الموضوع: رسالة أخيرة لمن ترسلها ~ مشاركه جماعيه

[align=center] بسم الله الرحمن الرحيم

من زمان قريت الموضوع فكرت لمين ابغي أرسل رسالة بس حسيت انه باقي ما جاء في بالي

احد ابغاه يسمعني ؛لهذه الدرجة الملحة إلي مو ذبحتني إلا مثلت بجسمي مثل ما يعذبون بجثة

قتيل بس الفرق بيننا انه ما يحس بالألم و أنا باقي أتعذب . في دوامتك ودوامتي .

الناس بكت ونست وأنا باقي ، همسات حاولت أنساك بس ما قدرت كان نفسي أقولك أشياء

كثير. كثير.

قالت ماما الواحد ما يحس بقيمة الشيء الا بعد ما يفقده ، بس أنا عمري ما قللت منك كنتي

مثلك مثل أي احد في حياتي كلهم واحد و معزتهم وحده .

أنا أسفه من قلب لأني باقي حاسة بالذنب حاسة إني من جد صرت شيطان رجيم ‘ أسفه لأني

قدرت أوصلك وما وصلتك آخر مرة كلمتك فيها قبل الحج قلتي انك طيبه وما فيك شيء

ووعدتني انك راح ترجعي المنتدى قريب ووعدتني انك لمن تجين تأخذين عمرة راح تجيني

لأنك ما تقدرين تحجين .

ووعدتني انك تتصلين وما اتصلت كانت نبرة صوتك تحزن بس أنا تغاضيت وطنشت الإحساس

الغريب.

كرهت نفسي لأني ما كنت أدرى إن السبب مرضك . لا اعتراض علي حكم الله بس وينك !!!

اتصل عليك يطلب يطلب يطلب بعدين لم يتم الرد مع علامة !!! ما أدرى إذا علامة التعجب

مستغربه مني لأني اتصل علي امل انك تردين وتقولين هذه كذبه او باقي ما ادرى لأني باقي

ضايعه.

حتي الماسنجر لمن افتحه اعرف انك راح تفتحينه في اي يوم بس الحين صعبه حتي

حاولت احذفك بس ما قدرت . سامحيني حياتي

كان يوم أربعاء وجايه من اخر اختبار لي قلت برتاح واكلمك عشان بطمن عليك .

اتصلت كان انتظار الله يعلم قد ايش فرحتي قلت ما فيها شيء يعني الي سمعته كذب.

بعد ين رحت يوم رجعت لقيت 3 مكالمات لم يرد عليها . اتصلت

طوط طوط بعدين انرفع الخط صوت غريب مو الصوت الهادىء الي اعرفه ومو مجامله اذا

قلت الصوت الملائكي سالت عنك ما جاوبت الين ما تاكدت اني اعرفك

قلت : وين همسات

قالت : ليش انتي ما تدرين ؟ كانت معصبه مني كانها تقول وينك عنك انا بكيت مع الخوف


قلت : ايش صار والله يعلم بحالي وقتها لا إني مع الاموات ولا اللأحياء

قالت: همسات توفت ما ادري اشلون قدرت اسالها متي وكيف

حسيت انها تلومني اكثر كان ودها تذبحني قالت لي توفت قبل العيد بثلاث ايام كان معاها مرض

القلب !!!!

كانت الطعنه الاولي الساعه 12 الصبح بكيت رحت في حضن ماما بكيت وبكيت فكرت اني

الحين مع ماماوانتي ما كانت معك امك شهقت شهقه بغيت اموت والله الطعنه الثانيه جاتني

في ظهرى الصبح وفي نفس اليوم ما اتذكر غير كلمات (( لبان _ انتبهي علي نفسك _ انتي مثل

اختي _مياسه)) الدنيا دارت فيني بزيادة وبعدهاجاني اتصال بعد جدتك في المستشفي خلي امك

تجي بسرعه المستشفي كان خميس مثل الدم الاسود علي تصدقين اني الحين صرت هاديه

ماني قادرة ارجع شروق ولا اكون شيطونة ضعت بين الاثنين .

اشتقت اسولف معاك الين ما اصابعي تتكسر واسولف لك مليون كلمة في الدقيقه باقي منقهره

من اشياء كثيرة وعندي سواليف كثيرة قلت لي مو كل ما تقرينه تصدقيه قلت لك انا فاهمة بس

ما فهمت اني ما اسمع الا كلام راسي انقهرت لأن في يوم ما عرفت انك رحتي من دون ما

اودعك ان جرحك في مياسه صار معي وبطريقه امر صدمتني اكثر في ناس حسبتهم اخوان

ومن كثر صدمتي كرهت اأي شيء اسمه عضو في مياسه غريبه هذه المياسه تجرحنا وتذبحنا

نزعل ننسي ونرجع مرة ثانيه هو هذا الحب انه مهما جرحك الي تحب تحس بطعم وجعه

حلوووو مع انه مر .!!

يوووووه عندي كلام كثير اكثر من الكثير وباقي هموس الجدول حق الأفلام الهنديه معاي

واتابعه

في هديه ان شاء اسويللك ايها بكره ومحد يقدر يهديك اياها غيري و ان شاء الله ربي يتقبلها

مني

الحين ارتحت واقدر ابدا جديد حياتي لأنك خلتيني اتغير 360 درجة صدقيني غيرت اشياء كثيرة

وطبعا للاحسن بكثير لأني سامحت نفسي والي حولي حتي الي زعلت عليهم هنا قررت

اسامحهم لأني راح افضل اروع شروق شكرا من قلب علي كل همسه في حياتي منك ؛

وان شاء الله نتقابل في الجنه .

اختك في الله شروق [/align]