الموضوع: مـــــراهقتـــــــي!!. . .

أسعد الله صباحكم / مسائكم بكل خيـــر . . .
أتمنى يكون الكل بألف خير . . .
لما كنت مراهقه كنت اتمنى في ذيك الفتره إنو ألاقي أحد بجانببي معي يدعمني
ويساندني ويوضح لي أشياء كثيره كانت غامضه بالنسبه لي في ذاك الوقت وأهمها حيرتي
في إنو هل أنا ذحين كبيره والمفروض إنو أجلس مع الكبار وأتصرف تصرفاتهم ولا لساتني
صغيره وأقدر ألعب وأستهبل وأسوي كل اللي نفسي أسويه كنت تايهه ماني عارفه
إش اللي ممكن أسويه فهذاالموقف ولا إيش اللي المفروض أقوله لو قلي شخص هذا الكلام
عشت في حاله مايعلم فيها إلا ربي وبما إني أكبر اخواني في البيت فهذا الشي زاد الطينه
بله يمكن لو كان عندي أخ أو أخت أكبر مني كانت خفت حدة هالشي شوي لكن على
الرغم من إنو ذيك الأيام كانت أقسى أيام عمري إلا إنها علمتني دروس كثير أهمها
إني ماأثق في الناس بكل سهوله ولا أنخدع بمظهر الشخص اللي قدامي لأنو في أشخاص مهما
بينوا إنو هما يحبوك ويهمهم أمرك حيجي يوم وتكتشف إنو هذا كله كان كذب في كذب
أكيد كلكم لما كنتوا مراهقين عانيتوا من هالشي بس أكيد طبعا بدرجات متفاوته يعني كل
واحد على حسب ظروفه و البيئه اللي عاش فيها ياريت كل واحد فيكم يحكينا كيف
كانت مراهقته وكيف قدر يعدي من هالمرحله الصعبه في حياة أي شخص وهل كان
يتمنى إنو يلاقي شخص يحس فيه ويوقف جنبه فـذيك الفتره عشان نقدر نستفيد من
تجارب بعض ونعرف كيف ممكن نتعامل مع المراهقين اللي عايشين معانا سواء كانوا
أبناءنا أو اخواننا أو أياً كانت علاقتهم فينا وحتى المراهقين أنفسهم يستفيدون من
تجــاربنــا. . .
أتمنى يكون الموضوع عجبكم وأتمنى المشاركه والتفاعل من الجميع . . .
أرق تحياتي / خــــــــــلود