الموضوع: انواااع التماااسيح

التماااسيح, انواااع

هيه شــباب لحد يزعـــل آوكـــي يا حلويـــن

مرحبا شباب .,,, اليكم انواع الشباب ،

1/ نوعيه من الشباب تشوفهم بالبيت غير وعند الناس غير, ,و ابسط مثال <؛ يافلان قم ود اختك المستشفى تراها تعبانه . يقول هاه وش فيها مافيها الاالعافيه بس اذا واحد من خوياه تعبان يطير طيران عشان يوديه المستشفى لا ويرافق معه بعد .

والايافلان نبي خبز ولي يعافيك جب لنا . يقول ماعلي منكم عمركم ماكلتوا سوو ريجيم وعند اخوياه هو يطبخ لهم لا ويغسل المواعين بعد

2/ الملابس ,, دولاب الملابس يشتكي من كثرها وما نشوفه الا بقميص واحد واتحداك يغيره ينام فيه ويقوم فيه ويصلي فيه ولايخلي احد يغسله , واذا جا رايح السوق شوفوه ساعه عند المرايه يعدل شماغه.

3/ العجازين , وياكثرهم كثراه زي الرز ودي اشوف شاب يشيل عن اخته او زوجته او امه بعض الا غراض بالسوق الا تلاقيه مطير عيونه بالبنيات والضعيفه وراه تسحب اكياسها . الوحده تشوف المصريه واللبنانيه تحسدها على الذوق اللي عند ارجالهم مايخلونهم يشيلون شي

4/ اذا تبون تعرفون الشاب المرتب من الفوضوي الا فوضوي هذي بسيطه شوفوا سيارته تجيك كلها غبار من يوم شراها ماغسلها لا ويقول هذي غبار الوكاله امحق وكاله لاوكاله ولا زفت الا عاجز يغسلها لا واذا شفتها من الداخل ماتدري وين تحط رجلك من هذه فروه تحت رجلك واسلاك وقراطيس وفصفص ومناديل وثلاجات الشاي لها سنه بالسياره وبلاوي الدنيا فيها لا وريحة الدخان اللي تدوخ الراس ,, لكن الشاب المرتب وهم قلة اللي تلقى سيارته تبرق من النظافه تدخلها كنك داخل محل عطور كلها نظافه وترتيب .

5/ راعي الحق والواجب ,, مايخالف الحق والواجب لكن بحدود المعقول واحد يجيب لزوجته كل يوم ذبيحه ويالله اطبخي كل يوم طبخ ونفخ ,, يعني الوحده ماودها تطلع مع زوجها وعيالها يتمشون وينبسطون وحتى اذا ماطلعوا يجلسون مع بعض يتناقشون ويتفاهمون عن كل يوم عزيمه ,, ولا رايح جاي من الاستراحات وياويلها اذا احتاجت شي ودقت عليه تقطع لعب الورق عليهم وهذي مصيبه .

6/ الدلع ,, بنت تدلع معقوله بس ولد يتدلع وووووه قهر , تشوف راسه ماتدري هو راس ولد ولا بنت والا التسريحات مدري من وين يجيبونها اللي فالق راسه من النص ولي مسويلي تسريحة بطل التايتنك وهو يحوم الكبد يطلع شكله تقول هندي وما يدرون ان الشماغ والغتره استر لهم والله انها وسامه وحلاوه

7/ الشباب النصابين ,, هذولا عد وغلط ياكثرهم يجيك الواحد يقول يوه سيارتي × الفراري× اللي طالبها من برى ماجت للحين اخاف ان عمارات نيويورك طاحت عليها , وهو زين ان معه ددسن ,, ولاماشفتوا جوالي هذا جايبه من دبي والله ,, وهو شاريه من الحراج .,, وما تدرون اختاروني لاعب للمنتخب بس اعتذرت لهم لاني مصاب والدكتور الزهراني يقول لاتعلب 6 اشهر والمشكله تلاقيه مايعرف يشوت كوره ,,

8/ المعصب ,, وهذا مسوي فيها شخصيه يدخل ينفخ ويطلع ينفخ يدور المشاكل ادواره يحسب ان باسلوبه هذا يخوف مايدري انه كذا ضعيف .

9/ الدلخ ,, هذا كل من هب ودب يضحك عليه الافي اي شي يحبك الشاب ,, اذا شاف بنت تلفت تدور اخوها او ابوها وطاحت عينها عليه صدفه قال تحبني ,,و لا اذا حكمت الظروف واضطرت تسال احد منهم سؤال دوره عاد يبدا وجهه ينقلب الوان ويتلخبط وحالته حاله على باله ان البنت اوقعت بدبابيبه .<< قولت المصاريا ,و والله بلشه مايدرون انهم بهاالاسلوب يخوفون الناس منهم .

10/ المغرور ,, مادري بعضه شايف نفسه على ايش شين وعينه قويه واغلب اللي كذا يحس بالنقص ومن زود احاسيسه بالنقص يحاول يرفع نفسه على الناس وما يدري ان من تواضع لله رفعه .

11/ الضعيف , والاا اقول مافي ولا واحد منهم ضعيف .

12/ راعي التفحيط , هذا اذا فتحنا راسه تلاقي مخه تقول جريش من كثر مايفتر بها الشوارع لايفهم ولايدري وين الله حاطه ماعنده ماعند جدتي ,,

13/ راعي الطرب ,و وهذا مايجلس الا على طرب قمة الازعاج واذا طلع بسيارته الله يعين المسجل لا ومركب سماعات اضافيه عشان الصوت يطلع صح اذا وقف عند الاشاره شوف ملامح وجهه بيتشقق كنه مسوي انجاز ,فرحان ,,

14/ راعي الارقام ,و هذولا ساكنين بالسوق مادري ماعندهم ابيوت تضفهم 24 ساعه باالسوق وطابعين ارقامهم ماليين كرتون ويالله توزيع حتى بعضهم يذب الرقم على الشغاله مايدرون انها تروح لكفيلها وتقول شوف شوف بابا هذا هديه .

15/ من برى الله الله من جوا يعلم الله ,و هم اللي يأجر لك فياجرا ولا شبح ولا فكتوريا من سيارات الجخ ,, وان وقفته قال انا فلان بن فلان ال وهو تلقاه يلتوح مايدري وين الله حاطه ولا اذا وقف عند الاشاره وانت جنبه رفع كتفه ونفخ راسه , واذا كان جنبه جمس فيه بنيات محترمات ارقبته اشوي وتنكسر وهو يناظر فيهم ويطلع هالمعروض < الرقم بس بخط كبير > وحالته حاله ولا تلقاه ماخذ سياره خاويه يطق العصي عشان المظهر وهو ماعنده ماعند جدتي ,,


آوكــي يا حلوين لحد يزعـــل زعلكم ياااااه مدريـ ايش يسير عندي

منقوووووووووووووووول للآمــــانه

---

hk,hhhu hgjlhhhsdp