الموضوع: وش موقفك هنا

اخواني الف شكر لكم

لكل من شارك بالموضوع له باقه ورد مغلفه بالجوري

وأخص بالذكر اخوي الغالي والعزيز / بوح مجنون

الله يسعدك ويوفقك يارب على مشاركتك ومساعدتك لي ياعسل

وربي يعطيك مليوون عافيه


واختي وحبيبتي هند الوفاء واكيد اثق في رايك حبيبتي

ربي يسلمك ويحفظك يارب اختي وربي يعطيك مليوووون عافيه ياقمر

واخواني اللي ماقصروا

gaberyal

وحامد

يعطيكم ربي مليووون عافيه

وان شاءالله اذا صارات مستجدات رااح اقوولكم

وانا متاكده انكم ماراح تقصروون ياحبايبي

من كل قلبي الف شكر لكم

محبتكم

صهيل انثى

(الحزينه)

اختي (صهيل)بلا شك طاعة الوالدين اجره عظيملكن ليس هذا ما امرنا الله به

بمعنى تحكمنا عادات مو قوانين الشرعوكل انسان له حق الاختيار والاخ الظاهري وضح راي الدين بهذا

وان جئنا لراي الدينبهذا الموقف والدين يامرنا بقول الحق,,يعني بتاخذ بنت عمكوالله يا يبه كذا وكذالا طبعالكن عشان العواقب والله امرنا استخدام العقللان ممكن نروح بستين داهية ويموتون الف شخص بدل شخصيمكن تمشية الامر كما قلت لكوالتملص فيما بعدوالتفاهم مع ابناء العمواحنا لم نعد بذاك العصر الذي اذا قال الابن لابوه لاتنهز الدنيا
لكن الكياسة والسياسةوالوسطية في الشئ حتى نصل لما نريد.هذا طبعا اذا الولد ما يبي بنت عمه او هي ما تبيه

اما الرجل الي يقول الشور شورك يا يبهوالي تشوفه يا يبهحتى بتقدير مصير زواجيهذا شخصية مهزوزةاو انه يخاف ابوه.ويمكن اناني يحب ذاته.هذا شلون بيعيش مع بنت عمه بكرةابوه بيتحكم فيها مو هوهذا احسن له ما يتبط لا ببنت عمه ولا غيرها.

واذا بنقول الشرع اي نعم وضحنا راي الشرع بكل شيء وهو لا يخالف قول الحقوالزواج بالرضى والتراضيهذا زواج وعمرمو سلام وزيارة يومواذا تكلمنا عن الحب فالدين لم يحرم الحب بل اكد عليهوالتحريم هو في التظليل والاكاذيب باسم الحب هي التي خشى الدين من وقوعنا بهاانظروا لاحكام الدين بحكمتها واسبابهاوليس صح غلط دون نقاشفقط اليوم الشرع يعجبناويوم يصير بيني وبين بنت حب ومودةاقول حلال ولما يجي الجد اقول الامر لك يا ييبهليش وين كان الشرع يوم تحب البنتاذا كان وهم او لعبفعذرا لم يكن حبا ومثل هذه القلوب لا تعرف الحباو انها جبانةفالحمدلله هنا البنت كسبت فلاحاجة لانثى محبه لرجل ضعيف لا يقدر حبهافليذهب مع شور ابيه
وياما كثير من البنات انضربت وعذبت عشانها رفضتلانها مخلصة لشخص مااو انها لاترغب بولد عمها يمكن مو شخصية كما ترغبيعني البنت الضعيفة الي امرها عند ابوها تقول لا والرجل يقول امرا وطاعة!؟.(طبعا اعلم ليس كل الرجال هكذا فمنهم اصبح مجنون ومخلص )

واحب ان اضيف انه مو شرط ولد العم بيعز بنت عمهالا يمكن يسطرها ويدوخها ولا تقدر تشتكي ولا محكمة ولا قاضي ينفع ولا ابو ولا اخولان دم واحد يعني بتشرب الضيم كله والكل يتفرجاما ولد العم عادي عنده لاربعوش مشكلته؟اذن لما واحد يتزوج او يفكر يرتبط يكون حريصوالاقارب عقارب:) الحرص منهم اكثر
لنكن واقعيين بحلولناهذه عاداتوهذا شرع كل منا يميز بينهما
لكن المشكلة هي فينانكابر ونخالفومرة شرع ومرة لافالاجدر بنا ان نطرح حلا يعكس الواقعوهذا ما سعيت لهوهو واقع بعيدا عن المثلياتفالمثاليوون بيننا ينعدون على الاصابع.

هذا رايي بكل صدق وواقعيةوتعتمد الامور وتطوراتها على تربية كل شخص وقوة شخصيته وذكاءهوقوة ارادتهفنحن بني البشر نختلفونتفقوالله الموفق

.

[align=center]بسم الله الرحمن الرحيم

خُـلِـقنا على هذه الارض و مُـسيّـرُنا هو الله
و جميع الاقدار بيده عز و جل

جميل أن نعيش و نحلم و نتمنى و لكن علينا ان نرضى بنصيبنا من الدنيا

الموقف هكذا والد حازم و العائله جميعها متواجده و أصحابي متواجدون في ملكة أخي

و عرض علي الزواج من ابنة عمي و لي حبيبه سهرت الليالي اخط حروفي و كلماتي لوصفها و لم تتعب يدي من رسم أسمها

لو فرضنا أني رفضت الزواج من ابنة عمي

و النتيجه اني ساكون منبوذا من قبل العائله و زيادة على ذلك دنست شرف ابنة عمي المسكينه

و فوق كل هذا سأواجه والدي اللذي اكن له الاحترام و أيضا !! . سيمنعني والدي من الزواج من حبيبتي

و لو فرضنا اني قبلت الزواج من ابنة عمي .

فالنتيجه ستكون كذلك

الكل سيفرح ما عداي انا و حبيبتي

و اذا لاحظنا النتائج أعلاه سنلاحظ ان الضرر في قرار القبول سيكون قليل

و لذلك جوابي سيكون مثل الاخ بوح مجنون و سأقبل الزواج من ابنة عمي

(و عسى ان تكرهوا شيئا هو خير لكم )

سلامي و تحياتي للأخت صهيل انثى و لكل من ادلى بدلوه

رمــــــــــــــــاد
.[/align]

الحل باعتقادي هو ان ترضى بما اراده لك والدك
وتنقذ بنت عمك من حكي الناس لانو حكي الناس ما بيرحم

بعد كلمة ابوه الى فرضت الهدووووووووو التام على المجلس


وافكاره يمين شمال ومو عارف كيف يتصرف او كيف يرد ونضرااااااات الى حوله لخبطته زياده


لاكن حاول يطلع من الموضوع بدون زعل ابوه


وقال لابوه
تسلم يبه لاكن اليوم فرحت (اخوه الكبير) ومانبي احد يشاركه فيها وانا ابي فرحتى لحالي











بس على مين الشايب صاحي له وقال فرحتك وفرحت اخوك والفرح فرحين وناضره بعين مثل الى يقول على مين تلعبها




والولد خلاص يقول حسيت اني مربط مو عارف اتصرف لانه عارف طبع ابوه وماريح يقتنع بوجة نضر غير وجهت نضره



يقول قلت لابوي طيب يبه مابي الملاك الحين ابئجله لين اجهز اموري يقول وجتني ذيك النضره من ابوي الى معناتها ان صبري نفذ

وحتى الموجودين من كبار السن بدو يلاحضون التوتر الموجود وبدت العيون رايحه جايه

ويقول ساعتها خلاص مافيه قدامي الى اني اوفق لانه مستحيل انزل كلمة ابوي قدام ربعه وهو المعروف عنه انه كلمته سيف قدام الكل ومستحيل انزل من هيبته وهيبت عمي


ومهما كان بنت عمي مارضى ان احد يجي بيوم ويقول لو مافيها شي كان ماتركها ولد عمها ورفضه قدام الرجال





يقول ويلتفت ابوي للمملك ويقوله يبدى يعقد الملاك




يقول قسم بالله كان هاين على اقوم ادوس ببطن المملك الى ماهمه شي جالس ومتنح وماهمه الى يمسك بهادفتر ويكتب


يقول واناضر لولد عمي الثاني والاقيه شوي ويفطس ضحك كنت بدوس بطنه لاكن بعد دقيقه وقبل يعقد الشيخ



قال ولد عمي لحضه وبعد اذن عمي وابوي واذن ولد عمي عطوني عشر دقايق اروح اشاور البنت وارجع


وكالعاده اعتراض من الشايب اقول (البنت مالها الى راي اهلها ورجالها )


ويرد ولد عمي ايه ياعمي بس الشرع عطها هالحق وانشاءالله مايصير الى الخير

يقول وهوكان جنبي وينبهني يعني اتكلم يرخمه ويقول والتفت لابوي وعمي قلت هو صادق يبه

الاسلام عطاها هالحق وحتى لو كانت بنت عمي مارضى انها تواقف على عشان اني ولد عمها وبس والى عشان رضاكم لازم لها شور وانا مارضى احد مغصوب عللى

يقول ويبدون عيال عمي كلهم يااايدوني براااي

وتحت اصرار الكل وبعد تدخل من الشيخ وافق عمي يقول ويطلع ولد عمي من المجلس ودي الحقه وقول قلها لاتوافق بس والله لو اطلع ان يدوس ابوي بطني



طبعا ولد عمه هذا لاشاور اخته ولا شي طلع عشر دقايق ودق جوال على ولد عمه الى هو بطلنا واستاذن وطلع من المجلس

وبعد ماتفقم برى



رجعوا من برى ودخل الولد وقال لابوه وعمه والله يايبه وانت ياعمي بنت عمي تقول ماتشوفني غير اخو


وكالعاده الشايب اعترض ولاكن يقول الولد قدرت الاقي حجه اطلع من المجلس يقول قلت يبه بنت عمي والله انا شاريه وتسوى بنات الكون لاكن مستحيل اخذها وهي ماهي راضيه ومن اليوم ورايح والله انها مثل اختى واسمحلي يبه وطلع من المجلس


طبعا شايبنا بعد ماطلعو الرجال قلبها ساحة قتا ل بس اهم شي الزواجه ماتمت


اخوي بوح مجنون / اختي هند الوفاء



ابي رائيكم وردودكم

وابي راي جميع الاعضاااء الله يعافيكم

مرحبا اختي صهيل انثى,,,

الحمدلله صار بطريقة الي كنت ابيهالى هو التملص بدبلوماسية

يعني تحمل نفخت ابوه,,,شوي ومن هنا لهناك.صارت السالفة فركش

ما يصير احد يرتبط بانسان ما يحبهالزواج لازم يكون فيه اقتناع الطرفين,,,

انا اشوف تصرفه حلو

وان شاء الله اكون فهمت صح

عندي سؤال ولد عمه الاولي وين راحدام انه ما اكلم اخته مدري بنت عمه

وكنت بقول ملاحظة بنت العم لازم ينأخذ رايهاليش تفترون عليها ^_*

المهم حتى لو كانت موافقة على ولد عمها او حتى تحبهمو حلو بعدخلها تتحمل الم اليوم احسن من بكرة الالم كله.لانه ولد عمها ما يبيها.لان بصراحة في بعض الناس يعتبرون عيال العم من املاكهم الخاصةصحيح فيه حب ومودة ودم وقرب شديدلكن مو لدرجة التملك وفرض الزواج على الاخروبحكم انه والله ولد عمي غصب بياخذني او العكس
ابدا غير طيب هالاحساس بالتسلط.

المهم ربنا جاب العواقب سليمة
<<< مبسوطة جدا ومستانسة وايد:)

الحين اختي صهيل شنو تبين تاخذين رايي فيهالامور ماشية منيح:)

تبين تعديل لوضع او موقف ولا شنو.وضحي عشان اكتب لك بسرعة الصاروخ:)

<< اقول لا يكون انت الي بيخطبونك

تحيتي لك,,,

السلام عليكم اعجبني الموضوع وشكرا لك اختي صهيل انثى

تعجبت من كثير من الردود واعجبتني الكثير لكن ليش دايم نرضي الناس ما نرضي انفسنا.
الواحد لما يحب ما يقول حرام ولا يجيب طاري الشرع صح مثل ماتفضلت اختي هند وقالت نحب من دون تفكير ولا نفكر بالشرع ونعيش احلام ونخطط ونبني واذا جينا للواقع نقول لا كلام الناس طيب وين كان كلام الناس بالاول لماكنت تحب؟ وين هذي الفزعه والنخوه على قولتهم ليش الحين تطلع طيب مثل ماهذي تدور الستر اكيد الي حبيتها تدور الستر ليش دايم نحط في بالنا اني اللي نحبها شيطان رجيم ولا تصلح زوجه انت على اي اساس طيب حبيتها على صوتها؟على شكلها على ايش؟ ليش ترمي الناس بالحجر وانت بيتك من قزاز اذا كنت قد الحب وقد الاختيار وتحب وتفتح قلبك وتحب اكيد انك بتحب وحده كفو ووحده قد الحب وقدك وتعيش هي على امال المسكينه واذا انحطيت في موقف مثل كذا وانا اعتبره اختبار ليش تنهزم وتحط راسك بالارض وتجيك الفزه لبنت العم؟!!

طيب وين كانت بنت العم من قبل كنت تفكر فيها كزوجه والا ما همك اكيد بينك وبين نفسك تقول لا انا احب فلانه اوكي الحين عشان ابوك الاب قدره على العين والراس وله الاحترام وكل التقدير لكن ماهو ملاك منزل ولازم اعبده لا وين الحريه وين احترام الراي الاخر والا القمع هو الي سائد ونجلس طول عمرنا نقول سم امر ابشر طلق نطلق تزوج نتزوج لا تروح هنا ما نروح
صرنا مثل الاله تمشي بتلقي الاوامر
نرجع للحبيبه وين راحت ست الكل والي ما في غيرها بحياتك واسمها على كل صفحات كتابك واذا سليت بس تفكر فيها وتنام وتصحى على صوتها وين الرجوله الي كنت تتباهى فيها عندها راحت خلاص صارت من الماضي وانقلبت الحبيبه شخص غريب وما هي منك ولا انت منها
خلاص تصير بنت الناس وانت لازم تحافظ على سمعتك وسمعت اهلك اي سمعه بالله واي تدنيس شرف بس عشانك ما تزجت بنت عمك وخير ياطير طيب ما اتفقتو ولا انت ودك تتزوجها وهي بنت عمك معزز مكرمه في بيت عمك يجيها نصيبها وبعدين هذا زوج مب مسألة يوم ويومين هذي انسانه بتعيش معاها بتنام وتصحى على صوتها وتشوفها قدامك اربع وعشرين ساعه لازم يكون فيه الفه بينكم

اللي ابي اوصله واللي هو الحل السليم انه في لحضتها يوقف ويسلم علىراس عمه وابوه ويقول بنت عمي من احسن البنات واشرفهم ولي الشرف بس ما فيه نصيب لاني ما اضن اني بتحمل مسؤولية الزواج الحين وانا ما افكر اتزوج الحين لاني للحين احس اني ما كونت نفسي والزواج مسؤوليه وبكذا ارضي الطرفين برد مقنع وما اضن احد بيغصبه ويقول غصب عنك تزوج الحين ووفى لحبيبته الي تنتظره

وياليت يكون فيه اشخاص مثل كذا وشكرا واله يوفق الجميع اسفين على الاطاله

اختك غوايش كيووت

حلووووووووووووووووووو ماصار زواج هذا اهم شي ايه كذا يعجبني حرام نغصبهم على الزواج واحد الطرفين مو راضي
وشكرا لك اختي صهيل انثى