموعها متعب انا مع الحق حتى لو كان ضد أخوي ونور عيني مالي من أهلي غيره يعني مافيه شك بغلاته مع غلاتي لحنين بس موأغلى من أخوي بس ماأقدر أشوفه يظلمها أكثر من ظلمه لها واسكت نزلت دموعها ومسحتها ثانية انا نصحته بس ليه يزعل مني كذا ليه يسافر ولاحتى يودعني الى هالدرجة اهون عليه كم مرة يتركني وانا بامس الحاجة له عمري ماعاتبته ليه هالمرة يزعل علي متعب انا احب اخوي ومشتاقة له حيل وبكت ثانية
متعب: سحبها لحضنه هونيها تهون ياعيون متعب انتي تلقينها مني قبل او من أخوك الحين حبيتي ماتهون علي دموعك كافي ماشفتي مني طلبتك لاتعذبيني فيها
**************************************
في بيت حمد
نورة: بكل غرورابعطيك انتي وزوجك مية الف بس تبعدين هجير عن طلال
موضي: بخبث لا اسمح لي يام طلال بتني ماقدر اخرب سعادتها
نورة: ميتين الف
موضي: ابد مستحيل هذي بنتي وسعادتها تهمني
نورة: ثلاث مية الف وان رفضتي بكيفك انا اعرف كيف اتصرف
موضي: خلاص ولايهمك
نورة: بخثبت وتاكدت شكوكها فيهم قامت بعصبيه لان هجير موبنتك ترضيناها عليها
موضي: كأن نورة صبة عليها مويه حارة وانتي ايش عرفك
نورة:ابتسمت بخبث وتأكدت مليون بالميه انها موبنتهم قالت مايخفى شي علي اصلا ياغبيه فرق شاسع بينها وبينكم جمالها مميز عنكم بفرق شاسع وقسوتك عليها انتي وابوها وحبك لبنتكم الحقيقه اسماء العميان يلاحظه بس مستحيل اعطيك الي تبغين تحلمين اعطيكم شي تفارقون من هنا وتريحوني منكم ومن قرفكم انتم ولقيطتكم وان مافارقتو راح ابلغ عنكم بتهمة تزوير اوراق هجير وخليتوها بنتكم
موضي:حرام عليك كيف نهاجر واحنا مامعنا فلوس ليش كل هالقسوة يانورة
نورة: لانك خبيثه انتي وزوجك ماتستاهلون شي مابغى اشوفكم هنا بس قبل ماتروحين تجين تأكدين كلامي لهجير وطلعت وخلتها
موضي: راحت لحمد شفت الخبيثه نوره الي ماتشبع فلوس تبيني اترك الرياض ونروح للشمال
حمد: مقابل شنو
موضي: مافيه مقابل ولاشي
حمد:موب على كيفها ماراح نهاجرولاشي
موضي:جلست جنبه حمد هددتنا انها راح تبلغ عنا اننا زورنا اوراق هجير وخليناها بنتنا
حمد: رفع حاجب وهي وش عرفها
موضي: هي نسرة عرفت من نفسها وصدمتني يوم واجهتني تخربطت واعترفت
حمد : قام بعصبية انتي غبية كان انكرتي خربتي تعب سنين علينا تعبنا على الزفتة هجيروه يوم جينا نجي خير من وراها بغابئك خربتي علينا
موضي:قامت موغبية ولا اسمح لك تقول عني غبية اقولك فاجئتني وماستعديت للاجابة هي نسرة تعرف كل شي
حمد: خليها تبلغ منو راح يشهد ويثبت انها مو بتنا
موضي: فتح عقلك زين ياحمد الحين العلم تطور لو يسون تحليل الحمض النووي كان يثبت انها موبنتنا
حمد: الله ياخذها قولي آمين
موضي: آمين الله ينتقم منها هالظالمة يارب اشوفها فيها يوم يبرد حرتي منها اعوذبالله ثعبان هذي مو بشر تلتف حول رقبة الواحد وماترتاح حتى يموت قدامها بدون رحمة
**************************************
في غرفة هجير
هجير:كانت تدور في ملابسها فستان مناسب لاستقبال حبيبها عارفة انها زعلان منها حيل بس واثقة من طيبة قلبه ترجي ربها انه يرجع لها اشتياقها ولهفتها عليه يفوق الوصف متحمسة تشوفة بدون نظارة سوداء ماعمرها شبعت من عيونه متحمسة تقرا الكلام بعيونه تطالع بعيونه تتاكد من حبه لها اولا لان هجير تعرف ا ن الي يحب عيونه تقولك انه يحبك قبل مايتكلم هو ياترى طلال تحبني جد زي ماحبك او انا اكثر لوحبيتني مستحيل تحبني زي ماحبك تنهدت بشوق ولهفة وطلعت فستان مشجر بالوان رايقة وملفوف على الجسم يبين جمال جسمها وقصير شوي مع قدام ويطول من تحت رجعته قالت لا موهذا طلعت ثاني وثالث ورابع وكل شوي تقول لا هذا احلى احتارت ايش تلبس تسندت على باب الدولاب وسرحت بطلال وتذكرت ايامها معاها
طلال:ايش الالوان الي تحبي تلبسيها
هجير: بابتسامة مالي لون محدد لاني اصلا في بيت اهلي ماكنت اهتم بنفسي ولا افكر باللبس انت ايش اللون الي تحبه مركزة بشغلي بس وياويلي لو افكر اهتم بنفسي
طلال:احب اللون الاحمر الرويان يشدني ويجذبني
هجير: فاقت من سرحانها ودورت لها فستان احمر ولقت فستان قصير فتحة الصدر كبيرة شوي وفتحة الظهر بعد مافيه أي تكلف ناعم وماسك على الجسم جماله بنعموته ارتاحت يوم لقت هالفستان ضمته على صدرها قالت يارب اعجبك طلال ماتعرف قد ايش اشتقت لك خرب جوها طرقات على باب غرفتها
جولين: مستر هجير مدام نورة تبغاك تحت
هجير: اوك ابنزل الحين مع انها استغربت دخول جولين عليها ببيتها وجيت خالتها قالت غريبة ليه مادقو على السنترال زي العادة وليه خالتي جايتني بالبيت اكيد تبغاني اجهز لرجعة طلال ماتعرف اني مستعدة لجيته بكل شي مالومها امه مهما قست عليه تظل امه وتفرح لفرحته رمت فستانها على السرير ونزلت وهي فرحانة لان طلال بكرة راح يرجع من سفرته لها اسبوع تستعد لرجوعه وماتنام الاقليل
نوره: بكل غرور حاطه رجل على رجل وهي مبسوطه مره لانها كلها دقايق وتطرد هجير من حياتهم لان الفقراء بنظرها عار على المجتمع
هجير: نزلت وقربت تبي تبوس راسها بس نوره مدت يدها لها بكل غرور هجير باست يدها قالت حياك خالتي
نورة: سحبت يدها ووقفت موخالتك ولا اتشرف اكون خالتك
هجير: انجرحت بس سكتت تعودت على جراحها كل شي لعيون طلال يهون بكرة يرجع ويدافع عنها شوي الا تدخل امها
هجير: قامت من مكانها هلايمه وباستها مع راسها
موضي: بحزن هلا بك وجلست
هجير: قامت وحضنت امها يمه سلامتك ياقلبي فيك شي وجهك موزين ابد لايكون تعبك رجع لك ثانية
نورة: واقفة بعيد عنهم كانها متقرفة منهم بدون مقدمات او رسميات تافهة ولا لها أي قيمة انا مشغولة بسرعه علميها حقيقتها
هجير: بخوف أي حقيقه وطالعت بأمها وصار قلبها يدق بسرعة وجه امها مايبشر بخير ابد
موضي: انعقد لسانها وماقدرت تتكلم رحمة هجير اول مرة بحياتها ترحمها
نورة: ماراح تتكلمي انا راح اقولك ياست هجير انتي جد مسكينه ماتعرفي عن حقيقتك شي انك ياعيني موبس فقيره منتفه انتي بعد لــقــيــطــه
هجير: فتحت عيونها على آخرها وماقدرت تتكلم ناظرت امها تتمناها تنفي الي تسمعه
موضي: نزلت راسها بحزن
هجير:مسكت يدين امها يمه ارجوكي قولي انها تكذب قولي انها بس تبغى تهيني زي عادتها يمه اتحمل أي شي الا اني اكون موبنتكم ارجوكي يمه ردي علي لاتعذبني بسكاتك
موضي: بحزن والم ايه صح الي قالته قبل عشرين سنه كنت احمل واسقط وتوني جايبه بنت وماتت وكنت جالسه انا وحمد وطق علينا الباب واحد كان حمد يشتغل عنده اسمه راشد محمد فتح له حمد الباب وعطاه بنت صغيره ولبسها زين قالنا الرجال خوذو ربو هالبنت وانا ابصرف عليكم عطانا شيك بخمسين الف ووعدنا يكتب البيت الي حنا فيه الحين باسمنا وطلع وخلانا طبعا رضعتك وعلمنا الناس اني جبت بنت ولاماتت هالمره بس الرجال الي عطانا خمسين الف بعد اسبوع سوا حادث ومات وخلانا وانقطعت عنا الفلوس وبلشنا فيك مانقدر نرميك بدار الايتام يقولون الناس رمو بنتهم بعدها كرهناك وكأنك هم على قلوبنا لاحنا استفدنا من فلوسك وابتلشنا فيك صح بعدك ربي رزقني بأسماء بس كنتي هم على قلوبنا
هجير: صرخت يكفي حرام عليكم طاحت عند رجول موضي يمه قولي انك تكدبين علي طلبتك يمه انا بنتكم مستحيل اكون لقيطه مستحيل اكون بنت حرام لايمه لا قولي اني احلم طلبتك يمة يكفيني العذاب الي عشته طول عمري يوم جاء الفرح يطرق بابي تصدموني بكلامكم حرام عليكم انا ايش سويت يمه طلبتك قولي موصدق هالكلام
موضي: اول مرة ترحمها قالت ماكذبت عليك بكلمه وهذا الي صار عجزت تتحمل الجلسة قامت وقالت مع السلامه
هجير: لحقتها يمه تعالي لاتخليني عذبوني بس لاتخلوني بدون اهل يمه تعاااااااااالي
موضي: طلعت وهي تسمع صياحها وراحت وخلتها
نورة : باستحقار تمثيل البنت المظلومه مايمشي معاي يالله شيلي اغراضك وعطيني مفتاح مكتب طلال وبرا مايشرفني بنت حرام تكون زوجة لولدي
هجير: تناظرها ودموعها تجري بعيونها أي قلب قاسي تملكه هالانسانه حاولت تتماسك قالت ماراح اطلع من بيت طلال الا بأمره بس
نوره: تصفق بسخريه هايل صايره قويه قواك حب طلال ودلاله لك بس ياحبيتي هذي رسالته بجوالي اقري رسالتي واقري جوابه لي
هجير: بيد ترجف اخذت الجوال وقرأت كلام نوره عنها وقرات رد طلال كان ((( يمه اول مارجع مابي اشوفها قدامي مايشرفني اناسب بنت حرام الحين مالومها على خيانتها لي مع هشام بس عيني لاتشوفها وقولي لها اني طلقتها )))
انصدمت انطعنت انجرحت طاحت على الكنبه وجلست تبكي وتبكي خلاص كل شي انتهى عندها اخر امل يجمعها بطلال انتهى قتل حبها الي انولد بقلبها وكبروكبر حتى حست ان قلبها صغير بالنسبة لحبها له عشقته وعشقت كل شي فيه يصدمها بطلاقه لها بتخليه عنها جلست تبكي ولاحست بالي حولها
نورة: خلصيني ابروح وارجع والقى المفتاح هنا على الطاوله ومابغى اشوفك فاهمه اولا؟ طلعت وراحت لقصرها
هجير: ركضت لغرفتها وكملت بكاها وحزنها معقوله انا موبنتهم معقوله طلال طلقني وين وعدك لي انك مستحيل تتخلى عني ياربيه بالسهوله نسى الحب الي بينا نسى كل كلامنا نسى كل شي بينا ليه ياطلال لو كل الناس خذولني انت ماتوقعك تتخلى عني عجزت تتحمل راحت للحمام وصارت ترجع وترجع حتى رجعت دم من زود قهرها وتعبها وصدمتها طلعت من الحمام وحست بدوخة مسكت الجدار وطاحت على الكنبة ودموعها مازالت تنهمر بشدة قامت وماخذت شي من ملابسها الجديده اخذت ملابسها القديمه بشنطه صغيره وفسخت ملابسها الي عليها وحطتها على السرير حطت مفتاح مكتب طلال الي فيها اوراقه المهمه والتجوري على طاولة في الصاله وطلعت ماتدري وين تروح ومنو تروح له كانت تمشي وهي تبكي ماتشوف طريقها من كثر مابكت ورااااااااحت بعييييييييييد
****************************
في بيت متعب
متعب: يمكن اخذ اجازة من عملي لمدة شهر وأروح للدعوة في افريقيا بس ان كنتم محتاجين لي ماراح اروح
أمل : فرحت بخبره قالت لا روح ابد هذي فرحتي يوم زوجي يروح يدعي ماحتجنا لك يوم تسافر زمان كيف الحين نحتاجك وانت رايح للدعوة للاسلام
متعب: ومشاوريك ان احتجتي شي
أمل: من زمان ابو فاضل وزوجته مايقصرون معانا وانا احاسبهم اخر الشهر
خالد: قام واتجه لابوه ومسك راس ابوه وباسه الله يرفع شانك يبه ويثبتك يارب ويسكنك الجنه
متعب: ضمه وباسه مع راسه وقال الله لايحرمني منك يابو الوليد مع اني ماكنت ابغى اروح عنكم الا وانا جالس معاكم ومعوضكم عن كل الي فات
خالد: بابا روحتك للدعوة هي تعويضنا
متعب: باسه سبحان من عطاك عقل اكبر من عمرك عساني ماذوق حزنك يارب

***************************
هجير: كانت تمشي وهي ميته جوع وخوف وحزن لها ساعتين تمشي بدون راحه ماتدري وين تروح او وين هي الحين حقيقتها الامتها وطلاق طلال لها طعنها وموتها تمنيت انها ماتت ولا شافت اليوم هذا وهي سرحانه والدنيا ظلام قطعت الشارع وكانت الدنيا مطر كانت تمشي لها ساعتين تقريبا ماحست بنفسها كم صار لها تمشي كانت سرحانها بحالها كأن تعذيبلها لرجولها يريحها جمعت تعب رجول وتعب جسدي لانها قبل رجعت كل الي بطنها ومعها دوخة وكانت تمشي وتدوخ تريح شوي وتمشي بس ماحست بشي عذبها اكثر من التعب النفسي الشارع الي تمشي فيه ظلااام لانه بين مزارع وموحش بس هي ماحست بوحشته لانها مو مركزة بالي حولها قطعت الشارع فجأة سيارة تصدمهاااااااااا
****************************
*
*
*
*
طبعا مانتهى الجزا العشرررون راح نكمله بكرة ان شاءالله بس ان لقيت ردودكم وان مالقيت ردودكم راح انتظرها وانزله يوم الاثنين كالعادة
توقعاتكم:
ليه طلال طلق وتخلى عن هجير بكل هالسهولة؟

هجير من اسمها هجير انتهت حياتها وهجرت حياة التعاسة الي كانت فيهاام لا؟
طلال هل راح يعرف او يندم لفقد هجير ؟
فائدة :
((حكمة اعجبتني ))
اذا كنت لاتعيش جيدا فاعلم انك لاتصلي جيدا
هناك فرق بين من يصلي ليرتاح بها
ومن يصلي ليرتاح منها
فانظر لقلبك
تقبلو تحيات محبتكم همس (((امي ورحي ))

تكلمة الجزا العشررررون

طلال: رجع للرياض وكله شوق لحبيته هجير صح زعلان منها حيييييل بس الحب اعمى فرحان انه راح يشوفها حس ان الطياره تمشي بهدوء تمنى ياخذ من الكابتن ويقود الطياره بداله علشان يسرع ميت من اللهفه والشوق لشوفتها حتى انه مومتاكد انه يظل ثقيل ويزعل عليها متاكد انه اول مايشوفها راح ينسى كل شي وراح يغفر اخطائها يقول بقلبه يمكني استعجلت يمكني ظلمتها لاني ماعطيتها فرصه تدافع عن نفسها
حنين: هيه نحن هنا
رنا: بقهرايه الي اخذ عقله يتهنى فيه
طلال: طنشها اصلا مهمشها طول الرحله حنون كيف شكل هجير اوصفيها لي اتمنى اتخيلها
رنا: ماتت من القهر وجلست تقرض باسنانها اظافرها تقول بقلبها الحين تنصدم ياطلال وانا اشفي غليلي من تكبرك علي وتهميشك لي ونشوف تظل تحب هالعقرب اولا
حنين: فرحت ان اخوها مازال يحب هجير ابتسمت باقي ساعتين وتشوفها ان شاءالله لاتستعجل على رزقك
طلال: تنهد بشوق قسم كانها سنتين ماقدر اصبر اكثر
رنا: كيف قدرت الفقيره االقيطه تسرق قلبه حتى يوم كنا مخطوبين لبعض ماعمري حسيت بلهفة شوقه لي كان يسافر ويرجع ويستقبلني ببرود عمري ماشفت بريق حب بعيونه كأنه اخذني بس علشان يرضي امه بس كيف قدرتي عليه ياهجير كيف وهو ماشاف جمالها حبها اجل كيف لو يشوف ان هالعقرب قمة بالجمال كيف يسوي بس ماراح ايأس راح احاول فيه حتى يحبني بدالها خالتي نفذت خطتها بإحكام وأنا راح أكملها مستحيل افرط في طلال بعد مارجع له كل شي
*************************

هجير: كانت تمشي وهي ميته جوع وخوف وحزن لها ساعتين تمشي بدون راحه ماتدري وين تروح او وين هي الحين حقيقتها الامتها وطلاق طلال لها طعنها وموتها تمنيت انها ماتت ولا شافت اليوم وهي سرحانه والدنيا ظلام قطعت الشارع وكانت الدنيا مطر كانت تمشي لها ساعتين تقريبا ماحست بنفسها كم صار لها تمشي كانت سرحانها بحالها كان تعذيبلها لرجولها يريحها جمعت تعب رجول وتعب جسدي لانها قبل رجعت كل الي بطنها ومعها دوخة وكانت تمشي وتدوخ تريح شوي وتمشي بس ماحست بشي عذبها اكثر من التعب النفسي الشارع الي امشي فيه ظلااام لانه بين مزارع وموحش بس هي ماحست بوحشته لانها مو مركزة بالي حولها قطعت الشارع فجأة سيارة تصدمهاااااااااا
عناد: لاحول ولاقوووة الا بالله
ام سارة: ايش فيك ياوليدي
عناد: يمه شكلنا صدمنا وحده ونزل بسرعه
ا م ساره: يارب لطفك ونزلت معاه
عناد: شاف بنت طايحه ووجها ظاهر بنور خفيف من نور المزارع بس كان شعرها لاف على وجهها مابان من وجهها الا شي بسيط قرب منها يقيس نبضها فرح انها مازالت حيه بس كانت تتنفس بصعوبه وتهذي بكلام غير مفهوم شالها بين ايديه بسرعه ووداها للمستشفى
ا م ساره:لاحول ولاقوة الابالله
عناد:نزل بسرعة شاف بنت ملفولة بعباتها وطايحة على الارض والمطر ينزل عليها بسرعة ركض لها وحط راسها على طرف يده وفتح غطاها كانت الانوار هادية والمطر ينزل على وجهها عناد شاف الموية تصب على وجه دائري ابيض جمال كانه حاضن قمر بين ايدينه مو وجه بنت مغمى عليها كأنها حورية بين ايدينه
ام عناد: صحت عناد من سكرة جمال هجير ياوليدي طمني عنها تتنفس اولا ؟
عناد :يمه البنت يالله تتنفس اخاف تموت وانا السب وربي ماسامح نفسي
ا م ساره: ياوليدي انت ماا ذنبت هي طلعت من بين المزراع فجأة وانا ابقرا عليها وان شاءالله ربي يحفظها
عناد: شالها وحطها ورا وركبت ام سارة جنبها كل شوي يتخيل شكلها صورتها قدام عيونه استتغفر ربه اعوذ بالله البنت بين الحياة والموت وانا اتخيلها فرك جبينه بتوتر يارب تبعد صورة وجهها عن عيوني ووصلو بسرعه للمستشفى ونزلها بسرعه
ا م ساره: ماراح نخليها حتى نطمن عليها وندور على اهلها غريبه ايش طلعها بالوقت المتاخر من بين مزارع الله يستر علي بنات المسلمين بس
عناد: بتوتر ايه الله يستر عليهم ويحفظها ركض للدكتور سأله عن حالتها
الدكتور: هي تحت تاثير المخدر الحين بس ان شاءالله الضربه بسيطه بس كانت على الرأس بعد ماتصحى راح نتأكد من حالتها
طبعا جو الشرطه وحققو بالموضوع بس بما ان ابو عناد له مرتبه كبيره سكرو المحضر حتى تفوق البنت من المخدر
ام سارة: روح ياوليدي ارتاح وانا ابجلس عندها
عناد: ماتركك واتركها يمه مستحيل
ا م ساره: امك قلقانه عليك روح مع ابوك
ابوعناد: يالله اسمع كلام ا م ساره وروح لامك طمنها عنك
((( طبعا ام سارة زوجة ابوه جلست مع ابوه 15 سنه ماحملت طلبت منه يتزوج وخطبت له بعد زواجه جاب عيال من زوجته الثانيه واول فرحته ولده عناد طبعا علاقة ام سارة بام عناد طيبه مره لان ام سارة مراة متدنيه وتخاف ربها وربت عناد كأنه ولدها وزوجها فرح ان زوجته جاه ولد يملا عليها حياته بعد ماكبر عناد وصار عمره خمس سنوات حملت بساره بس مانقص حبها لولد زوجها عناد بس ساره بعد ماصار عمرها 18 سنة جاها مرض السرطان وتوفيت مابقت غير ذكراها ببالها بس ام سارة وحده مؤمنه بقضاء ربها تصبرت واحستبتها ان تلاقيها بجانت الخلد))
**************************

في بيت طلال
طلال: وصل للبيت حط شنطته وصار قلبه يدق بقوة وبشوق ولهفة عيونه تدور على حبية قلبه على من سرقة قلبه واعمت عيونه من زود حبه لها وعشقه لها ودخل وهو يدور على هجير وينادي عليها تفاجأ ان أمه في بيته حياك يمه
نوره : حياك وحمد لله على سلامتك
طلال: سكت احترام لأمه بس كانت عيونه تدور على حبيته بكل لهفه وشوق ومقرر ينسى كل شي ويفتح صفحه جديده معاها
نوره: جلست بكل برود وتمثل الحزن لاتتعب نفسك زوجتك هاربه من البيت لها يومين طالعه وسرقتك كل الي بخزانتك
طلال: اييييييييييييييييش مو معقول هلالا مستحيل هجير تسويها
نورة: بكل برود انا كذابة
طلال :حاشاك يمه بس ليه تهرب مستحيل تسويها
نورة: جيت ولقيت البيت فاضي والخزنة مفتوحة وفاضية مافيها شي سألت الشغالة قالت مدام راح مع بابا حمد
طلال:عصب حيل و ركض للتلفون يدور رقم اهلها
نوره: انا احرص منك رحت لبيتهم مودورتهم بالتلفون بس هربو بعد هم شكلهم تقاسمو الفلوس وطارو
طلال: بعصبيه يمه ايش تقولين مستحيل مو معقولة هجير تسويها
نوره: ان كانت بنت حرام تستغرب منها شي
طلال: بصوت عالي يممممممممممممه ماسمح لك على هجير
نوره: وقفت بعصبية لاترفع صوتك علي وان كنت ماصدقتني روح تأكد بنفسك وطلعت وهي معصبه وراحت للقصر
طلال: ركض فوق مثل المجنون فتح غرفتها لقى كل شي على وضعه فتح دولابها شافها ماخذت شي من ملابسها راحت لمكتبه علشان يتاكد من كلام أمه فعلا شاف التجوري فاضي مافيه شي انجن معقوله سويتها ياهجير معقوله خنتيني دق على جوالها بس لقاه مقفل رمى جواله من زود القهر وانكسر كم قطعة راح وطلب من السواق يوديه لبيت اهلها جلس يطق الباب فتح له جيرانهم قال رحلو للشمال جن جنونه قال ماتعرف مكان نسيبهم عبدالله قال الجار لاياخوك ماعرفه بس اخبره يشتغل بورشه قريبه منا اخذ الوصف طلال وراح لعبدالله نزل وسلم عليه
عبدالله: رد عليه ببرود
طلال: بعصبيه بس ماسك نفسه وين خالتك وزوجها
عبدالله: انتهت علاقتي فيهم من يوم بنتهم ماطاح ولدها وانا طلقتها وارتحت منها
طلال: يعني سرقوني هم وبنتهم واهربو خدعوني وراحو
عبدالله: كمل شغله مادري عن شي لان عبدالله حزين من يوم عرف خبر هجير من امه انها موبنتهم وان امه كانت تعرف ومخبيه عليه علشان كذا كانت تتامر على موضي مثل ماتبي والا تفضحها بعدها عبدالله كرههم وكره بنتهم وطلقها بعد مانزل ولده ماصار يربطه شي معها
طلال: جره مع عضده رد علي صحيح الي سمعته اولا
عبدالله: بحزن للاسف صحيح
طلال: فتح عيونه بقوه وزادت عصبيته ترك ايد عبدالله بقهر وراح لسيارته كره هجير المخادعه كره اهلها يتمنى يلقاها علشان ينتقم منها راح لامه وجلس على الكنبة بكل قهر وحقد وخيبة امل وقالهااببلغ عنهم
نوره: بكل برود وهي تناظر بأظافرها لاتبلغ
طلال: وهو معصب ليه مابلغ تسرقني ويخدعوني وتتعاون معاهم وماابلغ
نوره: قامت بعصبيه تبغى تفضحنا انت انجنيت ايش تبغى الناس يقولون نورة زوجة ولدها لقيطه حراميه لاااااااا خلاص خلهم يعرفون انك طبت خلاص وخلصنا غرضنا منها وانها ماتناسبنا وخلاص طلقتها وتزوجت غيرها حتى اختك وعمك هشام مابغاهم يعرفون
طلال: بعصبيه اكثر طلقتها وتزوج غيرها ليه متى تزوجت ومتى طلقتها اصلا
نوره: جلست وكتفت ايدينها راح تطلقها وتتزوجت رنا
طلال: بصوت عالي الى هنا وبس يمه هجير ماراح أطلقها حتى انتقم منها وادوسها بين رجولي واعرفها ان الله حق واعرفها منو طلال الي تخونه وتلعب بمشاعره وبنت اختك لو مايبقى بالعالم غيرها ماراح اتزوجها وطلع وصفق بالباب
حنين: قابلته ايش فيك طلال صوتك انت وماما واصل لاخر البيت طنشها مارد عليها وكانت عيونه حمراء من زود العصبيه والقهر الي يحس فيه
حنين: دخلت تسال امها وعلمتها امها بالسالفه بدون ماتعلمها تن هجير طلعت لقيطة لامستحيل ماما مستحيل هجير تسويها
هشام: كان داخل انصعق بالي سمعه دخل بسرعه وهجير وينها نسى نفسه
نوره: تناظره باستغراب وانت ايش دخلك فيها
هشام: ارتبك قال زوجة ولدك وابنك اعتبره ابني والا نسيتي يانوره
حنين: قامت ضمت هشام عمي مسكينه هجير مستحيل تسويها اناعرفها زين اكيد اهلها ظالمينها وملفقين عليها التهمة وربي حرام
نوره: قامت وجرتها مع يدها حرمت عيشتك بنت الحين سرقة اخوك وخانته وترحميها اصحي فوقي طيبتك الزايده راح تدمرك
حنين: تناظر امها ماما اعرف هجير زين
نوره: وسرقتها لاخوك وخيانتها له وتلصقها بهشام وهروبها مع اهلها ايش تعبرينه
هشام: بعصبية مستحيل تسويها وعمرها ماتلصقت فيني
نوره: ناظرته من فوق لتحت قالت وانت ايش دخلك ومن متى تعرفها لاتكون بعد انت حاط العين عليها تراني موغبية ولاافهم انها حتى انت الفتفت عليك وسحرتك كم مرة ادخل غرفتك وانت نايم واسمعك تهمس تنادي عليها وانت نايم عقربة وراعية رجال ومصالح مافيه رجال غني مالفت ايدينها حوله
هشام: ارتبك من كلامها خصوصا يوم عرف ان نورة عارفة اهتماه فيها بس حزنه لفقد هجير اعماه عن خوفه من نورة رد بعصبية خلي عنك الشكوك الي مالها داعي انا ماعرف هجير بس هي صديقة حنين وحنين مستحيل تحب بنت الا مثل اخلاقها وطيبتها
نوره: بعصبيه حنين خبله ودايم تمشي مغمضه ماتفرق بين الخير والشر
حنين: تناظرها بقهر ودموعها تنزل من عيونها فرقت بين الخير والشر ورفضت زواجي من الشر تركي وانتي اجبرتيني بعدها انعميت تجين تلوميني الحين
نوره: ترفعي صوتك علي يابنت ورفعت يدها تبي تضربها
هشام: مسك ايدها انجنيتي يانوره
حنين: راحت تركض لغرفتها تكمل بكاها

********************************
بالمستشفى
هجير: فتحت عيونها بهدوء وتناظر المكان مستغربه منه لفت تناظر حرمه كبيره بالسن لابسه برقعها واضح من عيونها الحنان والخوف عليها تكلمت بهدوء وتعب انا فين
ام سارة: انتي بالمستشفى صار عليك حادث والحمد لله نجاك ربي بس ننتظرك تفوقين علشان نبلغ اهلك لك ثلاثه ايام تفوقين وتروحين بغيوبه بس غريبه ماحد سأل عنك
هجير: انا مين واهلي مين ماذكر شي وجلست تبكي
ام سارة: ضمتها بسم الله عليك يابنتي يمكن من تأثير الحادث الحين انادي لك الدكتور يكشف عنك واضغطت الجرس وجت الممرضه
******************************
في مكتب الدكتور
عناد: طمنا عنها دكتور
الدكتور: هي تعاني من فقدان ذاكرة مؤقت بفعل الحادث وهي شكلها تعاني من ذكرى مؤلمه اصابتها قبل الحادث يرفض دماغها الاستجابه للتذكر ماضيها كانها تتهرب من ماضي مؤلم لها
عناد: قال بقلبه معقوله الي ببالي صحيح معقولة الملاك الي بين ايديني تكون مظهر بدون جوهرلا لامومعقلوة استغفرالله يارب يمكن تكون مغتصبة لا لا شكلها موشكل بنت مغتصبه كانت عباتها مرتبه وملابسها محتشمه بس لبس بنت فقيره لا مستحيل الوجه البريء الي شفته يكون احد دنسه صح شفتها وهي مغمى عليها بس واضح جمال وبرآءة وجهها طلع لزوجة ابوه وبلغها
ابو عناد: الحين ايش الصرفه البنت فاقده الذاكره ومافيه ناس دورو عليها
ام سارة: راح اخذها تعيش عندي حتى ترجع لها الذاكره او اهلها يبحثون عنها
ابو عناد: بكل احترام لزوجته الاولى ياأم سارة لاتحملين نفسك مسؤليتها وايش يثبت ان البنت شريفه وانها سوت هالحركه هاربه من اهلها
ام سارة: استغفر ربك يابوعناد انا متوكله على الحي القيوم والبنت ماراح اظلمها ابد ابسكنها عندي وان شفت عليها أي شبهه بلغتكم مع ان وجهها مايدل عليها الخبث بعدين يمكن ربي رزقني فيها يعوضني عن فقدي لبنتي سارة وخنقتها العبره
عناد: باسها مع راسها الله يجزاك خير يمه وان شاءالله ربي يعينك وتكون البنت عند حسن ظنك
ام سارة : هي ناسيه حتى اسمها ماتعرف شي من متضيها بس اناابناديها ســـــــــــــــــــارة
انتهى الجزا العشرررون
كيف راح تكون حياة هجير بشخصية باسم وشخصية جديدة ؟
طلال هل راح يتوقف عن البحث عن هجيررر؟
هل راح ينسون طلال وهجير حبهم وعشقم لبعض ؟
راح تشرفنا شخصيات جديدو مع سارة الجديدة اتمنى انكم تحبوهااا
فائدة:
((كلام مريح للقلب ))
اذا اتعبتك آلآم الدنيافلاتحزن
فربما اشتاق الله لسماع صوتك
. وانت تدعـــوه.
لاتنتظر السعادة حتى تبتسم
ولكن ابتسم حتى تكون سعيد
لماذا تدمن التفكير!!!
والله ولي التدبير
ولماذا القلق من المجهول !!!
وكل شي عند الله معلوم
لذلك اطمئن فأنت
في عين الله الحفيظ سبحانه
وقل بقلبك قبل لسانك ,,,
. سلمت امري لخالقي .
دمتم لي بودا
ختكم همووسة ((( امي روحي ))

الــــــــــ ج ــــــزأ الــواح ـــد والــ ع ـــشــرون (21)
كانت تجلس في ساحة منزلهم والهواء يلعب بخصلات شعرها المتمرده سارحها بعالمها الخاص
سنه مرت وماعرف اهلي سنه مرت واحاول اتذكر ماقدرت الى متى اظل كذا تائهة ضائعة لا ماضي ولا أهل
حست بيد ناعمه تغمض عينيها تلمست وعرفت اليد وصاحبة اليد القريبه من قلبها
هجير:يالدوبا عذوبه عرفتك
عذوب: ابعدت يدها وجلست جنبها كيف عرفتيني
هجير: اشم ريحتك من مسافة الف كيلو هههههههههههه
عذوب: يالنصابه الف كيلو عاد قولي متر مترين يمكن نمشيها بس الف كيلو لو نوينا نمشيها تغرز ماتمشي ههههههههههه المهم ايش كنت سارحه فيه اخت سارة اعترفي بسرعه لاتكوني تحبي بس وهيمانه بحبيك وغمزت لها بعينها
هجير: تنهدت بضيق افكر بحالي هنا سنه وانا ماذكر شي سنه وجالسه على قلب امي لاشغل ولامشغله سنه وانا عاله على عمي جالسه في بيته عند زوجته مقيدته ورابطته وهو بيته بكل وقاحه مليت ياعذوب مليت
عذوب: بلا اوهام وخرابيط امي هيله الي تنادينها امك زي ماناديتها تراها معتبرتك بنتها سارة وماتتخيلي فرحتها فيك قسم نفسيتها تحسنت لانها بعد وفاة سارة الله يرحمها صح تصبرت بس كان واضح الحزن بعيونها انتي جيتي وقضيتي على وحدتها وربي اقرا الفرح بعيونها يوم تناديك سارة وابوي اصلا من زمان غرفته تحت وهو مشغول مايجي الا عند العشاء ةيتعشى وينام او وقت الغداء وربي انه يعتبرك زي بنته
هجير: وربي انهم مغرقيني بجمايلهم ومستحيه منهم مادري كيف ارد لهم جميلهم
عذوب: لانك غبيه تحبي تتعبي نفسك على الفاضي والا من زود حياك صممتي تشتغلي وخليتي امي هيله تخلي ابوي يدورك لك وظيفة كل هذا موسوسه ماتبغين تكلفين عليهم وتخلينهم يصرفون عليك
هجير: الوظيفه هونت علي شوي ازين من جلستي على قلب امي لاشغل ولامشغلة استحيت ياعذوب استحيت منها
عذوب: بس صعبتي على اخوي عناد
هجير: رفعت راسهاوناظرتها باستغراب ليه صعبة عليه
عذوب: مسوي فيها العاشق الي يغار
هجير: باستغراب عاشق
عدوب: ايه ياويل حالي بس الولد مابين بس واضح انه متعلق فيك دايم يسألني عنك ويهتم فيك ويفرح يسمع اخبارك وان جيتي لنا يركض يشتري الشكولاتات الي تحبينها وان قلت ابروح لبيت عمي خالي مايهتم يالله يوديني بحبة خشم بس ان قلت ابروح لسارة يطير ويتجهز ويوقف على راسي يالله تأخرتي ولازم نمر بندة نشتري الشكولاتات الي تحبينها يقول علشان تستمتعون بسهرتهم ياحسرة وهو اصلا مومعبرني عارفة كل هذل لحبيبة القلب وجن جنونه يوم ابوي وظفك بالمستشفى الخاص حق صديقه ورفض بس ابوي قاله مالك دخل فيها يالله لقيت احد يوظفها وهي ماعندها اوراق رسميه بس ابو ابراهيم ماقصر فزع لي وقال مستشفانا خاص واقدر اوظفها باسم بنتك سارة الله يرحمها
هجير: ماقصر عمي والله سكتت شوي وسرحت ليه ماهتميت بكلام عذوب عن عناد ليه ماحرك فيني شي ايش الحاجز بيني وبينه
ام سارة: يالله بنات استعدو راح نطلع للمزرعه
البنات سمي يمه
**********************
في مكتب هشام
بعيدا عن هجير فيه شخص ماغابت عن باله ولالحظة وهي موعارفة شي من حبه لها وبحثه عنها
جالس بمكتبه الفخم ويفكر سنه وانا ادور عليها مالقيتها كله منك يانورة متاأكد الي صار من تحت راسك لازم القاها قبل مايلقاها طلال ان لقيتك ياهجير مستحيل اتركك او افرط فيك ماراح اخاف من نورة وتهديداتها خلاص مليت فقدتك ياهجير وفقدي لك عذبني ماتفارقيني لا بحلمي ولابعلمي احبك وربي احبك الله يجمعني فيك بس غبي انا بعد ماكانت قريبه مني فرطت فيها حتى طارت من يديني وراحت بعيييذ اااااااااه ياهجير حيه او ميته بس لو كانت ميتة بلغوني الشرطه ان كنتي حيه مبسوطه اولا خايفه او آآآآآآآمنه مسك راسه ارحمني يارب ارحمني رجعها لي يارب عذبتيني ياهجير بهروووبك عذبتيني حييييييييييييل
**********************
في المزرعة
عناد:السهره حلوة بس ناقصه شاهي
يوسف: فز سوا لنا انت
عناد: قام وراح لمطبخ الرجال بس مالقى سكر راح يدور ماحصله دق على اخته
عذوب: ونصها نوم خير
عناد: جيبي لي سكر من مطبخكم
عذوب: مالي حيل تعال خذه انت
عناد: مجنونة انتي ادخل قسمكم
عدوب: مافيه احد اصلا كلنا نايمين وسكرت وكملت نومتها
عناد: والله انها سخيفه
يوسف: من هي؟
عناد: العوبا عذوبه فيه غيرها تقولي نايمه مالي حيل انزل تعال انت خذ السكر
يوسف: فديتها بس لاتتعبها وتصحيها من نومها روح انت
عناد: مسكه مع حلقه كم مره اقولك لاتجيب طاريها
يوسف: اول عيب بس الحين لاتنسى اني لي شهر خاطبها اقلب وجهك بس
عناد: اجل اشربو مويه ماراح اسوي لكم
زياد: تكفى عناد روح جيب
عناد: ليش ماتجيب انت
زياد: هذي مزرعتكم واستحي ادخل من داخل يالله خلينا نصحصح على لعب البالوت
عناد: راح داخل وجلس يدور السكر
هجير: كانت جالسه برا البيت تحاول تتذكر ماضيها بس ماقدرت كل ماتحاول تتذكر اكثر يجيها صداع مؤلم الدكتور مانعها انها تضغط على نفسها بالتذكر يقولها راح ترجع لك ذاكرتك بالتدريج او بصدمة عصبية بس هي مصممة تعرف ماضيها يالمها حياتها كذا بدون ماضي بدون اهل بس وين أهلي ليه ماسالو عني ليه مادور علي يوم تعبت طلعت من شنطتها حبوب الصداع الي وصفها لها الدكتور بس راحت للمطبخ تشرب موية علشان تاكل علاجها دخلت ومانتبهت ان احد بالمخزن وفتحت الثلاجه ومسكت كاس المويه تبي تشربها بس رفعت عيونها وهي متفاجئه بوجود عناد
عناد: طلع من المخزن وشاف البنت الي ماسكه شعرها بشباصه وكانت تلبس بلوزه ناعمه ماسكه على جسمها لفت عليه وياليتها مالفت شاف ملكة جمال عيون كبار ورومشها طويله بيضاء وجهها دائري صغير شفايفها رفيعه مجمل خدها حبه سوداء ناعمه
هجير: طاحت الحبة وكاسة الموية من يدها وهربت فوق
عناد: سكر بشوفتها مافوقه الا هروبها ناظر مكانها واتبع اثرها طلع بسرعه ونسى الشاهي واصحاب الشاهي حط ايدينه بجيب بنطلونه وصار يمشي بالمزرعه يفكر فيها معقوله كل هالجمال وغير هذا جمال اخلاقها سنه عمري ماشفتها سنه عمري ماسمعت صوتها الا اذا كلمتها امي هيله ترد عليها بهمس اااااااه ياسارة ليتني ماشفتك سنه وانا اقاوم حبك بس الحين عشقتك بجنون ياسارة دق جواله طنشه دق ثانيه وثالثه رد خيررررر
يوسف: بسرعه كل هذا شاهي صار ذبيحه موشاهي
عناد: نامو ابرك لكم ماراح اسوي لكم شي وسكر السماعه ورفع عيونه لغرفة البنات تنهد يابختة عذوب فيك تجلس معاك تسامرك تضحك لك انا مستحيل اتحمل احد يشوفك بالمستشفى لازم ادور اهلها وافصلها من عملها واتزوجها سارة لي انا وبس
هجير: كانت ترتعد فوق حمدت ربها ان البنات نايمات خصوصا عذوب كان ماترحمها من التعليق نظراته لي كانت حارة واخته علمتني انه يحبني ليه ماحبه وماحس قلبي يميل له كم موظف معاي بشغلي بس ولا واحد منهم لفت نظري عناد رجال جذاب واغلب البنات من اقاربه معجبات فيه ليه انا مو معجبه فيه معقوله كنت احب قبل فقداني للذاكره وحبه يمنعني من حب غيره ******************************
في مكتب طلال
طلال: طيب عمي ولايهمك خلاص امرك على راسي من فوق وسكر السماعه
راكان:ايش يبغى منك عمك لايكون على سالفة المستشفى بس
طلال: ايه مدوخني عنده يقول انت شريكي ولازم تشرف عليه ماضمن عمري لازم تتعود عليها اخاف يجيني شي وماتعرف تديره بعدين
راكان: كان قلت له وشركتي هذي اخليها
طلال: قلت له قال فيها راكان قدها وقدود وراح تصير هنا ايام وهناك ايام حتى تتعود على كل شي خصوصا انه الحين مسافر للخارج صمم اكثر اروح هناك واديره بنفسي
راكان: الله يعينك على اوامره سبحان الله راسه يابس
طلال: بس يفداه كل شي عمي ابو ابراهيم هو عم ابوي وابوي وصاه على اموالنا وماغلط يوم وصاه فعلا تحسه يخاف على فلوسي انا وحنين اكثر من خوفه على عياله
راكان: الله يخليه لكم يارب
طلال: اللهم امين
*************************************
[في المزرعة
هجير: اصلا ماجاها نوم من البارح وهي متوترة من شوفة عناد لها ونظرات الحب ووالوله والشوق الي واضحة من نظراته ترحمه لانها ماتحمل بقلبها أي ذرة حب له وابوه ماقصر معاها جالسة مع ام سارة وام عناد والحريم الكبار تفطر معاهم والبنات نايمات
ام عناد: سارة يابنتي شكلك مانمتي البارح عيونك ذبلانة
هجير: بخجل الا نمت يالخالة بس مصدعة شوي
ام سارة/ بسم الله عليك يابنتي اكيد اجهدتي نفسك بالتفكيروالدكتور محذرك تجهدي ذاكرتك عساك اكلتي علاجك
هجير: اتربكت لان اكلها علاجها دكرها بشوفة عناد لهاماتقدر تكذب نسيت اكله يمه
ام سارة: الله يهديك ليش تهملين نفسك
عناد: ياولد فيه احد
سارة: ارتبكت وجت تبي تقوم
ام سارة: مسكت يدها ولستها جلال وهمست لها يابنتي تغطي واجلسي انتي تعبانة وماباك تغيبن عن عيني ولالحظة هو يبايسلم ويطلع
عناد:دخل وسلم عليهم وباس راس امه وزوجة ابوه نزل راسه قال بحياء وبحنان وووله وشوق صبحك الله بالخير ياسارة كيف اصبحتي
هجير: بهمس اقرب للصمت وباختصار شديد ان شاءالله بخير
عناد: يعجبه خجلها ويشده لها اكثر اعطى امه ابرة السكر وطلع وخلاهم بس ترك قلبه بين ايدين سارة تتحكم فيه زي ماتبغى سرقة عقله وقلبه
*****************************

في المستشفى
طلال: يدور على اقسام المستشفى ويتاكد من كل قسم علشان يتعرف على كل شي وهو يمشي الا يشوف بنت تمشي قدامه بكامل حجابها عباية ساتره هي معطيته ظهرها بس لفت نظره شعرها لفته واضحه من تحت العباية يبين كثر شعرها من تحت عباتها لانها واضح انها مجمعته وطالع كتله عجز يغض بصره عنها تابعها حتى دخلت غرفه خاصه بالممرضات
حسين: تعال يابو فهد ابعزمك على كوب كفي
طلال: شكرا ماقصرت
جلسو سوا سواليف عن العمل
هجير: راحت هي وسلوى تشتري فطور
طلال: كان يكلمه حسين ومانتبه له لانه تعلقت عيونه بزول البنت الي تمشي متجهة للكفي كل مايشوفها تعلق عيونها فيها ليه يدق قلبي بقوة يحاول ينزل عيونه موقادر كل ماينزلها يرفعها جهاتها ثانية
هجير: اخذت فطورها ومشت تدور طاوله لها هي وسلوى طاحت عيونها على طلال دق قلبها وحنت له ماتعرف ليه جلست تفكر فيه ومو منتبه لكلام سلوى كل شوي تلف تطالعه غريبه كم مره اشوف اوسم منه بس ماعمر قلبي دق لغيره سنة كاملة ماحنيت لرجل كأنه حرك ذكريات ببالي المها راسها ومسكته
سلوى: شوفي هجورة شكله هذا المدير الجديد ولد اخو مديرنا
هجير: لفت تناظره بس يوم شافته يناظرهم لفت على سلوى ايوه اشوفه
سلوى: الله يستر بس لايكون مسوي فيها شديد يشدد علينا تعودنا على حنان ابو ابراهيم الله يخليه
هجير:ماتعرف ليه هي مضطربة كدا ايوه ابو ابراهيم طيوب ومايقصر معانا ابد
سلوى: بس تصدقين يجنن وجع عليه هههههههههههههه
هجير: بدون نفس ايش دخلنا فيه زينه له
سلوى: حبيتي سارة فيك شي
هجير: لابس صداع خفيف
سلوى: قلبي لاتتعبي نفسك بكثرة التفكير (( سلوى صديقه مقربه لهجير وتعرف انها موساره وانها بنت فاقده الذاكره))
هجير: ابقوم اريح في المكتب شوي
سلوى: ماكلمتي فطورك
هجير: انسدت نفسي ابخذ مهدي واريح قبل ماينتهي البريك
سلوى: مشينا حبيتي
ومرو من جهة طلال
طلال: ناظر في النتين اليم رو من عندهم بنت طويلة ومتينة والثانية نحيفة ومتوسطة الطول عجز يغض طرفه عنها حتى غابت عن عينه
حسين: لاحظ نظراته للهجير ومات من الغيره قال ان ماجبتك راسك يالي مسويه ثقل ماكون حسين
طلال: يعني انت هنا مدير الموظفين
حسين: ايه
طلال: فيه موظفين مايستاهلون او يلعبون اعرف عمي طيب واخاف يتسامح معاهم
حسين: بكل خبث ايه فيه وحده متلاعبه وتشغل اعجاب الشباب الي حولها بدلعها وخبثها ومكرها تسها موجاية شغل جاية تلعب وتغازل بس
طلال: عقد حواجبه ومابلغت عمي عنها
حسين: عمك هي بالذات مايسمع فيها ولايشوف لانها بنت صديق غالي عليه كل ماجي ابلغه عنها علشان يوفق استهتارها يسكتني بكم كلمة وانا تعرف عبد مامور ان قالي خلها خليتها
طلال: ضرب بالطاوله لا صديق ولاهم ان ثبت عنها الي تقول اقنع عمي واخليه يطردها حلوة تستغل مكانة ابوها وتلعب على كيفها اعرف طيبة عمي بس الطيبة ماتمنعنا نوقف المستهترين عند حدهم
حسين: فرح بس ماحب يوضخ كمل ايه مشكلة ابو ابراهيم طيبته
طلال: قام خلاص لايكثر نادها لي وجيب ملفها
حسين: توك مالك غير اسبوع هنا ريح الحين وبكره ان شاءالله احولها لك
طلال: وهو معصب الحين يعني الحين
حسين امرك وراح طيران على مكتب الي فيه هجير طلبها برا
هجير: لاحول ولاقوة الا بالله ايش يبغى الحين هذا متى راح يفكني وارتاح من شره اوووف منه قرفني قسم ونكد علي بعملي
سلوى: كم مرة اقولك بلغي عنه ابو ابراهيم يربيه بس مسوية فيها البنت الرحومة
هجير: ايش تبغاني ازعج ابو ابراهيم بمشاكلي وهو ماقصر معاي بشي
سلوى: طيب قلبي روحي شوفي ايش يبغى وان بغيتني اجي معاك اجي واكسر راسه ووقفه عند حده ((طبعا سلوى دفشة ماعندها يمه ارحميني ))
هجير: عدلت نقابها زين لاحبيتي انا ابروح اشوف ايش يبغى تاكدت انه ماطلع شي من عيونها او يدينها وطلعت له بالممر تكتفت خير
حسين: ابتسم تريقه ماتوقع تشوفي الخير بعد يومك هذاالمدير الجديد طالبك
هجير: استغربت ليه طالبني
حسين: قرب شوي منها لاني حالف اني اجيب راسك ياسارة ومافيه احد يوقف بوجه حسين
هجير: بكل ثقه لا انت ولاعشرة من امثالك تجيبو راسي
حسين: راح نشوف ياقوية يالله تراه على احر من الجمر ينتظرك لاتتاخري عليه وراح وخلاها
هجير: دخلت وهي مضطربه اصلا كانت خايف عكس القوة الي كانت تتصنعها قدام حسين علشان مايفرح عليها
سلوى: ايش يبغى منك
هجير: يقول ان المدير الجديد طالبني وحسين متوعدني يجيب راسي شكله مشوه سمعتي عنده
منال:تكره هجير لانها تغار منهالانها تحب حسين موت بس حسين تركها وحب هجير ايه عاد يقولون ان المدير الجديد مافيه يمه ارحميني يعني واسطتك عند ابو ابراهيم راح تروح تحت رجوله ههههههههههههههه
سلوى: انتي جب ولاكلمه خليك بشغلك ابرك لك وهجير ماغلطت وماراح يضرها شي ربي يحميها وانا مستحيل اخليها اخذت نقابها وقالت يالله ابروح معاك مستحيل اخليك تواجهينهم لوحدك
هجير: لالا قلبي مايصلح راح يرفض المدير دخولك واكيد راح يتخذ فكرة اشين عني ان شافني جيبتك معاي
سلوى: ضمتها مع كتفها حبيتي ماقدر اخليك لوحدك
هجير: انا مو لوحدي معاي ربي راح يحميني من مكر حسين
منال: رفعت حاجب بتريقه قالت نشوف
سلوى: انتي راح تنطمين او لا؟
منال: بتريقة خلاص حبيتي الله يرد لك حبيبتك سالمة
سلوى: غصب عنك وعن عشرة مثلك انتي وحسينوووه
************************
في مكتب طلال
طلال: لف على حسين بعصبيه وينها لي نص ساعه مأخر اشغالي وحضرتها ماجت بس تجي واعرفها النظام كيف
حسين: دايم كذا تتاخر على كيفها ومطنشه كل شي ورا ظهرها وان قلت لها شي اشتكتني عند ابو ابراهيم وقالي خلها لاتقرب منها
طلال: راح تشوف الحين كيف دلعها يهلكها
هجير: كانت تدعي ربها يحميها من المدير الجديد وترددتت تطق الباب
طلال: سمع طقتها قال لحسين اطلع وخلني انا والسكرتيره معاها
حسين: طلع وناظر بهجير وغمز لها اتمنى لك وقت ممتع بس على فكرة تراه معصب حيل وماعنده يمه ارحمني هههههههههههه
هجير: خافت اكثر وفتحت الباب بشويش ناظرت لقت سكرتيرته اللبنانية قدامها جالسه وبعدين غرفة زجاج تفصل بين الممرضه وطلال ناظرت تشوف رجال عريض المنكبين منزل راسه يقرأ بملف ويقلبه وواضح من حركات ايدينه انه معصب
الممرضه:ااخذتها ودخلتها عليه وسكرت عليهم باب الزجاج
هجير: وقفت بخوف ساكته بس قالت بهدوء السلام عليكم
طلال: رفع راسه و.[/color] *
*
*
راح تعرفون لقاء هجير وطلال بالجزا الثاني والعشرون ان شاءالله
بس ايضا راح تعرفون من له الرصاصة الثانية راح تنطلق على مين هالمرة
اتمنى انكم قضيتم وقتا ممتعا مع هالجزا
فائدة:
فوائد الصيام الصيام الصحية
فوائده الصحية
وقاية من الأورام
يحمي من السكر
طبيب تخسيس
الأمراض الجلدية
وقاية من داء الملوك
جلطة القلب والمخ
آلام المفاصل
دمتم لمحبتكم بود
اختكم هموووسة (((امي روحي ))

الـــ ج ـــزا الــثــاني الــ ع ـــشــرون ((22))
حسين: طلع وناظر بهجير وغمز لها اتمنى لك وقت ممتع بس على فكرة تراه معصب حيل وماعنده يمه ارحمني هههههههههههه
هجير: خافت اكثر وفتحت الباب بشويش ناظرت لقت ممرضه قدامها جالسه وبعدين غرفة زجاج تفصل بين الممرضه وطلال ناظرت تشوف رجال عريض المنكبين منزل راسه يقرأ بملف ويقلبه وواضح من حركات ايدينه انه معصب
الممرضه:اخذتها ودخلتها عليه وسكرت عليهم باب الزجاج
هجير: وقفت بخوف ساكته بس قالت بهدوء السلام عليكم
طلال: ريحة هالانسانه موغريبه عليه همسها بعد موغريبه عليه رفع عيونه لها نفس البنت الي لفتت نظره بشعرها عمره ماهزت بنت كيانه من بعد حبه لهجير ليه هالبنت بس هزت كيانه رجع يتاكد من ملفها شاف مكتوب فيه ساره بنت علي بن .
هجير:كانت منزله عيونها وايدينها ترتعش ماقدرت ترفع عيونها له
طلال:انتي سارة بنت علي ؟
هجير: الصوت هذا موغريب علي اعرفه زين صوت عذبني بحلمي وعلمي رفعت عيونها له التقت نظراتهم حاولت تتذكره ماقدرت وجهه اول مرة تشوفه ((طبعا لان هجير ماتتذكر شكل طلال قبل الحادث دايم يلبس نظارة وكان وجهه مشوه وجشسمه نحيل وهي الحين فاقدة للذاكرة صعب عليها تتذكرة بس حاسة انها تعرفها تحاول تتذكر موقادرة ))
طلال: عقد حواجبه وبعصبية وتريقة ايش فيك بلعتي لسانك جاوبيني بسرعه وحركاتك هذي بطليها انتي موقدام ابوابراهيم الي استغليتي طيبته انتي قدام طلال بن فهد
هجير: وجعها قلبها كاد يوقف من شدة مادق جلست تردد بهمس طلال بن فهد اسمه موغريب علي اعرفه متأكده اعرفه حتى شكله موغريب علي مسكت راسه حست بوجع غير طبيعي وكل شوي صداعها يزيد عجزت تتحمل الألم صار فوق طاقة تحملها ومسكت راسها لعله يخف عليها
طلال: استغرب حركتها كأنها تتألم البنت موطبيعيه ابد ناداها سارة بس البنت مو يمه واضح انها تتألم حيل من مسكتها لراسها وقف بسرعة وقرب منها وكلمها بهمس وحنان لأنه خاف عليها سارة متعبك شي تحسي بشي يألمك ؟!؟!
هجير: كانت تبعد عنهوهي ماسكة راسها بقوة وصداعها كل شوي يزيد صارت الدنيا تلف فيها تحاول تشوف الي قدامها ماقدرت شوي الا تطيح مغمى عليها
طلال: مسكها قبل ماتطيح على الارض وشالها وحطها على الكنبة و وقرب منها وفسخ غطاها سوا لها تنفس صناعي وبسرعه كلم دكتور وجو بسرعه شالوها راح معاهم ووقف عند الباب يجلس ويقوم متوتر وخايف ومضطرب البنت هذي موطبيعية ابد فيها شي بس مادري ايش معقوله من زود خوفها صار لها كذا راح لمكتبه دق على الدكتور سأله بخوف وقلق عليها بشرني عنها
الدكتور: اصيبت بانهيار عصبي وكل ماتقوم تبكي وحنا نعطيها مهدئات الحين
طلال: وقف بخوف انهيار عصبي معقوله كل هذا بسببي أنا دق على السكرتيرة بسرعة نادوا مها اول ماحب يروع أهلها بس الحين لازم يجون ويجلسون حولها ويفهم منهم كل شي
ام سارة: تركض مع عناد ايش فيها بنتي بسم الله عليها مافيها شي يوم تطلع من عندي وتبكي يارب سترك يارب لطفك
طلال: تأثر ولام نفسه على تهوره واستعجاله سألها ممكن ياخاله سؤال ؟
ام سارة: بكل حنان وهي تمسح دموعها تحت برقعها تفضل ياوليدي بس اسالني بعد ماشوف بنتي مالي بالدنيا غيرها
طلال: الحين الاطباء عندها اول مايطلعون راح ادخلك بس بنتك خوافه حيل او سبق لها انهارت عند موقف معين ؟
ام سارة: ماعمري شفتها منهارة بسم الله عليها اول مرة تصير لها كذا بس انت جاوبني ياوليدي احد ضايقها تراها حساسه ماتتحمل
طلال: الصراحه كانت مقدمه شكوى ضدها وناديتها ابفهم منها بس يمكني قسيت عليها شوي وانهارت قدامي وماسمعت صوتها اصلا
عناد: انطلق عليه مثل الاسد وجها مع ياقة ثوبه وكيف تسمح لنفسك تصارخ عليها قالوك مرميه عندك هي
طلال: ابعد ايدين عناد بكل عصبيه لاتنسى نفسك وناظره بحقد
ام سارة: يوم شافت الاثنين يبون يشبون نار هداتهم قالت ياوليدي ماصار الا الخير وانت ياعناد تعوذ من ابليس بنتي برعاية الله
الدكتور:طلع من عند هجير
الثلاثه: بشرنا عنها دكتور
الدكتور: عطيناها مهدي ومنوم بس رجاء لاحد يضغط عليها بالكلام هي منهارة مرة
ام سارة: ابدخل عندها ارجوك
الدكتور: آسف ياخاله خليها الحين ترتاح
ام سارة: راحتها ان كانت جنبي وانا ماقدر ارقد وانا ماتطمنت عليها وحيدتي هي ماستغني عنها
طلال: انقلوها لجناح اكبر وخل امها معاها
عناد: وده يذبحه قال لا راح ننقلها لمستشفى احسن من مستشفاكم
طلال: بعصبية راح تظل هنا ونعالجها من حسابنا
عناد: بعصبية واستحقار مستشفاكم الخايس اشبع فيه تمرضونها والحين تمنون عليها بعلاجكم اشبعو فيها مانبغى وظيفتكم ولاعلاجكم ويمه اول ماتقوم خليها تقدم استقالتها
ام سارة: تعوذ من ابليس عناد وارجع للبيت اهلك قلقانين على سارة روح طمنهم عنها
عناد: يمه راح انقلها
ام سارة: مشت عنه نفد كلامي ياوليدي ودخلت لغرفة سارة
عناد: يناظرها ويتمنى لو يدخل بدالها يحضن سارة ويحسسها بالأمان معاه قال بقلبه لية الوجع بعروق قلبي ولافيك
طلال: رجع لمكتبه وسكر بابه ماله خلق شي رمى نفسه على الكنبة وفتح ازارير ثوبه حاس انه مخنوق شكل صورتها مازالت محفورة بعقله صح كم مرة يشوف بنات جميلات ليه هالمرة البنت هزته ليه ذكرته بهجير يمكن شعرها يمكن همسها بس انا ماسمعت صوتها الا همس بس ليه همسها همس بقلبي ايش وجه الشبه بين هجير وبين سارة ليه غرت عليها من عناد وكأنها لي معقوله حبيتها من اول نظره ليه قلبي ميت له سنه فاق يوم شاف ساره حيا .منو انتي ياساره ؟ سنه كاملةماحبيت بعد ماخانتني هجير ولاحركت بنت شعرة بقلبي وجيتي انتي حركتي كل قلبي كرهت كل البنات بعدهجير ليه انتي هزيتي مشاعري . !!! منو وين طلعتي لي كنت معطي قلبي أجازة للابد مواعد نفسي ماراح أحب أي بنت او تعلق فيها جيتني انتي ذكرتيني في هجير وقلبتي مواجعي كنت أكابر واحاول انساها وطلعتي لي فجأة ياسارة .يمكنها مخطوبه ؟ لان عناد واضح انه يحبها اكيد مو زوجها لو زوجها كان دخل عليها وواضح الحب بعيونه لها أمها ماوبخته خلته وكأنها عارفه حبه لها اكيد خطيبته ضرب الطاوله خطيبته لامومعقولة سارة تكون له مستحيل اخليه
نسى نفسه بس بسرعة تدارك عمره استرخى ومسح على شعره بتوتر وجاوب نفسه وانا ايش دخلني فيها .!!!!
في داخله:بس هي الي ذكرتك بهجير
طلال: بس انا اكره هجير واتمنى القاها علشان انتقم منها
عقله: متأكد انك تكرهها ؟!؟! او تخدع نفسك ؟!؟!
طلال: مسك راسه مادري مادري !!!!!!!
******************************
بـــا لــقـــصـيــم
أمل: الجو هنا خياااااااااال
متعب: ايه القصيم معروفه بنفودها وجماله
خالد: بابا
متعب: عيون بابا
خالد: سمع لي الجزا الأخير من سورة البقرة علشان اراجع وأتاكد من حفظي لوسمحت يابابا
متعب: يالله اقرا علي
خالد: قرا على ابوه بترتيل وصوت شجي مايمل السامه من صوته أمه وأبوه تمنو انه يظل يقرا اكثر لان ربي عطى خالد ترتيل اكثر من رائـــع
متعب: باسه مع رأسه ممتاز ماشاءالله عليك ولاغلطة الله يحفظك
أمل: تناظره بكل حنان ماشاءالله عليه راح يكون إمام الحرم ان شاءالله
خالد: بابتسامة أهم شي ألبسكم تاج الوقار يوم القيامة
متعب: ابتسم ان شاءالله ياوليدي
أمل: وجعها قلبها من رده بس تعوذت من ابليس وسكتت
خالد: تسمحون لي اروح العب مع العيال
متعب: يالله يابوك اوصلك لهم
خالد: قام وقبل يروح مسك يد أمه وباسها ماما أحبك
أمل: وجعها قلبها أكثر مستغربة من تصرفات خالد اليوم موطبيعية ابد ضمته وأنا احبك أكثر ياقلب روح ماما انت
خالد: راح مع ابوه لاخوانه
متعب: رجع وجلس جنب زوجته
أمل : صبت له قهوته
متعب :سبحان من غرس حبه بقلبي اخاف افضله على اخوانه من زود ماحبه تخيلي من زود حنانه يوم وصلته لأخوانه مسك يدي وقالي اببوس راسك يبه نزلت راسي له ونزلت مستواه قرب لإذني قالي بابا احبك انت وماما وأخواني بس طلبتك لاتنزل دمعة ماما بيوم عوضها عن كل شي صار
أمل: قلبها وجعها أكثرحاولت تتصنع الابتسامة وتخفي دمعة تحجرت بعيونها ياقلبي هو حنون ويشغل باله بكل شي والحمد لله انت ماقصرت معاه سنة بس وعوضته عن سنين الحرمان الي عاشها
متعب:لسه ياأمل ماحس اني عوضته انا عذبته عشر سنين ومالي الا سنة راجع بس واغلبها اروح للدعوة يعني ماجلست معاه كثير ماتتخيلي كيف احاول اعوضه بأي طريقه
خالد:يلعب مع عمر وأطفال معاهم كانو قريبين منهم ولعبو معاهم عمرويشوت عليه الكورة لان عمر يحبه ومايحب يحسسه بالنقص عمر: اووووه الكورة راحت بعيد عنذ ذاك النفود
خالد: حس بخطر على اخوة النفود بعيد ؟
عمر لاجنبنا
خالد وجهني لها وانا ابروح اجيبها
عمر: لا انا اسرع منك
خالد: عمر لاتحسسني بنقصي ((تعمد يقوله كذا علشان يقنعه لانه حاس بخطر على اخوه ليه مايعرف السبب ))
عمر: خلاص روح وانا انتظرك
خالد: قرب جنب النفود وكان نفود جزا منه كانه حد السيف ومعروف بخوطرته لانه معرض باي وقت انه ينهد خالد قرب يشيل الكورة بس فجأة انهد النفود وغمر التراب
عمر: شاف التراب وهو يغمر اخوه صررررررررررررخ خاااااالد
متعب: كان يشرب قهوته طاح الفنجال من يده وركض لجهة عياله
أمل : نست رهف وركضت وهي تدعي ربها ان يستر على عيالها
متعب: حاول يسرع وهو يحفر بالتراب بس ماوصل لشي
الناس اجتمعو الي يدق على الدفاع المدني والي يساعد متعب
أمل: بعدت عن الرجال وضمة بنتها وولدها وتبكي بهدوء وتدعي ربها انه ينقذ خالد ويخليه لهم
متعب: كانت أنفاس صدره تعلو وتهبط بشده ويتصبب عرق مع ان الجو كان حيل بارد وهو موحاس بالي حوله جو الدفاع المدني واخيرا اخرجو خالد
خالد: كان جثه هامده بدون حررراك
متعب: ركض وشال ولده ضمه له تحسس قلبه نفسه كأنه يرتجي أي بصبيص أمل ان ولده فيه حياة مامات بس لاحياة لمن تنادي
الاسعاف: حاولو ياخذون خالد من متعب
متعب: صررررررخ خااااااااااااالد رد علي ياوليدي لاتخليني طلبتك ابعوضك ابشبع منك ابعطيك حنان حرمت منه وصار يتلكم بهستريه وهو يبكي
أمل: عرفت ان خالد فارق الحياة وصارت تبكي بقوووة وتسترجع لربها وتردد انا لله وانا اليه راجعون
الناس: حول متعب الي يصبره والي يهديه والي ماقدر يمسك نفسه وصار يبكي معاه
الاسعاف: اخذو خالد من متعب وراحو جميع
****************************
في المغسلة
أمل: تغسل ولدها هي صامته بس دموعها هي الي تتكلم تغسله بهدوء وحنان بس ماقدرت تمنع فيضان دموعها الي ينهمر من عيونها لانها صممت ان مايغسله غيرها بس كانت تغسل حشاشة جوفها قطعة من قلبها قرة عينها كانت تقلب جسمه بالسدر والماء وجسمه حار ورقيق وناعم ابتسامته تعلو وجهه
متعب: مستغرب من صبرها عارف انها عكس ماكنت تمثل قدامه عارف انه نار تشتعل جواتها يشوف ولده بين ايدين امه ودموعه تنزل بغزارة
أمل: بعد مالفته كانت تتخيل ايام ماكان صغير يوم تحممه وتلفه وهو بالفة اول فرحة لها بالدنيا اول من نداها ماما اول من حضنته ورضعته من صدرها يوم كان صغير تنتظر ابتسامته وتفرح يوم تشوفه يبستم بس الحين تشوف وجهه منور وابتسامة ميت لاحراك فيه قربت من جبينه وباسته وصارت تبوسه بكل مكان من جسمه بوسة مودع عارفة انها اخر بوسه لها له عارفة انها آخر ضمة له ماتبغى تسلمه لابوه كانت تستغل وقت اكبر علشان مايخذه منها
متعب: قرب منها بهدوء وحنان ورحمة وحزن بدون مايكلمها وسحب خالد منها
أمل: رفعت عيونها بحزن وألم لزوجها كأنها تترجاه انه يتركه معاها وقت اطول
متعب:نظرات الحزن الي بعيون أمل عذبته أكثر بس هذا امر ربي والصلاة قربت تقام قرب منها واخذ ولدهاو حشاسشة جوفهامنها
أمل: استسلمت وفكت ولدها من حضنها وكأنها تفك قلبها من جسمها
**************************

تركي : ماسك نفسه علشان الي يعزون
متعب: من زود الانهيار الي جاه ماقدر يوقف كان جالس ومنزل راسه ويمسح دموعه الغزيره حتى كلام ماقدر يتكلم ولابكلمة ارتاح ان تركي واقف معاه ويتقبل التعازي بدال عنه ويشكر للناس الي واقفين معاه
حنين: تهدي بأمل خلاص استغفري ربك واهدي وهي تمسح دموعها الي متواصلة
أمل: كانت على سجادتها وماسكه مصحفها وتبكي وماتكلمت ولابكلمة
تركي: بعد ماطلع آخر واحد سمع طلال يكلم حنين يالله مشينا
حنين: حبيتي امل تامريني بشي طلال يقولي يالله
أمل: هزت براسها لا
حنين: بكرة راح اجيك بس ابغى ابو وسكتت ماقدرت تقول ابوخالد تقلب جرح أمل ابغا ياخذ راحته لبست عباتها وطلعت
تركي: بعد ماتأكد انهم طلعو ترك متعب بالمجلس لان متعب معاهم بالجسم بس اما روحه راحت مع خالد دخل تركي على أمل
أمل: كانت ضامة فنيلة خالد الي كان لابسها يوم الحادث الفنيلة الي مازالت تحمل ريحته بعد فراقه عن دنياه وتبكي بقوة حست بيد حنونة تمسك كتفها
تركي: جاء على اول طيارة يوم سمع بخير وفاة حبيبه وولد اخته خالد تقطع قلبه وهو يشوف حال أخته الملتزمه المؤمنة بقضاء ربها كذا حالتها عمر أمل ماضعفت دايم كانت رمز للصبر بس مايلومها عارف حبها لخالد فلذة كبدها نور عينها قطعة من قلبها جلس قدامها ورفع وجهها بيدينه
أمل: رفعت عيونها لأخوها ناظرته نظرات عتاب وألم وحزن
تركي: عذبته أخته بنظراتها فهم عتابها له ومايلومها تركها سنة حتى الوداع ماودعها دايم اقسى على الناس الي احبهم مرة حنين والحين أمل احب بنتين عندي اشد الناس قسيت عليهم الى متى ياتركي تكون قاسي . !!!
ناظرها بحنان طلبتك ياأم خالد تعوذي من الشيطان انتي الي دايم تعودينا الصبر والإيمان بالله تضعفي كذا كنتي بالنسبة لي رمز الصبر والقوة عمر أمل ماضعفت قدام أحد لاتضعفي هالمرة ياأختي طلبتك
أمل: ماردت عليه غمضت عيونها وانهمرت دموعها أكثر
تركي: عذبته ببكاها وتحجرت عبرته بحلقه بس تركي ماعمره نزلت دمعته بعد موت أمه الله يرحمها عود نفسه على القوة قرب لها يضمها بس هي ماستجابت له وضلت تضم فنيلة خالد وتبكي بدون صوت بس دموع وأنين خافت
تركي تعذب أكثر أمل طلبتك لاتعذبيني معاك طلبتك علشان عيالك وزجك
أمل: ماردت سكتت ومازالت تبكي
تركي: طيب ردي علي كلميني أنا اخو ك ان مارميتي همك لي من ترمي همك عليه
أمل: اخيرا تكلمت بس ياليتها ماتكلمت من متى كان أخوي هوالي ارمي همي عليه عودنيي اخوي وحيدي ان يهرب ويخليني لحالي اواجه مشاكلي لحالي يهرب وينساني اهم شي نفسه وبس أخوي ولد امي وابوي تركني وتزوجت غصب عني تركني وعانيت مع زوجي وهو مايعرف شي عني ت اشتكي وابكي لحالي بس ربي ماتركني عرف ان مالي احد بالدنيا وساعدني بس اخوي للاسف مادرى عني تعرف منو الي وقف معاي بعد ربي هذا وتأشرعلى فنيلة خالد الطفل الي قلبه اكبر منه كان يحس فيني والي حولي مايحسون فيني هو مصدر راحتي وسعادتي بعد ربي وتلومني الحين ليه احزن عليه كل هذا انا ماقنطت من رحمة ربي بس قلبي وجعان عليه حيل وربي ماعاتب يعقوب لحزنه على يوسف حتى بيضت عيناه من الحزن انا عارفه ان رحمة ربي اخير لخالد من وجوده عندنا بس فقدته ياتركي فقدت ابوي وامي ووولدي واخوي وكل شي لي فقدت الي يحس فيني بدون ماتكلم فقدت اليد الصغيرة والحضن الي يلمني ان ضاقت بي دنياي فقدت الانسان الي ان شافني سهرانه ومغتمة جافاه النوم انت ماتعرف خالد ايش هو لي خالد كل شي لي بحياتي كل شي لي كل شي وبكت اكثر
تركي :كل كلمة لأخته كان يتقطع قلبه كانها تطعنه بخناجر بقلبه وهي ماتحس صدمته ان كل هذا بقلبها كل هذا شايلته عليه كل هالم والحزن متحملته من سنين وساكته
متعب: كان واقف عند الباب ويسمع كلامها زاد حزنه اكثرلانه عارف قيمة خالد عند أمل قرب لها
تركي: وقف وابعد علشان متعب يجلس قبال أمل
متعب: ياأم خالد انا وجعان عليه وعارف ان وجيعتك عليه اكثر بس ان شاءالله انه سبقنا للجنه هونيها يام خالد طلبتك يارب يكون شفيع لنا يوم القيامة
أمل: رمت نفسها بحضن زوجها وبكت
تركي: سحب نفسه منهم بهدوء وطلع ركب سيارته بهمه وحزنه الى هالدرجه شايله علي ياأمل ترتمين بحضن زوجك وانا لا بس مالومك تركتك وماوقفت معاك راح لبيته وهو يشيل همه وحزنه خسر حب حنين وخسر حب اخته أمل من بقى لك ياتركي مابقى احد يحبك الي مخلصين بحبهم لك خسرتهم بغروروك وانايتك ااااه بس الله يعين
**********************
في المستشفى
ام سارة: خلاص يابتني يكفي بكاء راح تنعمين من كثر ماتبكين ارحمي حالك خلاص
هجير: تشد عليها يمه لاتتركيني ولاتتخلين عني طلبتك
ام سارة: ايش فيك يابنتي مستحيل اتركك او اتخلى عنك
سارة: اوعديني
ام سارة: لاحول ولاقوة الابالله ايش فيك يابنيتي اوعدك
سلوى: حبيبتي سارة خلاص ماصار الاكل خير ايش فيك وترا الاستاذ طلال يعتذر منك طلبني اوصلك اعتذاره
هجير: سمعت اسمه زاد بكاها مشتاقه له وتركهه تمنت انها مازالت فاقدة الذاكرة ماتحب ماضيها على كثر ماتمنت ترجع لها الذاكرة على كثر ماتعذبت يوم تذكرت ان ماضيها اسود كله عذاب وتخلي زوج وحبيب عنها
ام سارة: سارة وربي ازعل منك خلاص يابنتي شوي الا يدق الباب
سلوى: البست نقابها وقامت تشوف منو عند الباب رجعت قالت عناد وابو عناد عند الباب
ام سارة: حياهم بس خلي سارة تعدل حجابها
هجير: مالها خلق عناد بس ماقدرت ترفض دخوله تستحي من ابوه
ابو عناد: السلام عليكم حمد الله على سلامتك يابنتي
هجير: بهمس وعليكم السلام الله يسلمك ياعمي
عناد: بحنان حمد لله على سلامتك سارة
هجير: الله يسلمك
ابوعناد: تراعذوب مزعجتنا تبا تجي بس انا عيت ( رفضت) جيتها ماباها تزعجك وانا عمك
هجير: بخجل وواضح من صوتها انها كانت تبكي بس متمساكةلابالعكس جيتها تسعدني وربي
عناد: تراني ابكلم المدير علشان استقالتك
هجير: فزت أ ونست نفسها اي استقاله
عناد: ابوي وانا وامي مومرتاحين لشغلك هنا بعد جيت المدير الجديد
ابوعناد: صح وانا عمك كان ابو ابراهيم مايقصر معاك بس خلاص جيت ولد ابن اخوه ماريحتني بس ام سارة قالت اقصرو الشر وبتني تجلس عندي وخلاص
عناد: بكل حنان الي يرشك بالماء نرشه بالدم ياهجير
هجير: لفت على ام سارة صحيح يمه طلبتي منهم يفصلوني
ام سارة: ايه يمه الي جاك موقليل تراك انهرتي عصبيا والدكتور حذرنا تتعرضين لانهيار عصبي ثانيه وانا مالي غيرك وانتي نور عيوني مومستعده اخسرك مثل ماخسرتك سارة الله يرحمها بعدين ماله داعي تشتغلين اساسا الخير واجد والحمد لله بس انتي صممتي وبعد الي جاك ماراح ارتاح للشغلك مرة ثانية
هجير: سكتت ماردت عليهم ماتبغى تجرح ام سارة الي عاملتها بكل حنيه ولا ابو عناد الي ماعمره بين انه متضايق من وجودها ولاعنا دالي حبها بكل اخلاص بس ماتتخيل تبعد عن طلال وبنفس الوقت ماتبغى تشوفه تكرهه وتحبه جرحها تخلى عنها بس ماتنكر شوقها وحبها له ليه مازلت احبه وهو رماني يوم عرف اني لقيطة رماني يوم رد عليه نظره رماني يوم استغنى عني بس مشكلتي مازلت احبه مسكت راسها وجلست تبكي ثانيه
عناد: فز قلبه بسم الله عليك سارة ايش فيك وربي لانتقم منه بس لاتبكي
ام سارة: تعوذ من ابليس ياعناد والرجال اعتذر وماصار الاكل خير خلونا انا وياها لحالنا
عناد وابوه طلعو
********************
في مكتب طلال
طلال:جالس بمكتبه سرحان ليش تجرات وسالت سلوى ان كانت مخطوبة اولا لو تشك فيني صديقتها وتعلمها ايش يكون موقفي قدامها وقدام أهلها بس انا جبتها كأني ابعتذر من خطيبها بس ريحتني يوم قالت لا مومرتبطة بس شكله يموت فيها
السكرتيره: استاز طلال عناد وابوه عاوزين يدخلون لحزرتك
طلال: بدون نفس خليهم يدخلون
عناد: كان مولع ويتمنى لو يبرد حرته من طلال وغروره
ابوعناد: بكل احترام هلا يابوك
طلال: بكل تقدير قام وحبه مع راسه هلاياعم حياك تفضل
ابوعناد: زاد فضلك ياوليدي
طلال:جلس على كرسيه شويات اطلب لكم قهوة
عناد: مانريد قهوتك ولاجينا نتقهوى عندك
طلال: ناظره بعصبيه بس مسك نفسه احترام لابوعناد يكرهه حيل مايدري ليه كل مايشوفه يحس بغيرة مو طبيعة
ابوعناد: عناد وانا ابوك عيب تتكلم على الرجال كذا وهو ماغلط
عناد: كيف ماغلط يبه وهو متكلم على سارة ومسبب لها انهيار عصبي
ابوعناد: هو مدير ومن حقه يتكلم على موظفينه ان غلطو
عناد: بعصبية قلتها يبه ان غلطو بس سارة ماغلطت والرجال الي يتقوى على حرمة مورجال
طلال: كان شاد قبضبته تحت الطاولة ويرص على اسنانه بس ماسك نفسه احترام لابو عناد
عناد: بعصبيه خلاااااااص ياولد ماتحشم ابوك انت مصغرني وهو مقدرني ومارد عليك
عناد: محشوم يبه وحقك على راسي وقام وحب ابوه مع خشمه وراسه
ابو عناد: لف على طلال آسفين يابوك بس حنا جايين نبي نسحب ملف سارة
طلال: صدمه بكلامه يسحب ملف سارة مستحيل انا تعقلت بساره هي تذكرني في هجيرمستحيل اخليها رد بأدب ياعم هي طلبت تفصل
ابوعناد: الحق ينقال هي ماقالت بس أمها طلبت وتعرف مال أمها غيرها
طلال: سم ياعم وابشر برضاك بس لو سمحت اني اتفاهم مع عمتي ام سارة وسارة
عناد: قام بعصبية وضرب يده على الطاولة متى صارت عمتك ومانسمح لك تدخل على بنتنا وراح نفصلها بالطيب بالغصب مانتظرنا موافقتك بس ابوي احترام لعمك حب يستسمح منك وان كان لها حقوق عليكم مانباها منكم حنا نعوضها الدبل دبلين
طلال: خلاص عجز يستحمل كلامه قام وناظر فيه وعيونه حمرت من كثر ماهو معصب قال كلامي مع الرجال مو مع بزران
عناد: لف وراح لجهته وقال انا ورع يالورع ورفع يده يبي يضربه
طلال: مسك يده بكل قوته
ابوعناد: صررررخ عناااااااااااااااد يكفي فشلتني الله يفشلك مب هذي سلوم الرجال الطيبه وصدق اني ماعرفتك اربيك
طلال: ترك ايد عناد احترام لابوه
عناد: حقك علي يبه بس
ابوعناد:لابس ولاشي طلال يابوك سو الي تبا بس امنتك الكريم انك ماتضر بنتي بشي
طلال: ولايهمك ياعم
عناد: يـــــــبــــــــــــه
ابوعناد: بحزم مشينا ياولد قدامي ابرجع للبيت
عناد:ولع نار وطلع مع ابوه وهو مقهور ليش ابوه يسوي كذا تمنى انه يهدد طلال انه مايكلم سارة بس مايقدر يعصى ابوه وراح معاه
***************************
في جناح هجير بالمستشفى
هجير: بحضن ام سارة هدات بعد ماقرات عليها
ام سارة:كانت تمسح على راس هجير وهي حاسة ان هجير فيها شي مخبيته عليها بس ماحبت تضغط عليها وحبت تحترم سكوتها
طلال"طق الباب
سلوى: ابشوف من عند الباب فتحت الباب شافت طلال منزل راسه
طلال: لوسمحتي استاذني من عمتي ام سارة وسارة ابغى اكلمهم شوي
سلوى: طيب ثواني لو سمحت دخلت خالتي الاستاذ طلال يستأذنكم يدخل
هجير: ارتبكت وشدت على امهايمه مابغى اشوفه وبكت ثانية
ام سارة: بحكمة يابنتي عيب نرده مب من سلوم العرب يردون احد
هجير: حضنت امها يمه خايفة منه (((بس هجير خافت تشوفه ثانيه بعد مارجعت لها الذاكرة تواجهه بعد سنة قوية موسهلة بالنسبة لها بين شوق وحب ووله وعتاب وحزن وجرح)))
ام سارة: يابنتي اهدي وماراح يصير الاكل خير الولد مؤدب وربي كان ميت من الخوف عليك
هجير: قالت بقلبها ميت من الخوف علي لوكان يخاف علي ماتخلى عني ورماني سكتت وماردت على امها
ام سارة: سلوى يابنتي خليه يدخل لاهنتي
سلوى: ابشري ياخالة فتحت لطلال الباب وطلعت وخلتهم
طلال: دخل يوم رفع عيونه شافها وهي متغطيه وامها حاضنتها رجع له ارتباكه ودقات قلبه تزيد بس حاول يتمساك قال السلام عليكم كيفك ياعمه وكيف اصبحتي
ام سارة: وعليكم السلام احمد ربي بخير يامال الخير انت بشرنا عنك
هجير:ماقدرت ترفع عيونها له بس تسمع كلامه لأمها
طلال: بنعمه وفضل من ربي سكت شوي ورفع عيونه للانسانة الي اشغلت تفكيره تردد يكلمها اولا يتمنى يسمع صوتها بس خايف يرتبك بس مو من الادب مايتحمد لها بالسلامة حمد لله على السلامة هـ تدارك عمره قال سارة
هجير: من اول مادخل وكلم ام سارة وهي تنتفض بعد ماسمعته يكلمها زاد ارتباكها ماقدرت ترد وسكتت
طلال:ضاق صدره انها طنشته وقال مازلت زعلانة مني
ام سارة: بحنان يمه سارة يكلمك ردي عليه
سارة: بهمس الله يسلمك بدون ماترفع عيونها له خايفة تشوفه وتضعف
طلال:همسها يعذبني ليتها ترفع صوتها ابغى صوتها يرن بإذني مثل رنين صوت هجير بإذني
ام سارة/ اعذريها ياوليدي تراه تستحي حتى من عناد يالله ترد عليه
طلال:حس بدمه يغلي مجرد احساسه ان عناد يكلمها او يسمع لو همسها عمه مابي اطول عليكم بس ابسالك سارة لها رغبة تفصل او تجلس عندنا ان كان فصلها للموقف الي صار انا قدامك اعتذر منها واوعدك ياعمه ماراح يتكرر (( بسرعة تنازلت ياطلال ايه بسرعة مابي اخسرها اوافقدها سنه محروم من هجير يوم جت وحدة تذكرني فيها تختفي عني مستحيل))
هجير :يوم شافته لاهي عنها وومتحمس بالكلام غصب عنها شوقها اجبرها ترفع عيونها له وتناظره
ام سارة: ياوليدي مالك الاطيبة الخاطر بس سارة تعبانه ليتك تعطيهاإجازة وبعدها هي تقرر
طلال:فرح ببصيص الامل الي اعطته ام سارة له ابشري ياعمة وابعطيهاإجازة مفتوحه متى ماطاب خاطرها ترجع بس لاتفصل
ام سارة: تبشر وواليدك بالجنة وماقصرت ياوليدي
طلال: طلع وهو مبسوط
هجير: كانت مبسوطة وهي تسمع كلامه كم اشتاقت لصوته فرحت يوم شافته واقف وبصحة وعافية حتى مشيه تعدل تذكرت علاجها له تدريبها له ضحكهم اثناء التدريب غزله فيها هوطلال الحنون الي عرفته بس مشكلة حنون من برا وقاسي من الداخل اااااااه بس ليتني ماتذكرت ليت الذاكرة مارجعت لي عرفت حقيقتي المرة اني لقيطة وان الانسان الي حبيته تخلى عني يوم احتجته ضمت امها ورجعت تبكي
ام سارة: ضاقت وحست ا نالي في هجير شي اكبر من هوشة طلال لها بحنان بعدتها وناظرت بوجهها
هجير: استغربت من حركت ام سارة
ام سارة: يمه ياسارة مايخفاني ا ن الي فيك مب علشان تكلم عليك المديرانتي تخفين شي ثاني عني صح
هجير: تناظر بعيون ام سارة وسكرت عيونها وبكت
ام سارة: صح يمه اولا؟
هجير: هزت براسها صح
ام سارة: قولي لي يمه اشتكي لي لاتعذبيني معاك
هجير: اخاف تكرهيني يمه تتخلين عني زيهم
ام سارة:خافت من كلامها قالت بقلبها معقولة مسويه شي كايد بس تعوذت من ابليس قالت حرام اظن فيها ظن سئ وانا سنة ماشفت منها الاكل خير قالت اوعدك يابنتي ماراح اتخلى عنك
هجير: هم قالو لي كذا وتخلو عني اخاف انك زيهم وبكت اكثر اخاف تكرهيني يوم تعرفين حقيقتي
ام سارة: خوفتها بكلامها بس ام سارة حكيمة وماتحب تسبق الاحداث افااا عليك يمه هذي نظرتك فيني ماعمري وعدت واخلفت تباني الحين اخلف وعدي معك
هجير: وواعديني الكلام الي اقوله لك ماتعلمين فيه احد ابد مهما صار
ام سارة: اوعدك ووعد الحر دين عليه
هجير: يمه انا يوم انهار رجعت لي الذاكرة
ام سارة: فرحت كثيروحزنت اكثررر
انتهى الجزا
بس ليه ام سارة فرحت وحزنت؟
هل ياترى ام سارة راح تتغير مع هجير يوم تعرف حقيقتها؟
متى طلا ل يكتشف سر سارة وحقيقتها ؟
من المرأة الي جت لتركي وايش تبغى منه ؟
راح تعرفون بالاجزاء القادمة بحول الله تعالى
فائدة :
للعبد رب هو ملاقيه وبيت هو ساكنه
فينبغي له أن يسترضي ربه قبل لقائه
ويعمر بيته قبل انتقاله اليه
مع تحيات محبتكم ((( هــ،،،ــمــ،،،ــس )))
((( امــــــــــــي رو ح ـــــــــــــــــــــي )))[

الـــ ج ــــــــزأ الـــثــالــث والــ ع ــشــرون (23)
هجير: اوعديني الكلام الي اقوله لك ماتعلمين فيه احد ابد مهما صار
ام سارة: اوعدك ووعد الحر دين عليه
هجير: نزلت راسها وقالت بحزن يمه انا يوم انهار رجعت لي الذاكرة
ام سارة: فرحت وحزنت فرحت لان هجير رجعت لها الذاكرة وحزنت خافت انها تذكرت اهلها وراح ترجع لهم
هجير: حكت لام سارة كل شي بس ماقالت ان طلال هو زوجها
ام سارة :سكتت وماردت وتغير وجهها
هجير: بعدت عن حضن ام سارة قالت عارفه انك كرهتيني لاني موبنت شرعيه وانا ماراح اضايقك ياخالة وخنقتها العبرة انا راح اطلع ماراح اجبرك على شي اهلي الي ربوني تخلو عني زوجي الي وقفت معاه وحبيته من قلبي تخلى عني كيف الومك وانا جلست معاك سنة بس ونزلت دموعها ومسحتها بسرعة ماتبغى ام سارة تجلسها بس مجاملة ورحمة ماقصرت معها سنة كاملة
ام سارة: سارة
هجير/ لبيه
ام سارة: ماراح اناديك الا سارة وماسمح لك تناديني خاله انا امك وراح اظل امك انتي بنتي الي ماحملتها ببطني ربي عوضني فيك ماتتخلي فرحتي انك ماراح تخليني اول ماقلت لي رجعت لي الذاكرة خفت انك راح ترجعي لاهلك بس الحين ضمنت جلوسك معاي يابنتي انتي مليتي علي البيت وعوضني ربي فيك وحبيتك من قلبي وحنيت عليك من اول ماطاحت عيوني عليك
هجير: ضمت ام سارة وبكت من قلب الله لايحرمني يمه منك ربي عوضني فيك
**********************************
في بيت متعب
تركي: آخر ايام العزاء كان واقف يستقبل المعزين
متعب: خف شوي بس ظاهريا بس مازالت صورة خالد ماتفارق خياله ومتضايق ان تركي مادخل يشوف أمل امس واليوم بعد ماطلب يشوفها حس ان تركي زعلان من موقف أمل معاه
طلال: انا أستأذن وكلم على حنين علشان تطلع
تركي: مشكور يابو فهد ماقصرت
طلال: ناظره من فوق لتحت باستحقار وحقد قدر ابوخالد وام خالد عندي وعند اختي غالي
تركي: انصدم اكثر من كلام طلال تغير وجهه وطلع قبل طلال كلام طلال جرحه الكل يكرهه الكل حاقد عليه خسر الي حوله كلهم
طلال: كان يودع متعب ويسلم عليه
تركي: كان واصل حده من الضيق من أخته ومن حنين ومن طلال الكل كارهه ومايلومهم هو السبب مشى رايح لسيارته بس لمح زول وحدة عليها عباتها واقفه عند سيارة طلال عرف انها حنين بس مارفع عيونه لها ولاحتى كلمها زي عادته
حنين: شافته طالع من البيت ووواضح انه حزين وهموم الدنيا فوق راسه قالت احسن ليت السعادة ماتدل بابه .
بس غصب عنها حزنت عليه بس تكابر طبعها رحوم مع الكل حتى الي يغلط عليها من اسمها حنين ماتعرف للقسوة باب قالت بعد مسوي زعلان ومارفع حتى عيونه لي بس لامت نفسها بعدين قالت مالومه حزن خالد اثرعلينا كلنا اجل كيف وهو خاله
تركي: كان يفتح سيارته وهو مازال مهموم وواصل حده بس سمع الصوت الي يعشقه وينسى دنيته ان سمعه
حنين: احسن الله عزاك وعظم الله اجرك
تركي: لف عليها وناظرها ثواني ونزل عيونه ولف لسيارته ورد بهدوء واجرك وجزاك الله كل خير ماقصرتي بوقفتك مع أمل
حنين: أمل اختي موكثير عليها
تركي: ماحب يطول لأنه مرة متضايق رد بهدوء الله يخليكم لبعض وحرك سيارته
حنين: ضاق صدرها تحس فيه شي محزنه غير خالد بس ايش دخلني فيه عمره ماانبسط
طلال: طلع وأخذ اخته وراحو
***************************
في المستشفى
طلال: بشرني يالدكتور عن حالة سارة
الدكتور: الحمد لله الحين احسن وتقدر تطلع بعد
طلال: ارتبك تطلع
الدكتور: ايوه الحمد لله الحين هي طيبة
طلال: طلع من الدكتور وهو يفكر اخاف تطلع وتستقيل وماترجع ثانية ايش اسوي صح سلوى مافيه غيرها هي المقربة لها وتقدر تتفاهم معاها
*****************************
في مكتب طلال
سلوى: طلبتني استاذ طلال
طلال: ايه تفضلي سكت شوي محتار كيف يبتدي معاها خاف تشك فيه ومن اهتمامه
سلوى: رفعت عيونها لطلال مستغربه من سكوته
طلال : انتبه لنفسه انه طول بسكوته تكلم اخيرا تعرفين ياستاذة سلوى اني ندمان من تصرفي مع سارة بس غصب عصبت لاني ماحب التلاعب بس بعد ماطاحت دورت مالقيت عليها أي شي وكل زملائها يمدحون فيها وحسين أخذ جزاه على وشايته فيها ابعدته عن منصبه وخليته موظف عادي انا ماحب الظلم ابد ولا التلاعب واتمنى ان سارة تنسى الي فات وتغفر زلتي وتجلس بعملها لان الكل يمدح باخلاصها بعملها
بس للاسف هي مصممه تترك العمل هي وقريبها عناد
سلوى: لاتلومها هي حساسة
طلال:تجرا و وانا مستخسر فيها ومستعد اعتذر لها ومتسغرب انك تقولي مو مخطوبة وتصرفات عناد معاها كأنه زوجها موبس خطيبها ((( نسى نفسه وتجرا يقول هالكلام )))
سلوى : لاحظت اهتماه الزايد وحبت تسحبه بالكلام الي عرفته من خالتي ام سارة احتمال يصير خطيبها قريبا
طلال: رفع راسه وفتح عيونه بقوة بس انتبه لنفسه وتدارك عمره قال ببرود مصطنع الله يوفقهم بس اهم شي انك تحاولين تقنعينها ماتترك العمل والدكتور سمح لها تطلع وانا ابعطيها إجازة مفتوحة متى مابغت ترجع ترجع
سلوى: تبتسم تحت نقابها ماقصرت وانا أستأذنك الحين ابروح لها وإن شاءالله ماراح تترك العمل
طلال: بضيقة ان شاءالله طلعت سلوى بس غرست سكين غيرة بقلب طلال عناد راح يكون خطيب سارة قريبا سارة شبيهة هجير آآآآآآآآآآآه ياهجير ايش سويتي فيني شبحك يلاحقني بعلمي وحلمي اكرههك واحبك حاقد عليك واعشقك اتمنى انتقم منك واموت فيك حتى شبحك المتثمل بسارة عشقته وتعقلت فيه بسببك مسك راسه آآآآآآآآآآآآه متى انساك ياهجير متى !!!!!!!!!
******************
في بيت تركي
تركي: جالس في بيته وهموم الدنيا فوق راسه زرت أمل وجلست معاها وموطايقة تشوفوني يومين اتردد عليها اتمنى ادخل اضمها مشتاق لها بس ماحب اضايقها أكثر حتى حنين الى متى راح اعذبها معاي أخوها صمم اطلقها بس عمتي يوم هددتها بالاسهم اسحبها من حنين رفضت الطمع اعماها عن سعادة بنتها وانا حبي لي حنين يعميني عن تركها لازم اتركها واريحها مني شوي الا يتذكر كلام أمل لاااااااااا وتتركني ووتزوج غيري ماتصور حنين بين احضان رجال غيري مستحيل لطفك يارب ايش اسوي تعبت تعبت خسرت أمل وحنين منو باقي لي
سمع رنين الجرس استغرب منويجيني او يسأل عني معقولة صديقي أحمد ناظر الساعة أحمد الحين عند زوجته راح يشوف الباب استغرب من الانسانة الواقفة عند بابه
*******************
عند هجير
سلوى: منو قدك ياستي طلال مهتم فيك مرة
هجير: رفعت عيونها منصدمة فيني انا ؟!؟!؟
سلوى: تتكلم بشويش علشان ام سارة ماتنتبه لها وهي تصلي ايوه فيك انتي
هجير: ارتبكت وحاولت تمسك رعشت ايدينها انتي تتوهمي ايش جاب لجاب واصلا متى عرفني علشان يهتم فيني
سلوى: يمكن يوم شافك وسوى لك تنفس صناعي عشقك وغمزت لها بعينها
هجير: شهقت وحطت يدها على فمها قالت بكلمات متقطعة هو سوا لي
سلوى: ايوه وابتسمت لها
هجير: لالا مومعقولة يعني شافني وقرب مني لامستحيل وتحجرت دموعها بعيونها
سلوى: ارتبكت وندمت بتسرعها خلاص يالمجنونة اسكتي لاتخرعين خالتي عليك اكذب عليك ماسوا لك شي ولاقرب منك حتى
هجير: تمسح دموعها وتحاول تهدى وتمسك يد سلوى طلبتك كلامك صحيح اولا
سلوى: تواعدني انك ماتهناري ولاتبكي وتفضحينا عند خالتي
هجير: تمسح دموعها ثانيه اوعدك
سلوى: ايوه كلامي قبل شوي صحيح هو الي سوا لك تنفس صناعي لانه خاف عليك
هجير: مسكت راسها وحاولت تتمساك وصارت تتحس شفايفها ياولي بس غمضت عيونها وراحت بعيد
طلال: ماراح اقرب منك وابحرم نفسي منك حتى يرجع لي بصري حتى البوسة ابحرم نفسي منها حتى اشوفك واشوف عيونك واتمتع مع كل ثانية وانا قريب منك
هجير: فاقت من سرحانها بهزت سلوى لكتفها
سلوى: خافت عليها سارة حبيتي انتي معاي
هجير: فتحت عيونها وردت بحزن ابوه معاك
سلوى: ايش نظرت الحزن الي بعيونك كل هذا علشان طلال قرب منك
هجير: ابتسمت ابتسامة مصطنعه لا حبيتي ماعليك ابقوم اجهز شنطتي شوي وعناد راح يجي ياخذنا
سلوى: يؤؤؤ راح يولع طلال
هجير: بعصبيه وهو ايش دخله مو رماني ونساني
سلوى: استغربت رماك ونساك ؟
هجير: ارتبكت وتداركت كلمتها قصدي رماني بكلامه ونساني ايش دخله يغار بعدين ماله شغل فيني نهائي ان شاءالله اتزوج عناد زياد صالح عبدالمجيد هو ابش دخله فيني ؟!؟!؟
سلوى: استغربت عصبية هجيرردت عليها ماله دخل بس ارجوك لاتقدمي استقالتك وربي ماستغني انا عنك علشاني سارونة
هجير: حبيتي علشانك افدي لك عمري كله موبس اسحب استقالتي
عناد: طق الباب
سلوى: عدلت نقابها وباست هجير وراحت لام سارة وباستها مع راسها وطلعت بسرعة
هجير: عدلت عباتها وجت تشيل شنطتها
عناد: اسرع وشالها انتي ارتاحي لاتتعبي نفسك سارة يقولها بكل حنان
هجير: ليش ياقلب ماتحب عناد مع انه حنون علي بالمرة ليش متعلقة بالانسان القاسي الغدار الي رماك بدون رحمة ونساك يارب احبك ياعناد وانسى طلال وايامه
عناد: هاه سارة اروح اقدم استقالتك قبل نطلع
هجير:برسمية زايدة لسه ابفكر
عناد: بكل حنان براحتك والزم ماعلينا راحتك
هجير: الله يسلمك ماقصرت
طلال: كان يبي يدخل بس سمع كلامهم وحس برصاصات بقلبه انسحب بهدوء
ام سارة: يالله مشينا ياوليدي
عناد:كان مبسوط مرة لانه يطلع حبيبته من المستشفى مشتاق لها مووووت
هجير: طلعت تمشي وعناد قدامها وام سارة جنبها حست فيه عيون تراقبها ناظرت وتشوف طلال من بعيد متكي على باب مكتب من المكاتب ومكتف ايدينه ويناظرهم استغربت نظرة الحزن والغيرة والقهر الي بعيونه ركبت السيارة وهي سرحانة مو مع عناد وام سارة ماتعرف ايش يتكلمون فيه تقول ليش طلال مهتم فيني معقولة شاك اني هجير او بس زي أي رجل أي حرمة يشوفها يتعلق فيها
ام سارة: سارة يابنتي مارديتي علي
هجير: سمي يمه
ام سارة: الله يهيدك ساعة وانا اناديك انتي مويمي
هجير: آسفة يمه مانتبهت
أم سارة: عناد يقول تبان شي من البقالة
هجير: لا مشكور مابغى شي
عناد: وهو يطل من شباك السيارة ونظرات حنان وعشق بعيونه وباابتسامة صافيه لازم ماراح ارجع الا معي شي لك
هجير: صدت وهي متقززة من نظراته وجرأته ارجوك مابغى شي
عناد: حس بضيقها راح للبقالة جاب لام سارة عصير برتقال نادك وجاب اغراض وعطاها ام سارة تعطيها هجير
هجير: مامدت يدها نحوها وصلو للبيت نزلت وخلتها
عناد: سارة
هجير:رجعت ورفعت عيونها له بغيت شي
عناد: مد لها الكيس وابتسم لها بحنان اغراضك نسيتيها
هجير: بدون نفس اخذتها ومشت
عناد: استغرب من اسلوبها معاه بس برر انها مازالت نفسيتها تعبانه من هالغثيث طلال ركب سيارته وناظرها وهي تدخل للبيت تنهد بفرح الله يجمع بيني وبينك ياسارة متى يجي اليوم الي ترجع لك ذاكرتك واقنع اهلي واتزوجك الله يهديك يايمه الا تعرفين بنت منوعلى شان تخطبينها لي انا ماهمني هي مين ماهمني الا ان قلبي يحبها وبس
*****************
في بيت عفاف ((ام سلوى ))
سلوى: دخلت بيتهم ونادت امها يمه يمه
عفاف: سمي حبيتي
سلوى: تجلس بتعب يمه يارب ان الغداء جاهز
عفاف: ايه حبيتي بدلي وتحممي وانزلي بسرعه انتظرك على الطاولة
سلوى: راحت ركض وتحممت ولفت فوطتها على شعرها وجري بالدرج لانها ميته جوع
عفاف: بسم الله عليك بشويش هههههههه
سلوى: يمه اليوم كرفت كرف لاني اشتغل شغلي وشغل هجورة وطباخك مااقاومه ابدااا
عفاف: بالعافيه حبيتي ونامي شوي لان بالليل معزومين بالمزرعه
سلوى: حطت ملعقتها ااووووف تعرفين يمه ماحبها ولا اطيق اهلها
عفاف: بهدوء حبيتي تعرفي انهم اهل ابوك وحرام تكرهينهم وقالت بتردد وقريبا يكونون اهلك زوجك
سلوى: يمه خلاص تراك عيفتني غداي وحطت ملعقتها
عفاف: قامت من كرسيها ووقفت جنب بنتها وحطت يدها على كتفها حبيتي عارفه الكلام بزواجك من سالم يرفع ضغطك بس تعرفي ابوك مصصمم والولد مافيه عيب
سلوى: بعصبيه اكبر عيب انه ولد اخو ابوي الي ناسيني ابوي الي عذبك ورماك
عفاف: حبيتي استهدي بالله الي فات فات
سلوى: لامافات ليه انتي دايم طيبه
عفاف: حبيتي المسلم مايحمل بقلبه كره لاحد
سلوى: الا انا احمل اكبر كره لابوي واهله وراحت
عفاف: ماكلتي
سلوى:: التفت شبعت الحمد لله
عفاف: تنهدت بضيق الله يهديك بس يابنتي ليتني سكت حتى تكمل غداها
**********************
في بيت ام سارة
ام سارة: حبيتي روحي ارتاحي فوق والشغالة راح ترقي لك غداك
هجير: يمه ماشتهيت شي
ام سارة: حطت يدها على كتف هجير ان كان لي خاطر عندك تاكلين ونامي واستعدي لحنت عذيب ترانا مانعينها تجي معانا اليوم والاهي مصممه انها هي تطلعك بس مابغيناها تزعجك
هجير: بالعكس يمه تعرفين حبي لعذوب يمكن انسى همي شوي
ام سارة: ماحبت تناقشها بشي يمه سارة روحي فوق وتغدي ونامي ان كان لي خاطر عندك
هجير: خاطرك فوق راسي يمه باستها مع راسها ورقت فوق تحممت وجلست على سريرها تمشط شعرها الطويل الناعم حتى يجف بس كانت سرحانه .
ليش انا عاملت عناد كذا ؟ مسكين هو يعاملني بكل حنيه وانا اقسى معاه حتى مو من الذوق الي سويته فيه مسكت راسها وخللت اصابعها بين شعرها المبلول بس انا مو متقبله حبه لي انا انصدمت مرتين مرة من عبدالله ومرة من طلال ماصرت اثق بالرجال وغدرهم احس كرهتهم تسندت على السرير بس انا اكره طلال او مازالت احبه لالا اكرهه طلقني بكل سهوله وماكرهه الا ماطيقه عضت على شفايفها وناظرت فوق وتحجرت دموعها بعيونها بس ليش يوم اشوفه ينقلب وضعي ليش ان سمعت صوته يدق قلبي بقوه ليش احس اني مشتاقه له موووووت ااااااااه بس محتاره وربي محتاره اتمنى ان عناد يخطبني واوافق عليه علشان انسى طلال وايام طلال انا لازم استقيل مستحيل اقابله وارجع احن له خلاص راح استقيل
****************************
في المزرعة
سلوى: جالسه على أعصابها
هند: جلست جنبها وقرصتها مع فخذها ليه الحلو زعلان
سلوى: تعرفين وجودي بمكان فيه ابوي ينرفزني
هند: خلاص سلوى مهما صار هذا ابوك وامك وهي امك نست كل شي
سلوى: تناظر بامها ياحبيتي امي بس مانست الا تتناسى الي سواه فيها ابوي موقليل يلعب ببنت لسه عمرها 14 سنه بعدين يطلقها وهو ماكمل معاها سنة يقول لاهله ماخذتها الا بس اسكتكم وارضيكم وياخذ بنت خاله
هند: والحين له كم سنه يحاول يرجع امك بس امك رافضه
سلوى: اكيد راح ترفض بعد ايش بعد ماتزوج العوبا مزنه وطينت عيشته رجع يدور على امي
هند: امك ماشاءالله عليها الي يشوفها مايقول عمرها 35 جسمها رشيق يجنن ماكانها امك انتي عريضه وطويله هههههههههههههه
سلوى: ايه ياحسره اخذه جسم اهل ابوي كلهم طوال وعراض كثير شافوا أمي يقولون ماكانها امك
((( عفاف متوسطة الجمال بس هاديه وجسمها محليها ماكانها سبق تزوجت وجابت بنت جسمها رشيق ومتناسق موطويلة)))
هند: طيب ايش راح تسوين بخطبة سالم لك
سلوى: عنااااااد ماراح اخذه كارهته لانه من طرف ابوي
هند: مادري ليش ماخذتي هدوء امك
سلوى: قلت لك ياحسرة على كرهي لابوي اخذه كل شي شين منه وماخذت شي زين من امي
هند: هههههههههههههه لانك خبله
سلوى: بكل دفاشة ماخبل غيرك